عندي مشكلة غريبة وهي ان مؤشر الحرارة علي الطرق السريعة بينخفض عن المعدل الطبيعي لكن لو ماشي داخل المدينة المؤشر بيقي وضعه طبيعي ارجوا الافادة وهل هذا خطر ولكم جزيل الشكر
عرض للطباعة
عندي مشكلة غريبة وهي ان مؤشر الحرارة علي الطرق السريعة بينخفض عن المعدل الطبيعي لكن لو ماشي داخل المدينة المؤشر بيقي وضعه طبيعي ارجوا الافادة وهل هذا خطر ولكم جزيل الشكر
السلام عليكم
ده الطبيعي ان العربيه على الطريق السريع بيكون مؤشر الحراره اقل من الطبيعي علشان العربيه بتاخد تبريد هوا زياده بسبب انها ماشيه بسرعه,اما جوه المدينه في الزحمه بيكون المؤشر اعلى شويه عشان الحر والزحمه وتبريد الهواء الخارجي اللي داخل من الشبكه الاماميه أقل
الف شكر علي رد حضرتك بس السؤال هل كل العربيات بيحصل فيها كده ؟
لا يا باشا ده مش طبيعي
المفروض عداد الحراره بيكون ثابت في كل الاوقات وانت ماشي براحه وانت ماشي بسرعه
جوه البلد وبره البلد في الصيف وفي الشتا مبتفرقش
انت كده تقريبا عندك حاجه من 2
يا اما المراوح مبتفصلش
يا اما ثرموستات الكوعه معلقه وفاتحه على طول ومبتقفلش او ممكن تكون ملغيه
والله اعلم
يا باشا ببساطه كده الموتور المفروض بيعمل بكفاءه على درجة حراره معينه
يعني لو درجة الحراره نزلت استهالاك البنزين بيزيد
وبالتالي ده مش صح
خذ بالك ترومستات الميه بتتحكم كمان فى سحب البنزين يزيد او يقل يعنى اى تعديل فيها بيتاثر على سحب البنزين
ثرموثتات الكوعه بايظ او ملغى خالص
ومن الافضل تغييرة بسرعه
انا لسه مغير الترموستات بال gm
والعربيه اوقات بيقل المؤشر شوية عن الطبيعى بتاعه لما بكون ماشى فى طريق مفتوح
ألسؤال الاهم هنا قبل ما نجاوب... المؤشر بينزل قد ايه؟؟؟
يعنى لو بينزل شوية صغيرة قيمة نص المسافة بين الشرطتين يبقى دة طبيعى و مفيش منة قلق... انما لو بينزل لحد علامة الربع او اقل هنا يبقى الترموستات اما معلق على الوضع الفتوح او ملغى و دة غلط
MMamdouh