السلام عليكم
امبارح كدا كنت حاسس ان الشكمان بينفس فنزلت تحت العربية لاقيت العلبة الأخيرة فى الشكمان فيها
خرم حوالى 2 سم من ناحية الماسورة الأخيرة ( ديل الشكمان ) هل يمكن لحام هذه العلبة ولا تغيرها ؟ وبكام ؟
وشكرا لحضراتكم
عرض للطباعة
السلام عليكم
امبارح كدا كنت حاسس ان الشكمان بينفس فنزلت تحت العربية لاقيت العلبة الأخيرة فى الشكمان فيها
خرم حوالى 2 سم من ناحية الماسورة الأخيرة ( ديل الشكمان ) هل يمكن لحام هذه العلبة ولا تغيرها ؟ وبكام ؟
وشكرا لحضراتكم
الحم عادي حتى لو بتاع الشكمان قال لك غيرها... لأن أغلبهم معدومي الذمة ولو طال بيكسر لك السليم عشان تغيره عنده
غير العلبة
كدة معناه ان الصداء واكل العلبة من جوة و كل ما تلحم خرم هيطلع خرم فى حتة تانية و هكذا
MMamdouh
بتتلحم لو العلبة مش دايبة من الصداء اما لو دايبة يفضل تغيرها لانها هتتخرم من مكان تاني
يا باشا دا انا ببقى متطمن لما مبخشش المنتدى يومين تلاتة لانى عارف انك قايم بالواجب و زيادة حبتين
MMamdouh
الخرم لو في الماسورة عادي ممكن يتلحم
اما لو في العلبة يبقى هتلحم كل يومين لأن كده العلبة خلاص انتهت
ريح نفسك وغير
وللأسف معرفش سعرها
العلبة الخلفية ب 210 جم عند اي بتاع شكمنات وعند ابو اليذيد هتذيد شوية بس مضمونة اكثر
نصيحة مجرب وصرف عالعلبة اكتر من تمنها جديدة..العلبة اللى تتخرم من صدأ غيرها على طول بدون تفكير
الحالة الوحيدة اللى العلبة تتلحم فيها، لو مخرومة من مطب
شكرا جزيلا لحضراتكم على الاهتمام والرد
بس هو ايه تأثير العلبة دى لو مخرومة على العربية ؟
وعلبة أبو اليزيد بكام ؟ وأعرفها ازى ؟
شكرا
انا جايبها من سنتين ب 500 جم .. صاج مجلفن ضمانها سنة علي ما اذكر
وفيه علبة تانية ب 350 ضمنها 6 شهور
من ابو اليزيد .. الملك الصالح
شكرا لحضرتك
بس ايه تأثير الخرم اللى فى العلبة دى على العربية ؟
سحب افضل
صوت اعلي
لو الخرم بجوار الكاوتش ممكن ينفجر الاطار بتكرار غير عادي وبخاصة لو مسافر مشوار طويل
شكرا لحضرتك