تويوتا الكورولا او فورد فوكس او سكودا اوكتافيا

**eng.m7md.ali** · 09-10-2012 05:35 PM

انا معاك في الحيرة بين الاوكتافيا والفوكس
ولو مكانك مش هفكر في التويوتا كرولا ابداً .. عربية مملة مفيش منها اي متعة وناعمة اوي اوي زيادة عن اللزوم وخفيفة جداً على الطريق وعفشتها الخلفية متعتبرش جديدة في التويوتا لانها تقريبا نفس عفشة الشكل القديم

بس ارجع واقولك انا لسة في حيرة
الفانتازيا قطع غيارها غالية جداً على فكرة يعني ممكن الفانوس الزينون يعمل 6000 جنيه استيراد .. انا بتكلم عن فانوس واحد بس مش الاتنين
الموتور بصراحة لا يليق بالعربية دي ابداً وعايزة موتور اقوى
لو بصينا للفورد هتلاقيها تحفة فنية من برة وجوة
بس مشكلتها الوحيدة هيا البنزين 95 اللي هيشيلو الدعم من عليه .. حسبي الله ونعم الوكيل فيهم

انا بقى من رأيي بدل الحيرة دي كلها انت تنزل التوكيلين وتعمل test drive للاتنين وشوف ايه اللي يمشي معاك اكتر
وخلي بردو موضوع البنزين في دماغك ومتنساش تسأل هل ينفع معاها ال 92 مرة وال 95 مرة ولا لازم كله 95 ؟

**Ahmed mishtawy** · 09-10-2012 09:03 PM

المشاركة الأصلية كتبت بواسطة eng f3lix

انا معاك في الحيرة بين الاوكتافيا والفوكس
ولو مكانك مش هفكر في التويوتا كرولا ابداً .. عربية مملة مفيش منها اي متعة وناعمة اوي اوي زيادة عن اللزوم وخفيفة جداً على الطريق وعفشتها الخلفية متعتبرش جديدة في التويوتا لانها تقريبا نفس عفشة الشكل القديم

بس ارجع واقولك انا لسة في حيرة
الفانتازيا قطع غيارها غالية جداً على فكرة يعني ممكن الفانوس الزينون يعمل 6000 جنيه استيراد .. انا بتكلم عن فانوس واحد بس مش الاتنين
الموتور بصراحة لا يليق بالعربية دي ابداً وعايزة موتور اقوى
لو بصينا للفورد هتلاقيها تحفة فنية من برة وجوة
بس مشكلتها الوحيدة هيا البنزين 95 اللي هيشيلو الدعم من عليه .. حسبي الله ونعم الوكيل فيهم

انا بقى من رأيي بدل الحيرة دي كلها انت تنزل التوكيلين وتعمل test drive للاتنين وشوف ايه اللي يمشي معاك اكتر
وخلي بردو موضوع البنزين في دماغك ومتنساش تسأل هل ينفع معاها ال 92 مرة وال 95 مرة ولا لازم كله 95 ؟

ازاى اعمل test drive
ومين توكيل سكودا وفورد؟؟؟

**Hosam_Optrawy** · 09-10-2012 10:33 PM

المشاركة الأصلية كتبت بواسطة Ahmed mishtawy

يااخى جزاك الله الف خير
تقريبا كده الفوكس تتفوق فى الموتور فقط باعتبار ان الشكل ازواق (يعنى لو حد عاوزها شبابى يبقى للفوكس لو حد عاوز فخامه يبقى الاوكتافيا)
اما الثبات بحس رأى معظم الناس هيكون تفوق لل الاوكتافيا رغم ان الفوكس برضه المانى
بس من كلام المعارض ان الاوكتافيا اتقل فى الوزن ومصفحه من تحت الموتور فده هيخليها اقوى ف الثبات
الصلابه الاوكتافيا و الفورد معرفوين بصلابتهم رغم ان الاوكتافيا ممكن تكون اعلى شويه لانها عربيه كلاسك يعنى الامان فيها اقوى من اى سياره سبورت لان المهم فالسبورت السرعه اكتر من قوه الصاج علشان تجرى اسرع .
لكن من جوه الاتنين فظاااااااااااااع واحده سبورت بجد والتانيه اناقه وشيكاه اووووووى
يبقى موضوع التوكيل معرفش عنهم حاجه خالص
لو حضرتك تقدر تنشر الموضوع اكتر علشان
بجد فعلا لازم اللى اشتروا الاتنين يفيدونا

تتفوق فى الموتور فقط ازاى ياباشا :) طب والسعر والكماليات واسعار قطع الغيار والثبات اللى مايقلش عن الفانتازيا ان مكنش احسن الله اعلم , وسيبك من كلام المعارض اللى اكيد معظمهم مايعرفش شكل الفوكس اصلا ولا جربها

وبخصوص الوزن الفوكس وزنها 1325 كجم , الفانتازيا 1280 كجم

ولو هانتكلم على الامان والثبات انا رأيى الفوكس تتفوق بسبب مواصفات العربيتين فى مصر

الفوكس بتنزل 4 ايرباج و ESP ودا مهم جدا , وطبعا واخده 5 نجوم فى ال EuroNCAP

الفانتازيا 2 ايرباج فقط , ومفيش ESP , وواخده 4 نجوم فقط فى ال EuroNCAP

**eslamsubaru** · 10-10-2012 02:33 AM

بالنسبة لاختياراتك :
اسكودا : عربية جميلة بس قطع غيار غالية و ثباتها عادى مش وحش و مش حلو أوى...
فوكاس زى مقالوا مشكلة البنزين 95 و صيانة غالية
كورولا : معمرة , بس فقيرة التجهيزات , ثبات وحش.

