ياجماعه اشترى فلتر ماء بانسونيك ولا الانجليزى وايه الافضل؟؟؟

**KemozTanta** · 10-10-2012 10:23 AM

فيه فلتر أسمه أكوا فريش اية رأيكم فيه دا ياجماعة 7 مراحل وبـ 1200 جنية
حد سمع عنه قبل كدا !! وهل البانسونيك المرحلة احسن من الفلاتر ال 6 و 7 مراحل

**طارق _عبد السلام** · 11-10-2012 11:37 PM

المشاركة الأصلية كتبت بواسطة kemoztanta

فيه فلتر أسمه أكوا فريش اية رأيكم فيه دا ياجماعة 7 مراحل وبـ 1200 جنية
حد سمع عنه قبل كدا !! وهل البانسونيك المرحلة احسن من الفلاتر ال 6 و 7 مراحل

طرحت نفس سؤالك ولم يجيبنى احد وكل يوم ادخل الموضوع ده لااعرف لانى ارى الاخوه هنا يشكروا فى المرحله الواحد وانا عندى السبع مراحل وبدات اقلق
ياجماعه من عنده معلومه لايبخل بها من فضلكم الموضوع مرتبط بالصحه
منتظر معلوماتكم ولما فضلتم المرحله الواحده وما الضرر من السبع مراحل
واشكركم

**alrabeh** · 12-10-2012 12:47 AM

أنا عندى فلتر ست مراحل تايوانى بخرطوش شمع أمريكى ممتاز جدا واستحالة من ناحية المنطق أن يكون الشمعة الواحدة حتدى نتيجة زى الست مراحل
وفلتر الست مراحل ليس به أى خطورة فهو فيه مرحلة بتدى المية كمية الأملاح المناسبة وبعدين أنا كان عندى المرحلة والمرحلتين والثلاث مراحل التانك ولا كان ليهم لازمة
الفلتر الست مراحل بيكون أهم حاجة فيه المرحلة الرابعة وهى مرور المياه على ما يسمى بالممبرين وهو غشاء رقيق جدا يحتجز كل الأملاح والبكتريا والشوائب والمعادن وخلافه وهذا غير موجود بفلتر الباناسونيك
بالتوفيق وتحت أمركم فى أى استفسار

**aminibrahim** · 12-10-2012 01:15 AM

المشاركة الأصلية كتبت بواسطة tootte

طرحت نفس سؤالك ولم يجيبنى احد وكل يوم ادخل الموضوع ده لااعرف لانى ارى الاخوه هنا يشكروا فى المرحله الواحد وانا عندى السبع مراحل وبدات اقلق
ياجماعه من عنده معلومه لايبخل بها من فضلكم الموضوع مرتبط بالصحه
منتظر معلوماتكم ولما فضلتم المرحله الواحده وما الضرر من السبع مراحل
واشكركم

بص يا باشا بعد الستفسار والتمحص مع بعد الناس زوي الخبره واللي عندهم ضمير توصلت للاتي

حسب نوع الميه ودرجة نقاوتها من الحنفيه وحسب البلد اللي انت فيها يعني مثلا

احنا عندنا في اسوان الميه جاريه بطريقه مهوله يعني انت ما تقدرش تعوم في النيل هناك من شدة التيار شكله يخوف اذن ده شئ كويس ونسبة التلوث بتبدأ بعد مدينة اسوان يعني الميه اللي جايه جايه من المنبع فابلتالي انا جبت المرحله الواحده لازالة الكلور وصدأ المواسير والشبه بس في الواقع الميه ممتازه مش محتاجه 6 او 7 مراحل

السع مراحل للميه الملوثه بطريقه فجه والراكده والمالحه زي الغردقه

لكن ملحوظتي --- بعد ما جربت مية اال6 مراحل وخاصية الro حسيت ان الميه مش ميه مش عارف ليه

ثانيا

اهم شي في الفلتر اللي حضرتك اشتريته انه يكون المبرين امريكي وباقي القطع تايواني

كده يبقي فله

لكن انا لما ببقي في بيتي في القاهره بشري ميه معدنيه وخلاص

**طارق _عبد السلام** · 12-10-2012 06:43 PM

المشاركة الأصلية كتبت بواسطة aminibrahim

بص يا باشا بعد الستفسار والتمحص مع بعد الناس زوي الخبره واللي عندهم ضمير توصلت للاتي

