-
مشكلة مش عارف حلها
السلام عليكم
الى خبراء فولكس عندى مشكلة فى الفتيس والدبرياج العربية وهى باردة الصبح مثلا الدبرياج ناعم جدا والفتيس حلو وناعم والدنيا زى الفل مجرد العربية تسخن الدنيا تبوظ والدبرياج يبقى تقيل والفتيس يعض ولازم ادوس بقوه على الدبرياج لدرجة خايف انه الدواسة تتكسر تحت رجلى والغريب لو جبت الغيار الخامس وجيت افصل الغيار بعد لما تسخن العربية يبقى الغيار مش عايز يفصل يلزق واحد قالى ده واير دبرياج وواحد قالى ديسك
ياريت حد يفيدنى ويقولى من واقع خبرته فى المشكلة دى هو دبرياج ولا ديسك
وياريت اعرف سعر الديسك والاسطوانة والبلية للموديل ده ماكينة 1400 cc بولو
-
السلام عليكم..حضرتك قبل ما تحاول تفتح فتيس او تغير واير ممكن تجرب تزود او تغير زيت فيتيس وان شاء الله تظبط
-
حضرتك انا بالفعل غيرت زيت الفتيس بالكامل ولسه المشكلة موجود الدبرياح صباحا زى الفل وخفيف جدا اول لما الحرارة توصل 70 تبداء المعاناه الدبرياج يتقل وتقل الدبرياج يخلى غصب عنك الغيار يعض لانه محتاج دوسة جامدة وغير كده الغيار رقم 5 لما تفصله يبقى لازق مش عايز يفصل وتلاقى حارات الغيارت تاهت لازم تنزل منه للرابع قبل ما تعمل مور للغيارات
-
هو كدا حضرتك هى ما بين سلك الدبرياج والفتيس..ممكن حضرتك تفصل سلك الدبرياج وتفحص خط سيره ممكن يكون بيتزنق فى حاجةاو سايح نتيجة مقاربته من جزء فى الموتور
Content Relevant URLs by
vBSEO 3.6.0 PL2