الموضوع: تقرير عن رحله راس سدر يوم 6-10-2012 بالتفصيل الممل

بعد التحيه على نجوم




حبيت اقدملك تقرير صغير كدة على رحله راس سدر بتاعت المنتدى اللى نظمها كريم منير :)
ودة طبعاً علشان كل واحد فيكم كان يقدر يجيي وعنده القدرة على كدة ومجاش يتغاظ انه مقضاش يوم من اجمل الايام
مع احلى اصدقاء والله

انا لو مستفدتش اى حاجة من المنتدى دول غير الاصحاب اللى عرفتهم ابقى اكتسبت اكبر مكسب فى حياتى
بدون نفاق اصدقاء طفولتى بقا نادراً لما بشوفهم واللى تقريباً مرتين فى الاسبوع التقى بيهم هما اعضاء نايل موتورز
سواء من هيونداى او من نيسان او باقى الاقسام
بس اللى دايماً معاهم هما اعضاء نيسان وهيونداى
لدرجة اننا بجد بقينا عيله واحدة
اى حد بيتعب كلنا بنبقى جمبه
بنشارك بعض فى افراحنا واحزانا
بجد ربنا يديم المودة بينا


نيجى بقا للى جايين نتكلم عليه النهاردة وهو تقرير بتاع رحله راس سدر

طبعاً انا مكنتش هروح علشان العمليه كانت مقشفره معايا حبتين
لاقيت اشرف ابراهيم صديقى الصدوق
بيكلمنى وبيقولى انا حولت لكريم منير الفلوس بتاعتى وبتاعتك ( والله لسة مدتش لاشرف الفلوس لحد دلوقتى :)) )
طبعاً كدة انا طالع طالع مفيهاش كلام الفلوس اتدفعت خلاص
بعد مباحثات بينى وبين اشرف اتفقنا اننا نطلع بعربيتى
طبعاً انا ماشى على الزيت لحد دلوقتى اهه 21 الف كيلو
زيت فالفولين
بجد زيت محترم جداً
اشرف جالى البيت كشف عليه علشان نشوف العربية هتستحمل نطلع بيها ولا لا
كانت ساعتها عاملة 19 الف
قالى لا يا كريم تمام التمام
واتفقنا هنطلع بعربيتى
طبعاً معانا مكانين فاضيين قعدت ازن على كريم العربي
لحد ما اقتنع وقال هيجيي
وجه يوم الخميس اتقابلت انا واشرف
اخدته وطلعنا قعدنا مع شوية اعضاء من نايل موتورز
بعد كدة طلعنا اخدنا كريم العربى من على الطريق وروحنا عند اشرف اتعشينا فى البيت ( ربنا يكرمك يا طنط زى ما اكلتينا كدة ) ههههههههههه
وبعد كدة نمنا الساعة 2 ونص تقريباً
صحينا الساعة 6 لبسنا فى نص ساعه تقريباً
وتوجهنا لاول نقطة تجمع وهى كافيتيريا الربوة على الدائرى الحى العاشر مدينة نصر
وهناك قابلنا friendship787 و badry وهانى عبدالفتاح
مع حفظ الالقاب طبعاً
واصلاً انا رايح هناك علشان اخد شنورى ووالدته ومدام سما والاولاد علشان ميعرفوش يروحوا لنقطة التجمع التانية ازاى
طبعاً شنورى بيه بلطجى المنتدى لطعنا بتاع نص ساعه كدة وفى الاخر جه الحمدلله
طلعنا على النقطة التانية المدرسة الانجليزية على اول طريق السويس
اتجمعنا وتوجهنا على الرحاب علشان فى ناس هتركن عربيتها ونتوزع على العربيات
مسكنا الطريق وطبعاً انا مليش خلق على انا انى امشى 100 مسكت الطريق لوحدى
اخدته متوسط 160 زيادة عليها شوية واقل عنها شوية
وصلت لنقطة التجمع التالتة وهى بنزينة وطنية اللى قبل النفق
قعدنا هناك شوية وطبعاً كان سابقنا عمرو منير واحمد مصطفى ابراهيم
لانهم مدخلوش الرحاب ففرقوا عننا جامد
قعدنا هناك اشترينا الحاجة
ووصل كل الناس وبعدهم وصل كريم منير