( رأى فكر فى السوبارو امبريزا الجديدة : سعر منافس , تجهيزات جميلة مش احلى حاجة بس جميلة , أداء و ثبات لا يوصف بالمقارنة باختياراتك لا وجه للمنافسة مع السوبارو فالثبات)
العيب الوحيد اعادة البيع و ده لثقافة السوق... بالنسبة للصيانة أرخص من الثلاث عربيات موضوع الكلام.

أخيرا شوف انت مرتاح لمين فيهم و استخير ربنا

**AlGazar2** · 10-10-2012 02:59 AM

المشاركة الأصلية كتبت بواسطة eslamsubaru

بالنسبة لاختياراتك :
اسكودا : عربية جميلة بس قطع غيار غالية و ثباتها عادى مش وحش و مش حلو أوى...
فوكاس زى مقالوا مشكلة البنزين 95 و صيانة غالية
كورولا : معمرة , بس فقيرة التجهيزات , ثبات وحش.

( رأى فكر فى السوبارو امبريزا الجديدة : سعر منافس , تجهيزات جميلة مش احلى حاجة بس جميلة , أداء و ثبات لا يوصف بالمقارنة باختياراتك لا وجه للمنافسة مع السوبارو فالثبات)
العيب الوحيد اعادة البيع و ده لثقافة السوق... بالنسبة للصيانة أرخص من الثلاث عربيات موضوع الكلام.

أخيرا شوف انت مرتاح لمين فيهم و استخير ربنا

+1111111111111111111111111111111111111111111111

**Ahmed mishtawy** · 10-10-2012 11:39 AM

المشاركة الأصلية كتبت بواسطة eslamsubaru

بالنسبة لاختياراتك :
اسكودا : عربية جميلة بس قطع غيار غالية و ثباتها عادى مش وحش و مش حلو أوى...
فوكاس زى مقالوا مشكلة البنزين 95 و صيانة غالية
كورولا : معمرة , بس فقيرة التجهيزات , ثبات وحش.

( رأى فكر فى السوبارو امبريزا الجديدة : سعر منافس , تجهيزات جميلة مش احلى حاجة بس جميلة , أداء و ثبات لا يوصف بالمقارنة باختياراتك لا وجه للمنافسة مع السوبارو فالثبات)
العيب الوحيد اعادة البيع و ده لثقافة السوق... بالنسبة للصيانة أرخص من الثلاث عربيات موضوع الكلام.

أخيرا شوف انت مرتاح لمين فيهم و استخير ربنا

شكرا لاهتمامك بجد
طيب ممكن توصفها اكتر السوبارو خصوصا انا كنت افتكر ان الموديل ده سيدان بس دفع رباعى مش امامى المعلومه دى صح ولا خطاء ؟
وحاجه تانيه السوباروا يابانى بالرغم ان الفوكس و الاوكتافيا المانى فهل امكانيتها يخلوها ينافسوا االفوكس والاوكتافيا اوى كده ؟

**Ahmed mishtawy** · 10-10-2012 11:44 AM

المشاركة الأصلية كتبت بواسطة algazar2

+1111111111111111111111111111111111111111111111

شكرا لاهتمامك
لو تقدر توضح وجهه نظرك برضه اكتر

**Hosam_Optrawy** · 10-10-2012 02:00 PM

المشاركة الأصلية كتبت بواسطة Ahmed mishtawy

اولا شكرا بجد على اهتمامك تانى مره
بس الاسكودا 4 ايرباج برضه ادخل على موقع www.skoda-auto.com
او اللينك ده هيوضحلك الايرباج بتاعتها ŠKODA - ŠKODA Octavia Safety

اما موضوع esp فياريت توضيح بجد
لان كدا المنافسه احتدت اوووى والفوكس بدأت تتفوق

دا موقع سكودا العالمى اللى بيوضح كل الكماليات والمواصفات اللى ممكن تنزل بيها , مش شرط تنزل اساسى فى كل الدول , وبره بتنزل ب 6 ايرباج كمان مش بس 4

لكن فى مصر بتنزل 2 ايرباج فقط

وبخصوص ال ESP شوف الفيديو دا للفوكس الجديده بيوضح اهميته

Euro NCAP | Ford Focus | 2012 | ESC test - YouTube

ودا فيديو للاودى A3 بيوريك الفرق بين وجود ال ESP وعدمه

Euro NCAP | Audi A3 | 2012 | Crash test - YouTube