بكام تكلفة ظبط الزوايا والترصيص؟

**beshomilan** · 07-10-2012 11:32 PM

كنت بسأل كام تكلفة ظبط الزوايا والترصيص ؟؟
وبياخدوا وقت قد ايه فى الشغل؟؟
وياترى حد فى شبرا مصر بيعملهم؟؟

سؤال اخر:
انا عندى الدركسيون مسكته مش متمركزه فى النص..يعنى عشان تمشى مستقيم بيكون مايل شويه للشمال
ياترى ده تبع ظبط الزوايا ولا محتاج حد تانى؟؟

**m_adeleid** · 07-10-2012 11:52 PM

المشاركة الأصلية كتبت بواسطة beshomilan

كنت بسأل كام تكلفة ظبط الزوايا والترصيص ؟؟
علي حسب المكان زوايا من 30-60 ترصيص من 5-10 الفرده
وبياخدوا وقت قد ايه فى الشغل؟؟
الاتنين مع بعض حوالي 30-45 دقيقه
وياترى حد فى شبرا مصر بيعملهم؟؟
لا اعلم

سؤال اخر:
انا عندى الدركسيون مسكته مش متمركزه فى النص..يعنى عشان تمشى مستقيم بيكون مايل شويه للشمال
ياترى ده تبع ظبط الزوايا ولا محتاج حد تانى؟؟

دي مع الزوايا و بيظبطها من تحت العربيه اوعي تخليه يفك الدركسيون و يعملها منه لان كده حتخلف عدد اللفات اليمين عن الشمال
رأيي احسن مكان لضبط الزوايا و الترصيص بريدجستون عمارات العبور-صلاح سالم
ترصيص الفرده 10 جنيه
الزوايا 60

**misoalex** · 07-10-2012 11:53 PM

بص مسكه الدركسيون دى حاجه غير ضبط الزوايا الدركسيون ده عشان تظبطه روح لكهربائى او ممكن بتوع الزوايا هما بيفكوه يعدلوه بس مش كلهم
انما تظبط زوايا لما تسيب الدركسيون تلاقى العربيه بتحدف منك يمين او شمال ولازم تلحقها

**misoalex** · 07-10-2012 11:56 PM

المشاركة الأصلية كتبت بواسطة m_adeleid

دي مع الزوايا و بيظبطها من تحت العربيه اوعي تخليه يفك الدركسيون و يعملها منه لان كده حتخلف عدد اللفات اليمين عن الشمال
رأيي احسن مكان لضبط الزوايا و الترصيص بريدجستون عمارات العبور-صلاح سالم
ترصيص الفرده 10 جنيه
الزوايا 60

يعنى ايه عد اللفات تختلف اليمين على الشمال ؟؟؟؟!! هو حيقص من الاسكاترا حته ؟؟

راجع معلوماتك يا باشا الدركسيون عباره عن حديده مدوره ملهاش دعوه ولا بعدد لفات ولا غيره المسؤل عن عدد اللفات المشرشر بتاع الاسكاترا فقط لا غير

**mehles** · 08-10-2012 12:07 AM

المشاركة الأصلية كتبت بواسطة beshomilan

كنت بسأل كام تكلفة ظبط الزوايا والترصيص ؟؟
وبياخدوا وقت قد ايه فى الشغل؟؟
وياترى حد فى شبرا مصر بيعملهم؟؟

سؤال اخر:
انا عندى الدركسيون مسكته مش متمركزه فى النص..يعنى عشان تمشى مستقيم بيكون مايل شويه للشمال
ياترى ده تبع ظبط الزوايا ولا محتاج حد تانى؟؟

بالنسبة لضبط الزواياب25جنية فى اسكندرية--اما بالنسبة للدركسيون ممكن تعدلة انت بسهولة بانك بتشيل القطعة المدورة اللى فى وسط الطارة اللى بتضغط عليها لما تحب تضرب كلاكس بواسطة مفك عريض وبعد كدة تفك الصامولة اللى تحتها بمفتاح العجل وتسحب الطارة لفوق واذا كانت جامدة تهزها يمين وشمال وبعدين تعيد تركيبه تانى في الوضع المستقيم وتربط الصامولة وشكرا