اتحركنا كلنا فى اتجاة النفق والتفتيش مفيش ولا عربية اتفتشت







عدينا وبدأنا الطريق وشرخت انا وكريم منير عن الناس
طبعاً انا عربيتى المارد الكورى مع الالمانى
مش عايز اقولكم عملت اية مع كريم قطعته ( هههههههههههههه ايموشن كداب كدب الابل )
طبعاً اكتر احساس وحش فى الدنيا انك تبقا جايب اخر الدواسه وتلاقى واحد يبصلك وتروح انتا قايله اتفضل كسر نفسى بصراحة هههههههههههههههه
ربنا يباركلك فى عربيتك يا كريم ويكفيك شرها بسم الله ما شاء الله ولا قوة الا بالله عليها

وصلنا القرية واتوزعنا على الغرف

ودة شكل رسبشن الاوتيل



ودة شكل البحر ومنظر عام للقرية



الحج احمد وابتسامة امل aif






كريم منير وابتسامه امل




بودى كريم منير نائب رئيس مجلس الادارة والكل فى الكل ههههههههه



اتوجهنا لصلاة الجمعة وكان الامام الشيخ احمد ابراهيم ربنا يبارك فى عمره aif
بجد نعم الصديق ونعم الاخ والاب

وبعد كدة توجهنا للغرفة وكلنا لبسنا المايوهات
روحنا البحر وطبعاً علشان انا مبدخلش المنتدى استاهل اللى يجرالى
كريم كان منبه اننا لازم نلبس صندل بحر بس انا اللى استاهل انا اللى مبدخلش
طبعاً بالصلاة على النبى كدة رجليه اتشرحت من تحت وقديت اليوم كله بعرج
قعدنا فى المية شوية طبعاً السمك يقرمنا كلنا
وبعد كدة قولنا مفيش متعة هنا يلا نروح البسين
نزلنا هناك وهنا جالنا كريم منير وعملنا بطولة نايل موتورز العالمية للنفس الطويل

واتقسمنا مجموعات
ووصلنا للمربع الذهبى
كريم منير
كريم فوزى
قاسم
اشرف ابراهيم

وجه النهائى عليا انا وكريم منير واتفقنا ان الرهان لو كسبنى ياخد الالنترا وانا لو كسبت هاخد البى ام
طبعاً كل واحد فينا قعد يقاوح انا عايز اقولكم ان ودانى صفرت من كتر نقص الاكسجين وفى الاخر استسلمت
وطبعاً قعدت ارغى فى اى حاجة علشان ينسى الالنترا والحمدلله انه نسى
ههههههههههههه

وقعدنا نتصور واليكم الصور















اشرف ابراهيم مش عارف حاطط ايدى فى وسطه ليه وطبعاً اللى الميه دة وعامل مثلث فوق دماغه انا :))




غزالى وبهنساوى



منظر عام للفندق



شوية صور ليا بقا




صورة لجلجل المتعاقد الرسمى للرحله مع الفندق جزاك الله خيراً






كريم منير واولاده كنزى وبيدو ربنا يخليهم له يارب


بعد كدة معاد الغذاء جه وطلعنا على المطعم
طبعاً قاسم قام بالواجب وصور الناس وهما بياكلوا :))













يا سلام على الاب وحنان الاب :))



صورة عامة للاكل بعد عمليه السطو على المطعم

بعد كدة رجعنا قعدنا فى البسين شوية واتصورنا شوية صور تانى




منظر عام للمنسق المساعد انا اتفضحت خلاص :))
هههههههههههه





شنورى وهو بيكتشف الاختراع اللى اسمه الكاميرا :))

بعد كدة روحنا نركب جتسكى
كريم منير عزمنا عليه ربنا يكرمه يارب اهه هما دول مديرين المنتديات ولا بلاش :))








يتبــــــــــــــــ،ـــــ ع