السلام عليكم ورحمة الله وبركاته،،،

عندي سؤال للإخوه قاطني الإمارات:

في واحد صديقي في دبي دلوقت وأنا بصراحه عاوز أخليه يجيبلي جالاكسي نوت 10.1

دورت شويه على النت لقيت أسعاره تترواح ما بين 2300 لـ 2700 والأسعار الغاليه دية في الأماكن الكبيره زي كارفور وجامبو.

لقيته بـ 2325 في سايت مشهور إسمه gift bag وكلمت السايت ده عشان أتأكد إنهم ممكن يوصولوا الجالاكسي نوت في يوم واحد بس عشان خلاص صديقي مسافر. لقيتهم بيقولولي ما فيش مشاكل. بس المشكله الكبرى إنهم مش بيقبلوا غير كاش :( وأنا صاحبي مش معاه كاش وبيتعامل بالفيزا.

ففكرت إن ممكن صاحبي ينزل خالد إبن الوليد مثلاً ويدور في المحلات اللي هناك وأكيد هايلاقي محل أسعاره كويسه وفي نفس الوقت بيقبل فيزا.

السؤال بقى: هل تفكيري ده صح؟ هل هايلاقي هناك محلات أسعارها كويسه أرخص من كارفور وكده وفي نفس الوقت بيقبلوا فيزا؟ يا ترى في محل هناك ليه ويب سايت أقدر أشوفه؟

ولو مش هايلاقي الكلام ده في خالد إبن الوليد ممكن يدور فين تاني؟

شكراً