حسب نوع الميه ودرجة نقاوتها من الحنفيه وحسب البلد اللي انت فيها يعني مثلا

احنا عندنا في اسوان الميه جاريه بطريقه مهوله يعني انت ما تقدرش تعوم في النيل هناك من شدة التيار شكله يخوف اذن ده شئ كويس ونسبة التلوث بتبدأ بعد مدينة اسوان يعني الميه اللي جايه جايه من المنبع فابلتالي انا جبت المرحله الواحده لازالة الكلور وصدأ المواسير والشبه بس في الواقع الميه ممتازه مش محتاجه 6 او 7 مراحل

السع مراحل للميه الملوثه بطريقه فجه والراكده والمالحه زي الغردقه

لكن ملحوظتي --- بعد ما جربت مية اال6 مراحل وخاصية الro حسيت ان الميه مش ميه مش عارف ليه

ثانيا

اهم شي في الفلتر اللي حضرتك اشتريته انه يكون المبرين امريكي وباقي القطع تايواني

كده يبقي فله

لكن انا لما ببقي في بيتي في القاهره بشري ميه معدنيه وخلاص

اشكرك على الاهتمام والتطمين انا عندى السبع مراحل من اكثر من خمس سنوات وكان شغال على مياه البلديه وكان ولا اروع وكنت بغير الشمعه الاولى تقريبا كل 20 يوم بسبب تلوث المياه
وطعم المياه الخارجه منه فى اول الامر تشعر انها مره قليلا لاكن بعد اسبوع لن تستطعم اى مياه غير مياه الفلتر
=========
وبعدين نقلت فى مكان آخر وشغلته على طلمبه مياه جوفيه على عمق 57 متر
مش عايز اقول لك نفس طعم المياه اللى انا متعود عليها ولاكن الشمعه الاولى لا تتسخ ابدا ابد وبغيرها كل 6 شهور خوفا من تحللها فقط
=========
اما بخصوص الممبرين دى انا مغيرها من 3 شهور تقريبا وهى خاصه بالاملاح وطبيعى مياه الطلمبات الجوفيه الاملاح عاليه فيها جدا ولا كن الفلتر بيظبط الاملاح لحوالى من 120 الى 180
والممبرين فعلا جبتها امريكى وهى بتتغير تقريبا بعد 3 سنوات وثمنها 200 جنيه

اشكرك على التوضيح اخى الفاضل

**طارق _عبد السلام** · 13-10-2012 12:32 AM

المشاركة الأصلية كتبت بواسطة alrabeh

أنا عندى فلتر ست مراحل تايوانى بخرطوش شمع أمريكى ممتاز جدا واستحالة من ناحية المنطق أن يكون الشمعة الواحدة حتدى نتيجة زى الست مراحل
وفلتر الست مراحل ليس به أى خطورة فهو فيه مرحلة بتدى المية كمية الأملاح المناسبة وبعدين أنا كان عندى المرحلة والمرحلتين والثلاث مراحل التانك ولا كان ليهم لازمة
الفلتر الست مراحل بيكون أهم حاجة فيه المرحلة الرابعة وهى مرور المياه على ما يسمى بالممبرين وهو غشاء رقيق جدا يحتجز كل الأملاح والبكتريا والشوائب والمعادن وخلافه وهذا غير موجود بفلتر الباناسونيك
بالتوفيق وتحت أمركم فى أى استفسار

هو فعلا من ناحيه المنطق لايعقل لان فلتر المرحله الواحده يعتبر مرحله واحده من مراحل الفلتر السبعه

ولاكن من كلام الاخوه هنا حبيت استفسر سر تمسكهم بالمرحله الواحده لعل وعسى يكون هناك شىء لا اعرفه ويسبب خطوره لان عندى اولا د وانا خايف عليهم وحبيت استزيد من المعلومات
تقديرى لحضرتك ولكل من عنده معلومه ولا يبخل بها

**amr5500** · 13-10-2012 12:45 AM

انا شايف ان فلتر باناسونيك مناسب جدا
وشركه محترمه وليها مصداقيه في العالم كله
وكمان فلتر
British Berkefeld

British Berkefeld HBA MKII water filter

انا بصراحه باثق في النوعين دول
لكن في فلاتر مجهوله الهويه كتير ويقول لك 6 مراحل و 7 مراحل وممكن كل ده يكون هجص
ده رايي وحبيت اشارك بيه

تحياتي

**casperinoo** · 05-06-2013 04:08 AM

المشاركة الأصلية كتبت بواسطة a.saad

ا
اللى يشتريه ياخد باله عند التركيب
لانه فيه اجزاء بلاستيك ليها قلاووظ وممكن سنها يبوظ لو اتعانفت معاها
والشمعه لو هتنقلها بعد التركيب لازم تكون بدون ميل او انك تقلبها على جنبها
لانى عملت كدة وباظت منى

عملت بنصيحتك وخدت بالي ..بس بوظتها برده :)