الموضوع: برجاء المساعدة فى كارتيرة زيت الموتور

المشاركة الأصلية كتبت بواسطة eng_gouda2000

أسوء إزاى يعنى مش فاهمك...من امتى كان الصح هو اللى من افضل
عموما حضرتك من بداية الموضوع وانا حاسس بمماطلة منك حتى لا تذهب للميكانيكى وفيه عضو تفضل وقال انها هتتكلف 20 جنيه يعنى مش كتير على راحة بالى!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!
اللى يخليك تتكلف سيليكون حرارى نفس المبلغ ده اشترى به الجوان
وشكرا.

بصراحة رايك فى محلة أنا فعلا بماطل وبشدة للذهاب للميكانيكي لاسباب كتير أوي

منها العربية معايا بقالها 6 شهور تقريباً واشتغل فيها أكتر من خمس صنايعية وكلهم لامو أخذة فى الكلمة محدش فيهم بيفهم ودة سبب خوفي وتراجعي عن الذهاب للميكانيكي

وأخرها سيدي الفاضل كان عندي تنقيط خفيف فى زيت الفتيس رحت لميكانيكي قاللي أويل سيل عصايا الفتيس عاوزة تتغير قولتلو ماشي المهم غير الاويل سيل وغسلت العربية من الشاسية ولاكن لا حياة لمن تنادي التنقيط مازال شغال

رجعت للميكانيكي أكتر من أربع مرات كل مرة يدخل العربية على المجري ويطلع يقولي أمشي بيها شوية وتعالي لحد مازهقت منه وبطلت أروح تاني


ودة بإختصار معاناتي مع كل الصنايعية اللي مش فاهمين ومغلبين أهلي معاهم[/quote]



ومرة كمان والله ذهبت لثلاثة كهربائية علشان كان عددا البزين مش شغال وغيرت العوامة وبردة نفس المشكلة في النهاية نزلت وسط البلد عند الوكالة واحد بيشتغل فى العدادات وبس

تخل فى النهاية كانت المشكلة ان البهايم اللى أشتغلو فى العربية كانو بيوصلو أطراف توصيل العوامة غلط وكانت ممكن تعمل كارثة فى العربية ولكن ربنا ستر
وطلع مؤشر البنزين مظبوط وشغال زي الفل مع العلم بأن واحد منهم فك الطابلوة وطلع العدادت وقعد يعجن فيهم أكتر من 3 ساعات

وأنا ساكن فى حلوان تخيل بعد كل المشاوير دي والمصاريف دي وكانت العربية هتضيع مني وأنا معاها

وكان الحل فى تغيير أطراف التوصيل للعوامة


معلش أنا اثقلت على حضرتك بس بصراحة صعبان عليا اللي بيحصلي
وشكراً