الانوس Se ارجو الرد السريع

**moshax** · 06-07-2008 06:12 AM

انا معايا لانوس 2006 Se والله يجازى الى كان السبب فى انى جبتها Se انا كنت عاوز اجيبها S لانى حاسس انى 4 الاف جنية دول مش حاجة مقابل كل الى فيها دة
العربية على فكرة حلوة وكويسة مقابل سعرها لاكن عيبها الفرامل لانها سيئة جدا ومش هقول مقارنة بلانسر ولاكورولا
(مقارنة ب لادا 2110 لانى صاحبى معاة لادا وكنا ماشيين جنب بعض وبنفس السرعة تقريبا ومرة واحدة وقفنا مع بعض هو عربيتة وقفت بسرعة وانا هاتك يا زحلقة فى الطريق واخرتها فرق شبر بينى وبين الى قدامى وهوة اول عربيتة عند الشنطة ورا واتخبط مرتين بسبب الفرامل قبل كدة)
وكمان فى عيب تانى انى العربية واطية وهتتعبك فى المطبات وماادراك من المطابات الى عندنا فانا عادى جدا بالنسبة لى لما العربية تحك فى المطب اتعودت خلاص كمان كتير عند المطب اطضر اقف وانزل الى راكبين فى العربية علشان المطب بيبقى عالى ومش طويل
لاكن غير كدة العربية حلوة دة معلومات للعاوز يشترى لانوس يعنى
______________________
المهم انا عاوز احولها بقدر الامكان واخليهاs
يعنى عاوز اعرف شوية حاجات واسعارها واماكنها
واهم حاجة هى الزجاج الكهرباء والسنتر
وبعد كدة الستوب الخلفى وكمان الفوج لايت وكمان الساعة
واهم حاجة عاوز فرش البطانة الى فى الباب ودة على فكرة بقى ينزل فى 2007 و2008 فى Se
واركبة فين ولو التوكيل يرضى يركبة ولالا وحدود كام
وياريت الرد شكرا

تم تصحيح لفظ الجلالة, برجاء مراعاة ذلك مستقبلا

مشرف القسم

**Shiref_mohamed** · 06-07-2008 08:45 AM

دور شوية في المنتدى هتلاقي كل ما تحتاجه وبالأسعار كمان

**Mohammad_Younis** · 06-07-2008 12:03 PM

أولاً أنا معاك في إن s أفضل بكتير من SE وذلك لأنك مهما عملت مش ممكن تعمل زي الأصلي إللي جاي في العربية
ثانياً حتى لو جبت الإضافات الأصلي مش ممكن يكون إللي هيركبها زي المصنع
بس انت ممكن تعمل زي اللي أنا اشتريت منه العربية أضاف زجاج كهربائي أمامي (وحدة رفع) وسنتر لوك وانذار ورموت ودي حاجات أساسية، وعلى فكرة الحاجات دي شغالة عندي زي الفل والحمد لله
*****
نيجي بقى للمشكلة الكبيرة الفرامل فعلاً ضعيفة جدا ودي شكوى عامة شكى منها معظم أعضاء المنتدى وطرح أحد الأخوة تعديل للفرامل لكن بيظل الخوف من التعديل وكذلك منفذ التعديل.
****
المشكلة الأكبر، العربية وطية بشكل غريب خاصة لما يكون معاك أكثر من واحد, أنا ساكن في المنوفية وكل مرة طبعاً بيركب معايا من البلد في الغالب 3 أو 4 من الأصدقاء والجيران حوالي 22 مطب كلهم بيحكوا في العربية لو لم أترك المطب كلية وانزل في الغيط علشان متحكش , وفيه إللي على الطريق الزراعي ملهمش حل وبعد القناطر فيه منطقة عمل عملين فيها مطب يدوي فظيع
المهم أنا بفكر بعد ما أرجع من البعثة (إن شاء الله) أغير الجنوط وأكبرهم شويه زي ما اقترح أحد الأعضاء

وربنا معاك ومعانا

محمد يونس من ألمانيا الغائمة(مليئة بالغيوم )

**akrameladl** · 06-07-2008 12:17 PM

يا جماعة بس اهم حاجة عاوزين نعرف ضفيرة الكهرباء هى هى ولا فى تغيير وبعد كدة الباقى مقدور علية وزى الفابريكة بالظبط
يا ريت لو نجم المنتدى محمدبك ممدوح يرد علينا فى الموضوع دة

