الموضوع: تويوتا الكورولا او فورد فوكس او سكودا اوكتافيا

المشاركة الأصلية كتبت بواسطة yehiaseg

السحب ماشاالله ممتاز والصراحة حوار النتشه مش موجود يمكن علشان السوفتوير الي معايا اخر اصدار، احساس غير عادي وانت بتاخد الملفات وانت دايس بنزين , ال esp اعتقد له ظروف معينه ساعتها تقدر تحكم انه شغال زي الفيديو الي الخوة مشيرينه فوق، التوكيل انا روحته مرة واحده بس في صيانه الالف ناس محترمه جدا والمهندس فاهم العربيه كويس جدا وشكله واخد تدريب كويس وكمان عندهم كل الاكسسوارات الاصليه واسعارها مقبوله جدا بالنسبه انها اصليه ، العربيه تقفيل الماني وليس اسباني مش زي الموديلات القديمه ، خاصيه الاوامر الصوتيه بجد ممتازه بتتحكم في التيليفون والراديو والتكيف بسهوله مش هتصدقها، لسه مكتشف ان عندي ليدات في الفانوس الخلفي وكمان العربيه بتكمل دواره لوحدها زي اليارس التيوتا، التكيف مكنتش متوقع انه فوق الممتاز بالنسبه انه اوربي، سوند سيستم هايل وبعمل sync مع ال اي فون مممممتتتتتااززززززز وبكل سهوله، الصراحه انا جربت اشد مع واحد صحبي معاه فانتازيا هوه قالي بعد ما خالصنا ان مينفعش نقارن تكنولوجيا قديمه وجديده مفيش اي تكافوء ، مكنش شد بمعني الكلمة ده كان اختبار بمعني اتحركنا من الثبات لحاد سرعه 80 والفتيس اوتوماتيك عادي ، الاختبار التاني كنت انا وهوه علي سرعه ٦٠ وبعدين المفروض هنشد لحاد ١٨٠ ونشوف مين هيجبها الاول، الاختبار التالت والرابع نفس الكلام بس هيكون في مطب في نص المسافه علشان نشوف التجميع بعد السرعه والفرامل المفاجهـ، وبعد كده غيرنا المطب وحاتينا ملف ويكون علي كوبري وتعبنا لحاد ملاقيناه علشان لازم يكون رايق واختارنا كوبري الجيش الجديد اللي يطلعك علي طريق المدراعات الي اول شارع التسعين التجمع لو تعرفه، المهم عملنا اعاده لكل الختبارت بس الفتيس في حاله الاستبترونك، بص احنا عملنا مجهود غير عادي علشان نزبت المواعيد و نلاقي شروط الطريق المناسبه ، وطبعا مش هقوللك النتيجه لانها عمليا ونظريا متوقعه جدا وصحبي صاحب الفانتازيا عارفها كويس جدا بس بردو قررانا نخوض التجربه ، عربيتي هاتشباك عمله ٣٠٠ كيلو سبورت اعلي فءه وعربيه صحبي فانتازيا اعلي فيءه و ٤٠٠٠ كيلو البنزين كان ٩٥ , بعد لما خلصنا صاحبي قال كلمه مهمه جدا قالي العربيه دي ممتازه لما اكون عندي حاجه وخمسين سنه ورايح ازور ولادي او مسافر انا والحجه المدام، احنا لسه شباب عايز يدوس انا انشاالله هبيع قريب :) ده بكل بساطه اللي حصل , بس انا قولتله الصراحه الفانتازيا شنططها بحررررررررر وبس ، تحت امرك

طيب هل لازم موضوع البنزين ال95 ده ؟؟؟ ولا ممكن احط 92 لكن الافضل 95؟
لان الدعم هيتشال خلاص , وحاجه تانيه انت عربيتك هاتشباك يعنى لازم تظبط اى عربيه سيدان يا باشا المقارنه كانت تبقى عادله شويه لو كنت معاك السيدان
لكن ده برضه مايمنعش ان الفوكس ماتورها عفى جدا

المشاركة الأصلية كتبت بواسطة mohamed fawzy

بص يا باشا انا هاقولك رأيي بصراحة وبحيادية تامة بعيدا عن اني من مالكي الفوكس

أولا احنا عايزين نطلع الكورولا من الموضوع عشان مع احترامي لمالكي الكورولا والتوكيل بتاعها المحترم واعتماديتها العالية هانلاقي ان الكرولا دي حمادة والفوكس والاوكتافيا حمادة تاني خااااالص

ثانيا: وعن تجربة دقيقة للعربيتين الفوكاس بما اني مالكها وماشي بيها لحد دلوقتي 13000 كم والاوكتافيا بما انها كانت اول حاجة الناس رشحتهالي طبعا في رينج السعر ده بسبب الانتشار وقطع الغيار المتوفرة واعادة البيع والكلام اللي اكيد حضرتك سمعته كتير واللي هو مهم جدا طبعا ويحترم وعشان ما اطولش عليك انا قعدت شهرين اقارن بينهم ركبت كذا عربية اوكتافيا بتاعة ناس قرايبي وصحابي وسافرت بواحدة فيهم وجربت كل حاجة الجري والفرامل والثبات والعفشة فتقدر تقول ان الاوكتفيا بالنسبالي بقت محفوظة في كل حاجة وكانت الخلاصة كالتالي

موتور - عفشة - ثبات - فرامل - شكل (داخلي و خارجي) - سعر قطع غيار (رغم تواجدها في الوكيل فقط في حالة الفوكاس) - التوكيل (معاملة وخبرة) - متعة قيادة (مانوفرينج وراحة ورؤية)

كل اللي فات ده في صالح الفوكاس

توافر قطع غيار (توافر مش سعر) - سعر اعادة البيع - الانتشار - الوسع (صالون وشنطة)

كل اللي فات ده في صالح الاسكودا

يعني من الاخر لو عايز تركب عربية تبقى مبسوط وانت راكبها تركب الفوكاس ولو عايز تركب عربية تبقى مبسوط وانت بتبيعها تركب الاسكودا

معلومة اخيرة ليك ممكن تهمك من الوكيل بتاع الفورد ان العربية ممكن تمشي ببنزين 92 عادي من غير ما يكون في ضرر على الموتور لكن هايقل العزم والتسارع شوية وهايزيد استهلاك البنزين شوية انا ما جربتش الصراحة احطلها 92 انا من ساعة ما جيبتها وانا ماشي ب 95 انما ده كلامهم

وفي حاجة كمان ودي مجرد وجهة نظري الشخصية المتواضعة التي لا قيمة لها لو حضرتك عايز تقارن بجد يبقى الفوكاس والامبريزا ده طبعا لو اتفقنا ان حضرتك عايز تركب وتبقى مبسوط وانت راكب مش وانت بتبيع وانا عنيا ليك في اي ستفسار تاني

شكرا لمشاركت واهتمامك بالموضوع
طيب اشمعنى الامبريزا احسن من الاوكتافيا
وحاجه تانيه انت متأكد من موضوع البنزين ده ان ممكن عادى يتحطلها بنزين 92
والتانى انت معاك الهاتشباك ولا السيدان ؟ لان فى استاذ افاده الله كلمنا كتير عن مميزاتها مع الفانتازيا ف حبيت اعرف فلو فى فرق كبير بينهم ولا عادى مش كبير؟

المشاركة الأصلية كتبت بواسطة sameh fillys

بالنسبه للفورد فاهيه تصنيع الماني وتأفيل اسباني اما الفنتازيا كويسه بس ماتور ضعيف 8 صباب اما التيوتا يابانى عربيه تحفا

شكرا لمشاركتك

عاوز اوجهه الشكر للى نشر الموضوع اكتر وعدل العنوان وخلى المشاركه اكثر فعاليه
وكل اللى شاركوا بأرائهم بجد متشكر جدا
واتمنى لو نحسمها بقى لان كده الفوكس بتتفوق كتير عن الاوكتافيا بحسب ملاك الفوكس

المشاركة الأصلية كتبت بواسطة Mohamed Fawzy

الامبريزا احسن من الاوكتافيا كركوبة بردو مش انتشار اوعادة بيع يعني احسن في الثبات والموتور والعفشة وموضوع ال awd واهم حاجة انها عربية جديدة موديل السنادي يعني تكنولوجيا السنادي مش نفس الشكل والديزاين من 2004

كان فى استاذ رشحالى برضه
بس لو تعرف رقم التوكيل بتاعها لو ممكن اطلب testdrive
وسؤال تانى انت بتقارن المانى بيابانى؟؟؟

المشاركة الأصلية كتبت بواسطة ahmed mishtawy

كان فى استاذ رشحالى برضه
بس لو تعرف رقم التوكيل بتاعها لو ممكن اطلب testdrive
وسؤال تانى انت بتقارن المانى بيابانى؟؟؟

حضرتك كلم الاستاذ +20 122 3972614 ايمن ده مبيعات فرع النزهة وهوه داه الفرع الي تقدر تجربها عندو انا كنت عملت كده زمان قبلً ما اشتري الفورد. الرقم معكوس سوري

المشاركة الأصلية كتبت بواسطة Ahmed mishtawy

طيب هل لازم موضوع البنزين ال95 ده ؟؟؟ ولا ممكن احط 92 لكن الافضل 95؟
لان الدعم هيتشال خلاص , وحاجه تانيه انت عربيتك هاتشباك يعنى لازم تظبط اى عربيه سيدان يا باشا المقارنه كانت تبقى عادله شويه لو كنت معاك السيدان
لكن ده برضه مايمنعش ان الفوكس ماتورها عفى جدا

حضرتكً روحCompare cars... ولعلمك انا عربيتي اتقل من الاسكودا ب ١٠٠ كيلو بحالهم