صوت فى الجيربوكس بيضيع لما ادوس دبرياج

صوت فى الجيربوكس بيضيع لما ادوس دبرياج ممكن يكون الزيت ناقص
لو حد عمل موضوع تزويد او تغير الزيت ارجو الإفادة عن مكان الطبة لو امكن و نوع الزيت

الموضوع عندي سالت مهندس في التوكيل هو صاحبي اصلا قالي هو الزيت اللي نازل للجير بوكس خفيف بيعمل الصوت ده انا ممكن اغيرهولك بس هيعمل صوت اكتر من اللي موجود لان الزيت اللي بنحطه مش نفس اللي جاي فيها ... قولت له يعني ما يعملش مشكلة قالي لا لو عاوز اغيرهولك اغيرهولك ... فانا قولت بناقص ... بس هو صوت خروشة خفيف بيضيع لما تدوس دبرياج وما بيتسمعش الا لما تكون في وقت ومكان هادي جدااااااااااا

واية يعنى انا عندى نفس المشكله بسى هذه مش مشكلة انا شايفها عادية

عادى , الصوت ده حتلاقيه بيظهر بس و العربيه بارده

شكرا للرد يعنى ميعملش حاجة خالص فى الجير نفسة؟

اقتباس:

---

المشاركة الأصلية كتبت بواسطة msg_lotfy

شكرا للرد يعنى ميعملش حاجة خالص فى الجير نفسة؟

---

لا مش هاتعمل أي حاجه

الصوت ده من بليه الدبرياج غالبا
وكان موجود عندي في عربيه كنت شاريها زيرو يعني الصوت كان موجود من يوم ما اشتريتها
وبعتها والصوت كان موجود وكانت عامله 120 الف كيلو وماكانش مسبب مشكله
نصيحتي انك تغير البليه مع تغيير طقم الدبرياج او لو الصوت اصبح عالي اوي

لو من بلية الدبرياج لما ادوس دبرياج الصوت يزيد اكثر

ممكن حد يفيدنى هو الجير تقيل شوية او بمعنى اخر بتحس بة و انت بتنقل؟

عاوزين نعرف مكان طبة زيت الفتيس ، و امتا بيتغير الزيت

طبة الفتيس موجوده فى الوضع التالى
افتح الكبوت و انظر لأسفل الفتيس من فوق هتلاقى طبه فى النص بالضبط لونها ابيض هيا دى طبة الفتيس
و مانصحكش تزود زيت او تغيره دلوقتى ممكن بعد 3 سنوات او 100000 كم تغيره