**akrameladl** · 06-07-2008 12:28 PM

فرش البيبان موجود فى الحرفيين معرفش سعره و الاستوب الخلفى و الفبر بتاع التابلوه كمان و الساعة بـ 140 جنية فى احمد سعيد

**m_waheed** · 06-07-2008 12:39 PM

** طبعا انا بشارك معظم الزملاء في الكلام اللي بيقولوه انا عربيتي اشتريتها se

لما حبيت اركب زجاج كهرباء جمعت المعلومات الأتية :ـ
مع ملاحظة اني لسة مش اخدت قرار وبرده منتظر اخاد رايكم وخصوصا محمد ممدوح
المهم انا سالت في التوفيقية علي زجاج كهرباء واحد قالي انه هيركب مكنة استيراد للزجاج الاماماي فقط وبيثبت الأزرار ناحية الفتيس وهو هيركب حاجة النوبيرا كوري وقالي ان التكلفة 400 جنية بالتركيب
تاني عرض
محل اخر في المنيل قالي ان هيركب مكنة تايواني جديد وهيركب الأزرار عند الابواب زي الفبريكة وشكر في المكنة وقالي ان برده التكلفة هتكون 400 جنية بالتركيب مع إضافة 35 لوحدة الرفع

** صديق تاني قالي اني ممكن اغير الفرش بتاع الأبواي واشتري الفرش بتاع السيارة الكاملة مع ملاحطة 4 ابواب وهيكونوا بنفس شكل وحالة s
لكن لسة مش عرفت اعمل الحاجات دي بكام ولا اشتريها منين
** بنسبة للجنوط وهل هي بتساعد علي رفع العربية يا ريت حد يوضح لينا ازاي وايه افضل انواع الجنوط وبكام وهل هي بتخلي العربية في حالة ثبات مع السرعات العالية ولا العكس
انا عارف ان تركيب كاوتش عند المساعدين بيخلي العربية عايمة

**m_waheed** · 06-07-2008 12:46 PM

المشاركة الأصلية كتبت بواسطة akrameladl

فرش البيبان موجود فى الحرفيين معرفش سعره و الاستوب الخلفى و الفبر بتاع التابلوه كمان و الساعة بـ 140 جنية فى احمد سعيد

معلش يا ريت تقولنا فين احمد سعيد
وايه هو الفيبر بتاه التابلوه ؟؟؟؟

يعني شوية معلومات

**MMamdouh** · 06-07-2008 12:49 PM

الفرامل: ليها تعديل مكتوب فى الموضوع المثبت بتاع "كل ما يهمك عن الدايو"
الزجاج الكهرباء: بيتكلف 400 جنية عند هشام لهيتة للزجاج الاكامى فقط
السنتر لوك: 75 جنية ماركة ولف بدون تركيب
الستوب الخلفى: 100 جنية
الساعة: كنت جايبها ب 80 و اسمع انها وصلت 130 دلوقتى
الفوج لايت: 150 جنية الجوز صناعة صينى... غير تمن المفتاح و الكتاوت و المصنعية
فرش الابواب: no idea

MMamdouh

**m_waheed** · 06-07-2008 12:59 PM

المشاركة الأصلية كتبت بواسطة MMamdouh

الفرامل: ليها تعديل مكتوب فى الموضوع المثبت بتاع "كل ما يهمك عن الدايو"
الزجاج الكهرباء: بيتكلف 400 جنية عند هشام لهيتة للزجاج الاكامى فقط
السنتر لوك: 75 جنية ماركة ولف بدون تركيب
الستوب الخلفى: 100 جنية
الساعة: كنت جايبها ب 80 و اسمع انها وصلت 130 دلوقتى
الفوج لايت: 150 جنية الجوز صناعة صينى... غير تمن المفتاح و الكتاوت و المصنعية
فرش الابواب: no idea

MMamdouh

معلش يا عم ممدوح تعبك معايا
بس ايه هو الفوج لايت ؟؟؟
ومنين اجيب الساعة ؟؟؟ ومين عنده كماليات الانوس

-

الموضوع: الانوس Se ارجو الرد السريع

LinkBack

أدوات الموضوع

عرض

-

-

المواضيع المتشابهه

ارجو الرد السريع

ارجو الرد السريع

ارجو الرد السريع

ارجو الرد السريع

عاجل جدا ارجو الرد السريع

الكلمات الدلالية لهذا الموضوع

المفضلات

المفضلات

ضوابط المشاركة