الموضوع: الطريق الي طابا

المشاركة الأصلية كتبت بواسطة gelgel2004

السلام عليكم ورحمه الله و بركاته
رحله سعيده ان شاء الله
1/الطريق
تطلع طريق الاسماعيليه وتكمل لحد الشروق و تاخد يمين لحد اخر الطريق تلاقى نفسك طلعت على طريق السويس تكمل 60 كام لحد الكمين
تاخد شمال فى يمين
انت دخلت كده اول طريق سيناء - شرم تخلص النفق و تخرج تلاقى ميدان منه طريق الى سدر و شرم و طريق تانى الى طابا
الاجمل تطلع من سدر الى شرم و تخرج من شرم الى دهب فطابا فى نويبع و العوده
المحطات متوافره فى الطريق بتاع شرم اكثر
الافضل محطات وطنيه / موبيل / اوليبيا / شل وطبعا تضيف محسن اوكتين على التانك بالكامل.
المياه المعدنيه من محطات وطنيه
بلاستيك واقى لقواعد لدورات المياه - ضرورى
كاميرا و شاحن بطاريات لان هتصور كتير و الطبيعه و الجو خيالى تماما.
ممكن تاخد رست فى سدر
الطور
و طبعا شرم

من اجمل فنادق دهب هيلتون دهب - عندى خصم كويس هناك - ممكن تستفيد بيه
شرم فيها فنادق كتير - حدد البدجت و انا جاهز

رحله سعيده و الطريق كويس بس متجريش اكتر من 100 كلم.
رحله سعيده يا برنز البرانس

و الله الموضوع ده جهه على الجرح ... انا بقالى فى حدود 4 سنين عاوز اطلع الطلعه دى و كل صيف بكسل او بقلق من ناحية الفلوس لكن فعلا بفكر فيها الصيف اللى جاى
و الواحد يعمل حسابه فى قد ايه فى الفلوس فى الطلعه دى
و المسافة الرحله بالتفاصيل اللى حضرتك قولتها تبقى كام كيلو ؟؟ و هل فيه بنزينات كتير على الطريق علشان ابقى عامل حسابى فى البنزين علشان عندى العربيه و الحمد لله بتاخد 190 فى الصفيحه
(على فكره نفس عربيتي طلعت الطلعه دى سنه 1988 ايام والدى رحمة الله عليه - بس ساعتها كانت لسه عدى على موديلها 5 سنين بس)

المشاركة الأصلية كتبت بواسطة lanos2004

خد معاك رشاش الى وكمان ميه تكفيك اسبوع واكل -وشويه فلوس حلوة ومتمشيش بليل ولا الصبح بدرى قوى ومتقفش لحد عاوز يبعلك حشيش-ويستحسن تركب تيربو فى السيارة لزوم الهروب وقت الخطر

ماهو ده اللى مخوفنى لأنى حسافر بالمدام و الاولاد و مش عاوزين اكشن
اخبار الامن دلوقتى ايه ؟؟ و هل فعلا فيه قطاع طرق كتير دلوقتى