تحذير للرجاله اللى بتطلع من نفق السلام وتلف عكس من اليمين

النهارده الصبح وانا فى الطريق للدايرى اتجاه المعادى من موقف السلام لاقيت 4 يفط يسدوا عين الشمس
ممنوع الدخول اتجاه واحد اجبارى سيتم ضرب الكاوتش !!!!!!!
المهم اتعمل المطبات الحديد البارزه اللى بتضرب الكاوتش لو انت جاى عكس (زى اللى فى دريم)
وكانت لسه طازه اتعملت بالليل
اللى يضحك ويحزن
ان اللى ركبوها نسيوا انهم فى مصر
المطبات ماكملتش ساعتين والرجاله قاموا بالواجب كسروا حوالى 6 حتت
معرفش تكسير متعمد ولا كذا عربيه لبستهم بغباء
اللى يقرف بقى انك لازم تركز جدا لان فيه واحد اتنى بالعكس !!!! يعنى انا ماشى فى السليم وممكن البس فى الاخر الفرده :(((((((

http://i.imgur.com/kSOsS.jpg

http://i.imgur.com/V5Guy.jpg

الصفرا اللى اتنت بالعكس حاجه قرف
http://i.imgur.com/x23Wp.jpg

انطباعى عن الهبل ده
ان الحديد ده ضعيف جدا وتثبيته سيء جدا و اخره اسبوع بالكتير ومش هيكون موجود

هههههههههههه اكيد اتفك واتباع خرده
انت فى مصر يامعلم

اقتباس:

---

المشاركة الأصلية كتبت بواسطة hany a fattah

هههههههههههه اكيد اتفك واتباع خرده
انت فى مصر يامعلم

---

صباح الرضا ياباشا
طبعا هتتباع
اللى يزعل انها ضعيفه جدا وتثبيتها كلام

طبعا , نوع حديد تعبان و تثبيته اي كلام

اللي ركبه بالطريقة دي فاكر نفسه في السويد

مفيش فايده
المفروض الخرم ده ميكونش في الكاوتش
يكون في دماغ اللي فاكر نفسه ناصح و مش عامل اعتبار لغيره

تامر.محمد
حديد تعبان جدا وملوش اى 30 لازمه

m_adeleid
لو كمين بحق الله اتعمل جوه وسحب رخص كله هيتربى

ههههههههههههههههههههههههه ه
ادي 50 مليون جنيه اتلطشوا ميزانيه عمايل المطبات
و50 تانيين بدل الخساير اللي المطبات اتسببت فيها
و100 لاعاده شيل المطبات ووضع مطبات جديده

الملف دة من كام يوم كنت ماشى ورا استاذ هانى وكالعادة الاغبياء جايين عكس
استاذ هاني عدي والاتوبيس رخم عليا .. عملت عبيط على اساس انة هيقف وصدرت العربية
وقف لقيت تريلة بعدة بتلف ف وشى طبعا وقفت وانتظرت لما عدو " مش هنهزر مع تريلات "
حاجة بجد تقرف .. العقل المصري لدي بعض الناس هيفضل زي مهو اهمال بلا حدود

اقتباس:

---

المشاركة الأصلية كتبت بواسطة shnory

ههههههههههههههههههههههههه ه
ادي 50 مليون جنيه اتلطشوا ميزانيه عمايل المطبات
و50 تانيين بدل الخساير اللي المطبات اتسببت فيها
و100 لاعاده شيل المطبات ووضع مطبات جديده

---

وسلم لي على ميزانية الدولة .. صباح اللطش

اقتباس:

---

المشاركة الأصلية كتبت بواسطة nicegypt

الملف دة من كام يوم كنت ماشى ورا استاذ هانى وكالعادة الاغبياء جايين عكس
استاذ هاني عدي والاتوبيس رخم عليا .. عملت عبيط على اساس انة هيقف وصدرت العربية
وقف لقيت تريلة بعدة بتلف ف وشى طبعا وقفت وانتظرت لما عدو " مش هنهزر مع تريلات "
حاجة بجد تقرف .. العقل المصري لدي بعض الناس هيفضل زي مهو اهمال بلا حدود





