ياريت يا جماعه اللي يعرف نمره سمسار يقولي عليه علشان انا رايح بكره ان شاء الله رايح ادور علي شقه ان شاء الله
عرض للطباعة
ياريت يا جماعه اللي يعرف نمره سمسار يقولي عليه علشان انا رايح بكره ان شاء الله رايح ادور علي شقه ان شاء الله
ياريت لما ترجع ان شاء الله تبلغنا لقيت الاسعار ايه و فى مناطق ايه ؟؟
متابع و بالتوفيق
انا نزلت هناااااااك من اسبوعين تقريباً فى حاجات حلوه وفى حاجات وحشه على حسب المنطقه
ياريت تفتكرنا بالاسعار وربنا يوفقك وتلاقى حاجه كويسه
ابعد عن الادوار المخالفة وديه بتكون فوق الدور الرابع وحاول متشجعش المقاولين اللى عندهم جشع انهم يضحكوا عليك ويبعولك ادوار مخالفة بسعر مخفض لانها لسه مش معروف مصيرها فى دخول الكهرباء ليها
ماحدش يعرف نمره سماسره هناك يا جماعه
اول ماهتدخل البوابه الاولى خوفو هتلاقى ناس تبع السماسره بيوزعوا ورق
ابعد عن البيوت اللى جنب كابلات الضغط العالى
دى نمرة واحد بيبنى قى الحدائق
01227444647 اشرف عبدالله
والله انا كنت رايح مع والدى عشان نشوووف فلل دوبلكس لئينا حاجات اسعارها خزعبليه ولئينا حاجات اسعارها كويسه يعنى لئينا فى مناطق المتر ب 1800 ومناطق ب 1200 ومناطق 1350 ومناطق 1600 كده يعنى
كان فى فله دوبلكس 295 متر متشطبه سوبر لوكس كانت ب 310 قسط 200 كاش و110 على 6 شهور 6 شهور 6 شهور 40 40 30
ولو عايز ارقام سماسره اى بواب هناك سمسار وهتلائى اكشاك كاتبه ورقه يوجد سمسار دوووول كتير نصيحه سيبك من المنطقه الاولى بئت دوشه فحت الناس كتير هناك المنطقه التانيه لسه العمار جديد هناك فهاديه اكتر وربنا معاك ولو لئيت فلل مساحات كويسه عرفنى بعد اذنك
اه وخلى بالك 20% من المساحه ال مكتوبه فى العقد بتطلع مرافق يعنى ال 295 متر بيبئو 230 فى الواقع تقريباً
شككرا ليكوا يا جماعه ربنا يكرم ان شاء الله
من اسوء المناطق اللى دورت فيها
انا مشترك فى جروبات على الفيس بوك لسكان الحدائق الناس كل يوم بتعمل مظاهرات عشان الفساد و المخالفات و التكاتك و البلطجية الباعة الجائلين و كثرة المحلات المخالفة و عدم سفلتة الشوارع و انتشار السرقة و اعمال البلطحة على السكان و البوابين هناك هما اصحاب التكاتك و فى منتهى قلة الادب و مشاكل فى الكهربا و مشاكل لا تعد و لا تحصى منطقة فاشلة بجميع المقاييس
انا لفت هناك اكتر من شهر و نص و قلت حتى لو ببلاش مش هاسكن فيها
يا جماعه الاسعار في حدود 1300 جنيه قسط بس في حاجه غريبه ازاي الارضي بالجنينه نفس سعر المتكرر وهل الطبيعي انك تشتري وتستلم بعدها 6 شهور ولا الموضوع مقلق
السلام عليكم ورحمه الله
انا شايف انه من الافضل ان تشترى جاجه انت شايفها بعنيك - لانه فى حاله الدفع والتسليم لاحقا سوف يعرضك لمواقف وحشه كثير وسوف ترضى باشياء انت لاتقبلها الان.
السوق مريح الان وكل المقاولين عايزين فلوس فلا تندلق عذرا واتفرج واستمر فى البحث لحين تجد الشى الماناسب لك وتدفع وتستلم فورا
بص الاسعار فى البوابه الاولى لو شارع مميز متوسط 1800 جنيه
البوابه الثانيه متوسط السعر 1400 جنيها البوابه الثالثه 1200 - 1300 جنيها
البوابه الرابعه 900 - 1000 جنيها حسب الموقع
الفلل متوسط السعر 900 - 1100 جنيه ولاتدفع ازيد من ذلك لان الاحوال نايمه فى مجال المقاولات وهما اللى محتاجين الفلوس الان
انا استمريت فى البحث لمده خمسه شهور واشتريت الحمدلله فى شهر فبراير
انا اشتريت فى رابع شارع يمين بعد مدخل البوابه الثانيه ( المنطقه هــ ) عداد كهرباء كهرباء واسانسير وجراج - على المحاره والحلوق - الميزه بها ان جميع الخدمات متوفره فى مدخل البوابه الثانيه .
كل ذلك بسعر المتر 1350 جنيها تقريبا فى شهر فبراير الماضى
عل فكره بجوارى اكثر من اربعه عمارت شادين فى شغل البناء بتاعها - يعنى ممكن تدخل تتمشى وتتفرج
على فكره كان فيه اكثر من اربعه سماسره شغالين معى فى البحث وكل يوم جمعه وسبت اذهب لهم لاشاهد ماحضروه - انا كنت عامل لهم مشكله بسبب شروطى
شقه بحرى غير مجروحه
عداد كهرباء
جراج فى العماره
وكنت متابع موقع الوسيط على النت وعن طريقه اشتريت مش عن طريق السماسره
اووووووووووووووعى تشترى من شركة اسمها تراست جروب شركة حرامية ونصابين اشتريت منهم وعاملين مشاكل فى عدادات الكهربا والعماره فيها مخالفات وياسلام لو حضرتك اشتريت شقه دوبلكس او ارضى وصاحب العماره يبيعها محل ههههههههههههه يبقا انت قاعد كدا وجنبك محل فاتح..... حصلت معايا دلوقتى انا ساكن فى الدور الاول وعاوزين يفتحو تحتيا محل الوميتال ومخليهم زى المجانين مش عارفين يفتحو المحل وكل شوية اعملهم محاضر واروح الحى وبردو مش هيفتحو لان مش بعد ما الواحد يتعب ويشطب وفى الاخر الافى تحتيا محل لا يمكن ابدا ونصيحه ابعد عن حدايق الاهرام لانى فعلا بفكر اعزل منها