الناس اللى عايشة فى المريخ

**mo3tazanas** · 08-10-2012 12:27 AM

انا مش عارض عربية للبيع ولا حاجة انا ليا تعليق بس على معظم الناس اللى بتبيع او بتعرض عربيتهم للبيع على المنتدى
وهو
ان معظم الناس اللى بتعرض عربياتهم للبيع هنا فى المنتدى بيحطوا ارقام خرافية لا تتناسب مع نوع وحالة السيارة اللى بيبعها مفكرين ان الناس اللى فى المنتدى دول ناس عايشة فى المريخ وماعندهاش فكرة عن العربيات واسعارها فى السوء
رجاء اللى بيعرض عربية يحط السعر المناسب ليها ومايستفزش الناس بالاسعار اللى هو حاططها

**mahmoud_anwar** · 08-10-2012 12:50 AM

امال لو نزلت السوق بقا تقول ايه ولا منخيرك تقول ايه
السوق كله شوية تجار وعمري ماشفت كمية عربيات قد الي شفتها في السوق وعلي النت راشه قوايم
ولما تقوله انها رشه يقولك معرفش او يقولك خلاص متشتريش عالم بنت و ....................
بنزل السوق كل يوم جمعه والاحد والقي اسعار عربيات في الهبل وعربيات لو ركنتها جمب صفيحه زباله مش هتفرقهم عن بعض هترمي في الاتنين زباله خد عندك بقا هبل وعبط هوندا سيفك رشه بره ورشه جوه في القايم علشان الهوندا السيفك موديل 92 الي 95 بتمسك فيها بارومة من عند المفصله بتاعت الباب وتلقيه يقولك 50 الف هار اسود
ده انا اشتري فرنا برقبتها والله

**m_adeleid** · 08-10-2012 01:06 AM

المشاركة الأصلية كتبت بواسطة mo3tazanas

انا مش عارض عربية للبيع ولا حاجة انا ليا تعليق بس على معظم الناس اللى بتبيع او بتعرض عربيتهم للبيع على المنتدى
وهو
ان معظم الناس اللى بتعرض عربياتهم للبيع هنا فى المنتدى بيحطوا ارقام خرافية لا تتناسب مع نوع وحالة السيارة اللى بيبعها مفكرين ان الناس اللى فى المنتدى دول ناس عايشة فى المريخ وماعندهاش فكرة عن العربيات واسعارها فى السوء
رجاء اللى بيعرض عربية يحط السعر المناسب ليها ومايستفزش الناس بالاسعار اللى هو حاططها

لا ولما تيجي تكلمه في السعر يقولك بمنتهي البجاحه مش عاجبك متعلقش او انا متمن عربيتي كدا علشان فيها ايه وايه
و الجديد اللي ملاحظه بقي ان كل اللي بيبيع ان شا الله بيبيع سمكه يقولك (انامش مستعجل في البيع لو جابت السعر اللي انا عاوزه حبيع غير كدا لا)
جمله خايبه و مكرره والادهي اللي مش مستعجل ده لما الناس تكرفه يرفع الموضوع و يقولك العربيه لازالت موجوده
أرض النصاحه

**3mr Farrag** · 08-10-2012 01:34 AM

بصراحه انا بستفز من التجار
و انا اصلا ليا معارف تجار عارفهم شخصيا
بس تفقع منهم و من الاسعار اللي بيقولوها
ده مره واحد في السوق عارض عربيه استرا اعتقد كانت موديل 2000
اللي هي 1200 سي سي
كانت عامله اكثر من 200 الف كيلو
بقوله بكام
يقولي 58 الف
اللحميه عندي كانت هتبدء تشتغل
و كمان اللي فاكره انه قالي كانت مرفوعه كام سنه
ازاي مش عارف

**momo44** · 08-10-2012 02:11 AM

المشاركة الأصلية كتبت بواسطة 3mr Farrag

بصراحه انا بستفز من التجار
و انا اصلا ليا معارف تجار عارفهم شخصيا
بس تفقع منهم و من الاسعار اللي بيقولوها
ده مره واحد في السوق عارض عربيه استرا اعتقد كانت موديل 2000
اللي هي 1200 سي سي
كانت عامله اكثر من 200 الف كيلو
بقوله بكام
يقولي 58 الف
اللحميه عندي كانت هتبدء تشتغل
و كمان اللي فاكره انه قالي كانت مرفوعه كام سنه
ازاي مش عارف

امال لو شفت الاكسيل اللى ب 40 الف تقوووووووووووول ايه
انا قلتله دى اكسل مش كده
قالى اه

قلتله مش اكسنت يعنى

بصلى بصة غريبة وكان لسة جمع انى بتريق غليه

**3mr Farrag** · 08-10-2012 02:56 AM

يا باشا
الاسترا الشكل اللي بعديها 2003 لي 2006
ممكن تجيبها بي 50 الف و نضيفه كمان
و كانت قدامي قبل كده و فابركيه بالكامل
يعني ده مزود في السعر يجي اكثر من 15 الف بحالتها دي

**amro0000** · 08-10-2012 03:09 AM

طيب 55الف ممكن يجيبولي اية دلوقتي ياجماعة وبجد في يباني او كوري ياريت بجد تقولولي؟

**hamdy321** · 08-10-2012 03:17 AM

اخيرا
بقاﻷي شهرين بدور علي عربية لما قرفت سواء من التجار أو اصحاب العربيات
و فوق الي قولتوه بقي يجي واحد عنده عربية موديل الفين و عشرة و يقولك رشة نضافة. يانصاب هي لحقت تتجرح ما تقول انها عاملة حلدثه
و طبعا نزلت السوق مرة و قرفت من المناظر و الايعار المبالغ فيها جدا جد

بعد الدوخة دي اجلت موضوع شراء العربية دلوقتي خالص و قررت احوش و استري زيرو
زيرو غالي بس مضمون و استريح من نصب و جشع التجار و اصحاب المستعمل و كمان قرف الصنايعية

**aaaa2000** · 08-10-2012 03:25 AM

للأسف تجار السوق وتجار النت معتقدين ان الناس اللى بتشترى دى ناس جايه من الهند ولازم يضحك عليها والا تجار الارياف مع احترامى للأرياف تلاقيه مش بيعرف يقرا ولا يكتب وعامل فيها تاجر ناصح وينزلوا سوق الجمعه شله مع بعض وعايز يدبسك فى العربيه وفاكر ان بتوع المدن دول هبل وفلوسهم ممكن يرموها فى الارض