عرض للطباعة
السلام عليكم ورحمة الله وبركاته
أنا شاري أكسنت 2010 مستعمله من اسبوع، وأنا كنت بغسلها لقيت الزجاج الأمامي (جريش أوريجنال) بشماسه طوليه في الزجاج من أعلى، في حين إن باقي الزجاج هيونداي كوريا،
فهل ده معناه إن الزجاج الأمامي متغير ولا إيه ؟؟ مع العلم إنه مافيهوش غلطه، يعني زي مابيقولوا كأنه الأصلي والمتغير بيبان (ولا هي بتيجي كده ولا إيه)
ولو متغير يبقى معناه إيه وهي 2010 ؟؟ مع العلم إني شاريها من تاجر فطبعا أي سؤال إجابته هاتكون تبرئه له ..
وعشان أنا موسوس شويه، أرجوكم الرد بسرعة
وشكرا مقدما ...
طالما العربيه اساستها سليمه والكبوت مش مرشوش من جوه او بره يبقي ماتقلقش
لان الجزاز جزاز يعني لو قالب نزل عليه هيدتشت ميت حته وده شئ وارد مافهوش كلام
اقتباس:
المشاركة الأصلية كتبت بواسطة hassanin_lada
هو الحوض سليم
الكبود فيه رش في قرنه الشمال بس واضح إنها حاجه خفيفه يعني
لكن برده سؤالي قائم هو الزجاج الأمامي أصلا بيكون إيه ؟؟؟؟؟؟؟
وبشكرك على الرد والمتابعة
العفو يابااشا وفي انتظار ردود مالكي الاكسنت
الزجاج ممكن والعربيه جديده ولسه ماحطتشى نمر ينكسر لأى سبب وكمان سرطان الزجاج اللى مالوش سبب علمى حتى الأن .
متغير انا عربيتى نيو اكسنت 2010 وطوبه وانا مسافر رشقت فيه فغيرته فى جريش لان الاصلى كان ب 2300 جنيه وبتاع جريش ب 275 وبصراحه بتاع جريش انظف من الاصلى عن تجربه سنة ونصفاقتباس:
المشاركة الأصلية كتبت بواسطة m6r1282
بتاع جريش فيه شماسه والاصلى مفيهوش
اقتباس:
المشاركة الأصلية كتبت بواسطة meshmesh_egypt
هو فعلا أحسن حاجه بتعجبني في جريش موضوع الشماسه ده
واللي لفت انتباهي إن الأصلي مش بشماسه ومش عارف ليه صراحه
على العموم مشكور على الرد
متغير يا باشا
و الازاز مطلع عينى من كتر ما خد طوب و غيرته مرتين :(
اقتباس:
المشاركة الأصلية كتبت بواسطة habd
على فكره أنا اللي مخوفني ليكون العربية عامله مصيبة قبل كده لأنه مغير اكصدام وفانوس شمال أمامي، فلما تلاقي زجاج أمامي متغير هو كمان، أكد هاتشك زي ما أنا بشك على العموم لما أروح آخر الأسبوع هافحصها تاني عند سمكري عشان أقطع الشك بالسكين ههههههه :36_1_61[1]:
انا معايا اكسنت 2010 والزجاج الامامى وقعت علي كوبايه شاى (سكر بره) واتكسر تماما وغيرته بـ 400 جنيه بس مش من عند جريش والجديد برده من غير شماسه زى الاصلى
بس ليا سؤال لو سمحت انت كشفت على حوض العربية من الداخل بعد اللى انت قولته عن تغيير الاكصدام الامامى والفانوس والزجاج ولا اشتريت كده وخلاص
http://img707.imageshack.us/img707/2106/myaccent10.jpg
تغيير الزجاج ميخوفش خالص
انا كنت راكن عربيتي قدام مسجد الرحمن الرحيم بحضر كتب كتاب
خرجت لقيته كله جايب سرطان ولوحده والدنيا كانت بتمطر يعني الجو مش حر او حاجة
فعادي جدا لا تقلق من الزجاج !
كسر في الفانوس وتغيير اكصدام وخبطة في الوش مالهاش اي علاقة بكسر في الزجاج
وبردو روح اكشف علي العرببية مرة تانية - رغم اني شايف انه مالوش لازمة لأنك خلاص اشتريت والكشف لن يغير من الأمر شئ
تحياتي ليك
والف مبروك العربية