العضو العزيز حاتم... الفرق الواضح بينهما أن ال h سرعة الإطار 210 كم/س والv السرعة 240 كم/س.
ولكن سعادتك السؤال كده ناقص لأن التورانزا فيها نقشات مختلفة فارجو افادتى باسماء النقشات لتكملة الرد عليك ان شاء الله
تحياتى
عرض للطباعة
م/ نجاد انا اشتريت 4 فرد بريدجستون من اسبوعين بس مخدتش ضمان هو ليهم ضمان ؟؟؟ انا جبت ال
My-01 Sport tourer 195/50/15
شكرا بريدجستون علي اختيار موظفيكم
شكرا مهندس نجاد
شكرا استاذ محمد جمال فرع الهرم
انا اشتريت من فرع الهرم فردة بريدجستون ياباني
وخلتها استبن
مهندس نجاد كنت عايز اعرف سعر r15 185/60
المهندس / نجاد بعد السلام عليكم ارجو ان يتسع صدركم لعرض مشكلتى انا اشتريت كاوتش بس مش بريدجيستون -اندونيسى لانى كنت عايز بريدجيستون يابانى وملقيتش 195/50/15 ودائما على سرعة 100 وانت طالع رفة غريبة ورحت رصصت اكتر من مرة عند ناس مختلفة وفى ناس بتقول ان الكاوتش هوة اللى بيعمل كده انا مش عارف الصح فيين بس المشكلة انى ماشى بالكاوتش ده يادوب 4000 كيلو بس مش عارف انا خايف اغيره يطلع المشكلة فى حاجة تانية بالرغم من انى كشفت على العربية اكتر من مرة هل فعلا الكاوتش يعمل مشكلة زى دى لان مش من السهل ان اشترى وبعدين يطلع نفس العيب واضحى بقى بالكاوتش اللى لسة جايبه مع العلم ان نوعه اكسيليرا اندونيسى اسف للاطالة وفى انتظار ردكم الكريم تحياتى مصطفى محمود السيارة ميتسوبيشى كريستالة
العضو العزيز اذا كنت اشتريت الاطارات من اى فرع فيت اند فيكس فالفاتورة تكفيك. نعم اطارات بريدجستون فايرستون مضمونة ضد عيوب الصناعة لمدة اربع سنوات من تاريخ الانتاج او حتى نهاية نقشة المداس ايهما اقرب
العضو العزيز حاتم نحن نشكرك لثقتك فى بريدجستون فيت اند فيكس وعلى وعد منا باستمرار خدماتنا لكم بنفس المستوى مع محاولة دائمة لرفع هذا المستوى للافضل.
تحياتى
سعر الاطار 590 جنية ومن الممكن الاتصال بالخط الساخن 19187 للحصول على تفاصيل اكثر واسرع...تحياتى
عزيزى مصطفى تحياتى لك وآسف لعدم تمكنك من الحصول على البريدجستون اليابانى (حاليا متوفر وبكثرة فى جميع الفروع).. بالنسبة لمشكلتك ارجو منك الاتصال بالرقم المختصر 19187 لتحديد اقرب فرع لك والذهاب له وعمل فحص ومعاينة للاطارات للتحقق من حالتها واعلامك بما يجب عمله لحل المشكلة باذن الله.
انا قريب ليا فرع عباس العقاد افتكر حضرتك موجود هناك لو ممكن اعرف مواعيدك لانى بصراحة كده رحت بتاع العروبة صلاح سالم ومعجبنيش اسلوب العامل بتاع الترصيص زعل قوى انى رجعت تانى وقولتله ان العربية فيها رفة ولما قولتله كده قاللى ان الكاوتش مش كويس بس كده نظرى من غير كشف او حاجة هوة فيه كشف معين بيحدد اذا كانت الاطارات فيها رفة او مش مظبوطة للتاكد المشكلة انى لسة جايب الكاوتش فى شهر 12 وممشتش بيه كتير وربنا يعوض عليا فى الفلوس بس انا خايف بعد ماجيب البرايدجيستون تحصللى نفس المشكلة حضرتك عارف اربع فرد بمبلغ مش سهلين يعنى ومعلش تقبل موضوعى ومرورى واسف للازعاج بس انا سمعت كتيير عن كرم حضرتك وتحياتى لو بس ممكن مواعيدك ياباشمهندس وجزاك الله خيرا :16:
مصطفى باشا انا حاليا فى فرع الرحاب تحب تنورنى اكون سعيد جدا لو شرفتنى اما اذا كان عباس العقاد اقرب فحضرتك توجه لهناك والمدير المسئول م. حسن حمدى. ولو سمحت تبلغنى بما حدث ان شاء الله...
وارجو منك ومن جميع الاعضاء عند التعامل مع فروع بريدجستون فيت اند فيكس ان يكون التعامل اما مع مشرف الصيانة او مدير الفرع شخصيا وليس مع الفنيين حتى اذا كان هناك ملاحظات بعد انهاء العمل او مراجعة يكون التعامل مع المدير شخصيا وذلك حتى تتجنب ما كتبته " ومعجبنيش اسلوب العامل بتاع الترصيص زعل قوى انى رجعت تانى وقولتله ان العربية فيها رفة ولما قولتله كده قاللى ان الكاوتش مش كويس بس كده نظرى من غير كشف او حاجة ". والفحص بالنسبة للاطارات بيكون باليد وممكن بماكينة الترصيص ولا استطيع ان اطمئنك واقول لك ان الكاوتش ممكن يكون سليم فكما اخبرتك فهذة الماركة للاسف لا اعلم عنها شيئا فمن الممكن ان يكون هناك عيب فى صناعة الاطارات او ممكن تكون قديمة وغير مخزنة بشكل سليم.
اتمنى ان تكون النتائج مرضية وربنا يستر.... تحياتى
بشمهندس نجاد هل المقاس 215\50\r16 متوفر في البوتينزا أم لا ولو متوفر سعره كام ولو غير متوفر هل يمكن طلبه
كتر الف خيرك ياباشمهندس نجاد والله كلكم ناس محترمة انا لما قابلت المهندس المسئول فى العروبة كان فى قمة الاحترام والاهتمام لكن العامل هوة اللى كان عنده المشكلة المهم انا نسيت لانكم تعاملكم ممتاز جدا وممكن اجى لحضرتك الرحاب انا بنزل كتيير بس لو حضرتك تقوللى مواعيدك وايام اجازتك واكون شاكر جدا معلش الموضوع طول وازعجتك الف شكر تحياتى