الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة hussein

ياريت نعرف من البشمهندس نجاد حكاية traction A temprature B
اللى كل عربيات دايهاتسو نزله بيها و هل دى مناسبه لمصر ولا لأ

المشاركة الأصلية كتبت بواسطة معاذ الشرباصى

يا ريت فعلا اجابة للموضوع ده

رابط الموضوع

http://www.nilemotors.net/Nile/showthread.php?t=30640

المشاركة الأصلية كتبت بواسطة MoToRiZeR

يا ريت فعلا اجابة للموضوع ده

أعضاء المنتدى الكرام
بالنسبة للموضوع الخاص بالحرارة B فلنبدأ بتعريف الرموز A , B , C للحرارة فهذة الرموز تمثل مقاومة الاطارات للحرارة وقدرتها على اشعاع الحرارة وذلك اثناء اختبارها تحت ظروف معملية محكمة. وأعلى درجة هى A , وأقلها C وهى تمثل أقل قدر من الأداء المطلوب حسب المواصفات القياسية الفيدرالية بالولايات المتحدة الأمريكية. ومن هذا نخلص الى أن الإطارات ذات الحرارة B لا يوجد منها أى قلق أو خوف حسب ما يعتقد البعض منا إن شاء الله، وهى مناسبة للمواصفات والأجواء المصرية.
أشكركم وسوف أرد على باقى الإستفسارات تباعا إن شاء الله

شكرا جدا يا باشمهندس ريحت كل مالكي الدايهاتسو

المشاركة الأصلية كتبت بواسطة Ahmed A.Maksoud

السلام عليكم

أريد معرفة سعر الكاوتش التالى

بريدجستون 195\65 R 15 تركى لو فيه ولو مفيش أيه اللى متوفر و بكام

أنا بسأل على التركى لأنى زى اللى كانت نازلة بيه الميجان وكان مريحنى جداً جبت بعده كونتيننتال ألمانى بس مش مريحنى زى اللى كان نازل فى العربية

الأخ أحمد العزيز... للأسف الاطارات بريدجستون التركى لا تستورد منذ الزلزال القوى الذى ضرب تركيا منذ عدة سنوات وذلك بسبب تدمير جزء كبير من المصنع فى هذا الزلزال.. ولكن هذا المقاس متوفر يابانى ، إندونيسى وتايلاندى والأسعار 520 , 499 و445 على التوالى ...
مع تحياتى

المشاركة الأصلية كتبت بواسطة m_waheed

ربنا يكرمك يا بشمهندس وجزاك الله خيرا

انا عندي عربية لانوس مقاس الكاوتش 13\70\175 \
اولا : انا كونت عاوز كل رقم بيدل علي ايه
تاني حاجة : انا بحس ان العربية علي السرعات الكبيرة بيكون ثابتها قليل وفي ناس كتيرة نصحتني اني ممكن اغير فردتين الكاوتش الامامي واخليهم 13\195\65
الكلام ده صح وهل يخلي العربية افضل وايه هو سعرهم

كما تعودنا فى مصرنا الحبيبة فنحن نسمع الكثير والكثير من الذى يعلم وبالطبع كذلك مِن مَن هو دون ذلك ... الأخ الكريم لو رجعنا لمصنع السيارة دايو وقرأنا الكتالوج الخاص بسيارتك فلن نجد بديل لهذا المقاس وأنا لا أعتقد أن شركة دايو بخيلة بشكل كبير حتى لا تنفق بعض المبالغ الزهيدة لزيادة مقاس أو اثنان بالكتالوج بدلا من المقاس الأصلى... ولذا أنا شخصيا لا أنصح بتغيير المقاس الى أى مقاس آخر طالما لم تقم الشركة المصنعة بذلك.... مع تحياتى

المشاركة الأصلية كتبت بواسطة m_waheed

ربنا يكرمك يا بشمهندس وجزاك الله خيرا

انا عندي عربية لانوس مقاس الكاوتش 13\70\175 \
اولا : انا كونت عاوز كل رقم بيدل علي ايه
تاني حاجة : انا بحس ان العربية علي السرعات الكبيرة بيكون ثابتها قليل وفي ناس كتيرة نصحتني اني ممكن اغير فردتين الكاوتش الامامي واخليهم 13\195\65
الكلام ده صح وهل يخلي العربية افضل وايه هو سعرهم

بالنسبة لدلالة كل رقم فلنقم أولا بكتابة المقاس بشكل سليم وهو يقرأ من اليسار 175 وهو عرض مقطع الإطار من الجانب الى الجانب الآخر بالملليمتر و70 هو نسبة مئوية من قسمة ارتفاع جانب الاطار على عرض الاطار، وأما حرف R فيعنى أن هذا الإطار من نوعية الإطارات المسماة بالريديال أى أن البناء الداخلى للإطار يكون فى اتجاه نصف القطر (شعاعى) وأما 13 فهو قطر الجنط بالبوصة.
برجاء مراجعة الرسم المرفق للتوضيح
أشكركم