**blazer** · 08-10-2012 12:11 AM

Fit & Fix
Bridgestone

**misoalex** · 08-10-2012 12:12 AM

المشاركة الأصلية كتبت بواسطة mehles

بالنسبة لضبط الزواياب25جنية فى اسكندرية--اما بالنسبة للدركسيون ممكن تعدلة انت بسهولة بانك بتشيل القطعة المدورة اللى فى وسط الطارة اللى بتضغط عليها لما تحب تضرب كلاكس بواسطة مفك عريض وبعد كدة تفك الصامولة اللى تحتها بمفتاح العجل وتسحب الطارة لفوق واذا كانت جامدة تهزها يمين وشمال وبعدين تعيد تركيبه تانى في الوضع المستقيم وتربط الصامولة وشكرا

بالظبط كده بس عشان الشرح سهل لكن الموضوع عاوز واحد بيشتغل بأيده ومعاه عده وفاهم فعشان كده الكهربائى حيظبطه وياخد 5 ولا 10 جنيه بالكتر وخلاص خلص الموضوع

**m_adeleid** · 08-10-2012 12:20 AM

المشاركة الأصلية كتبت بواسطة misoalex

يعنى ايه عد اللفات تختلف اليمين على الشمال ؟؟؟؟!! هو حيقص من الاسكاترا حته ؟؟

راجع معلوماتك يا باشا الدركسيون عباره عن حديده مدوره ملهاش دعوه ولا بعدد لفات ولا غيره المسؤل عن عدد اللفات المشرشر بتاع الاسكاترا فقط لا غير

اللي تشوفه يا باشا يبقي هوا الصح

**misoalex** · 08-10-2012 12:26 AM

المشاركة الأصلية كتبت بواسطة m_adeleid

اللي تشوفه يا باشا يبقي هوا الصح

لا طبعا مش اللى انا اشوفه هو الصح هو مش انا اللى اخترعت العربيه
بس حضرتك بتدى نصيحه مش مظبوطه وانا حبيت اصححها لان الراجل كده حيدوخ جدا وحيدخل فى حوارات عشان حد يظبطهاله من تحت وهى ممكن تتظبط من الدركسيون فى اقل من 3 دقائق وانا كنت بعملها بأيدى عند الكهربائى لما كان بيبقى مشغول وملهاش اى تأثير على اى حاجه
ولو حضرتك ليك وجهه نظر تانيه ياريت توضحها يمكن انا اللى غلطان

**M.Elgergawy** · 08-10-2012 12:57 AM

في مركز ظبط زوايا في الساحل ممتـــــــــــــــــــــا ز جدا لسه ظابط عنده الخميس الماضي في حياتي مشوفتش صنايعي كدا ابدا كشف شامل على العفش لو عندك مسمار مش مربوط هيقولك والزوايا الامامية ب 25 ج وامامي وخلفي 40 ج وزحمة موووووووووووووت يعني تقف في طابور زي بتاع السولار كدا :) لو عايز عنوانه قولي وانا ابعتهولك على الخاص

الموضوع: بكام تكلفة ظبط الزوايا والترصيص؟

LinkBack

أدوات الموضوع

عرض

-

-

-

-

-

-

المواضيع المتشابهه

بلى عجل الميجان الامامى تكلفة تغيرة فى التوكيل بكام وبرة بكام ؟

تكلفة صيانة 10000 كم بكام

استفسار عن ظبط الزوايا والترصيص؟!!

أنتهاء عرض درش لظبط الزوايا والترصيص والنيتروجين

الكلمات الدلالية لهذا الموضوع

المفضلات

المفضلات

ضوابط المشاركة