وسلم لي على ميزانية الدولة .. صباح اللطش

---

الكلام ده كان يوم الجمعه ياحسين يعنى من 3 ايام تخيل انه ركب واتفك بالمنظر ده فى المده دى !
والله احنا اللى شعب يستاهل اللى بيجراله

المفروض يعملوا المطب ويوقفوا عليه عسكري
وياخده معاه وهو مروح

والله وعلى طريق مصر السويس كمان .. يعنى طريق سريع .. تريلات وأتوبيسات وميكروباصات وعربيات ملاكى
حاجة بقت تقرف

اقتباس:

---

المشاركة الأصلية كتبت بواسطة hany a fattah

الكلام ده كان يوم الجمعه ياحسين يعنى من 3 ايام تخيل انه ركب واتفك بالمنظر ده فى المده دى !
والله احنا اللى شعب يستاهل اللى بيجراله

---

3 ايام ايه ياكبير
ده مكملش 5 ساعات ياباشا
الاسمنت بتاع الخوابير وقواعد اليفط كان لسه نى مانشفش
========
شنورى
كالعاده صفقه فاسده محترمه لو بس اعرف اوصل الموضوع ده للرئاسه

اقتباس:

---

المشاركة الأصلية كتبت بواسطة mazagngi2010

تامر.محمد
حديد تعبان جدا وملوش اى 30 لازمه

m_adeleid
لو كمين بحق الله اتعمل جوه وسحب رخص كله هيتربى

---

امتي بقي يبقي المرور بحق الله بجد

بجد الواحد مش بيقول غير حسبى الله و نعم الوكيل فيهم انا كذا مرة ببقى هلبس فالحيوانات اللى بخدوها عكسى و خصوصا التريلات تحس انهم بيخطفوها على غفلة كدة ربنا ينتقم منهم

لا حول ولا قوة إلا بالله

انا شوفت نوعيه تانيه في مرسي علم

تخرم القطر لو طلع عليها

انا كنت باجي ساعات من علي الدائري من طلعة الزراعي وكنت بشوف كائنات شبه بشريه بتدخل منه عكسي

اللي بيمشي عكسي ده أساسا مش بني آدم ....... ده @^#@&#$^@#%$#&%&#^%#&@%*$^%&$#&

و حسبي الله و نعم الوكيل في ده شعب ...... عامل زي العيال في الحضانة .... عايزين الميس واقفة عليهم طول النهار علشان ما يعملوش زيطة .

الناس المخترمه بره لما حد بيعمل كده بيتعرض علي دكتور نفساني

ده احنا ياجدعان لو جبنا حمار وجينا نمشيه عكسي والله ماهيرضي وهيمشي زي الناس

عديت عليها النهارده بعد اسبوع
مفيش اى اثر للمطبات الحديد :))))))))))))))))))))
مش باقى الا اليفط
وسلملى على المرور

انا فعلا شفت اليافطات دي يوم الجمعه وانا رايح مدينه نصر ومكنتش فاهم يعني ايه الكاوتش هيضرب كنت فاكر في قناص واقف ولا حاجه هيصطاد العربيات اللي داخله مخالف والحته دي فعلا فتعمل ازمه احيانا

لو عندنا مرور محترم
كان يعمل المطبات ديه مش باينه اساسا
علشان اللي يدخل يتخرملوا كاوتشاته
كاتبين يافطه ليه البهايم دول اصلا
علشان البهايم التانيه تاخد بالها ليه برضوا..
ماهو لازم يلبس في فلوس علشام مايعملهاش تاني

طول مانا طالع او نازل علي المريوطيه شويه ناس بتاخد حاجات في حتت مش تمام مقضينها عكس
الله يلعنهم

النقل التقيل هيكسرها بمجرد العبور فوقها بشكلها التعبان ده اللى باين فى الصوره. أكيد فى حلول احسن من كده لو عايزين يحلوا المشكله دى بدلا من الحلول الساذجه دى :7_6_5v[1]: