الموضوع: ياجماعه اشترى فلتر ماء بانسونيك ولا الانجليزى وايه الافضل؟؟؟

اه هو ده

موجود والله عندنا فالفيوم وممكن اخده اققل من كده انا عايز اعرف هو كويس ولا التانى مع العلم انى اشتريت التانى اللى هو فى بيان للخرطوشه فلو التانى احسن ارجع ده واجيبه بس هو ارخص مش عارف ليه

هو بيقبل نفس الغيار بس المشكله انه ارخص ومفيش حد هنا اتكلم عنه قبل كده

الحمد لله انا اشتريته لانه متجرب والناس كلها بتشكر فيه وكنت هاشتريه من يومين من سبينس ب500 جنيه بس حسيت انه غالى نزلت من شويه لاقيتهب390 واخدته ب380 وعملت سيرش عرفت ان الفرق ان التانى بيزيد نص لتر فالدقيقه وده فيه المؤشر بس

المشاركة الأصلية كتبت بواسطة power

احنا عندنا الباناسونيك هو ممتاز ده يمكن علشان انا مش مقنع بالفلاتر ال19000 مرحله دي
وانا بشتري كان برضو عندي نفس السؤال ده بس المحل اللي بشتري منه كان واضح قالي عندك مشكله في الطعم او اللون او الريحه يبقي باناسونيك لو عندك المياه فيها بكتريا او طحالب او صدا او ملوثه بشكل عام يبقي الفلتر الانجليزي وطبعا احنا عندنا المياه اصلا نضيفه بس هو المشكله في الكلور او الشبه (بتبان بالذات في الشاي لو انت بتركز) اللي احيانا بتغير طعم المياه لو كانت زياده شويه في محطه التنقيه الغريب ان من اسبوع جوز اختي راح يجيب واحد لقي سعره 450 جنيه الاحمر مع ان انا كنت شاريه 250 من نفس المحل من اقل من سنه

انت كده راجل مركز في المية زي حالاتي
انا بقه لما بروح اشرب شاي عن اي حد مركب فلتر او مش مركب بعرف نوعية الفلتر او ان مفيش فلتر بسبب الفلتر الباناسونيك ده
انا عندي من 8 سنين الفلتر ده وبجد جامد ومن احلى الفلاتر اللي في السوق
لأنه بيفلتر بس وكويس مش بيضيف اي طعم للمية
بالعكس بيخلي المية طبيعية خالص
بعكس الفلاتر التانية بتحس بطعم المية ان فيه زايد فيها مش ميه بس ودي المشكلة
وفعلا بتبان قوي في الشاي

وفعلا الفلتر من وقت قريب كان بــ 250 تقريبا وزاد ولكن سعره مش 500 سعره الحقيقي حاليا في اي توكيل باناسونيك او في نص البلد هتلاقيه
الأحمر بــ 360 او 370
والأزرق بـ 330 تقريبا
الفارق في سعة مرور المية وعلامة بتدل على عمر الحشوة