السلام عليكم
بإذن الله خلاص اتفقت إنى أجيب الجين 2
وهبدأ أمشى فى الأجراءات بإذن الله
وكلمت عز العرب
ها ايه رأيكوا ...اتوكل على الله وأدووووس
ولا ممكن يكون فى عربيه أحسن منها وفى نفس سعرها
أتمنى إنى أسمع الرد من الناس اللى عندهم العربيه
وشكرا
عرض للطباعة
السلام عليكم
بإذن الله خلاص اتفقت إنى أجيب الجين 2
وهبدأ أمشى فى الأجراءات بإذن الله
وكلمت عز العرب
ها ايه رأيكوا ...اتوكل على الله وأدووووس
ولا ممكن يكون فى عربيه أحسن منها وفى نفس سعرها
أتمنى إنى أسمع الرد من الناس اللى عندهم العربيه
وشكرا
tawakal 3ala allah
hya a7san 3arabya fe el fe2a beta3etha
we ba3den law 3ayz ay mosa3da fe el estelam aw ay so2al
contact me
Islam 010 1771337
فى نفس سعر الجين تو مفيش أى منافس
هى تعتبر الافضل من حيث الامكانيات مقابل السعر
بس خلى بالك انت مبتشتريش مرسيدس
يعنى ممكن ميعجبكش فيها شوية حاجات
بس على العموم أختيار موفق ان شاء الله
بُص ياباشا
العربية كأداء .................رهيبة
كماليات ................ رهيبة
تقفيل الصالون و خاماته .......... عادية جدا و ليست مميزة في أي شئ غير التابلوه الروعة
مش سيئة زي الناس ما بتقول و بتتساوى مع عربيات كتيرة جدا في نفس مستوى السعر في موضوع الخامات الداخلية للصالون
و إن شاء الله لما تنزل تستلم
تراجع على كل حاجة في العربية كويس جدا
و أقصد كل حاجة
جميع الأجهزة الداخلية ( تكييف - مشغل اسطوانات - انوار - .... الخ )
تُبص كويس على الدهان و تشوف فيه أي خرابيش أو تكحيتات
تُبص كويس الصالون و تشوف فيه أي خرابيش أو حاجة ملحوسة
و هكذا
تجرب الكراسي ترجعها ورا و تقدمها و تشوفها شغالة تمام
تفتح الكابوت و الشنطة و تشوف بيقفلوا كويس و لا لاءة
أتكل على الله و دوس ......... و أشتري
و ربنا يباركلك فيها إن شاء الله
هي ممتازة لكن ممكن تحط الsunny في الاعتبار
متشكر أووى ياشباب لأهتمامكم ومساعدتكم
وكان عندى سؤال
هى الجين تو facelift دى نزلت ولا لسه
يعنى الموجود دلوقتى فى عز العرب ...اللى هى العاديه اللى عند الناس كلها
ولا الجيدده الfacelift
اخى الفاضل
انا من رايى تستنى الموديل بتاع شهر 9 الجديد و ساعتها تشوف و تقارن بنفسك و على ضوء السعر الجديد تقرر
بصراحه انا ولدى قالى أخرك 80 ألف ....
ووصلتها معاه ل84 ألف بالعافيه لانى هجبها بإذن الله مانيوال
إنما الجديده أغلى من كده بكتير
هتكون بحوالى 100 ألف ....وده كتير جداا بصراحه
خلاص اقفش القديمة بالسعر الحالى و ربنا يوفقك ان شاء الله
هما الى معاك افضل حاجة بيهم فى الكماليات والشكل والاداء ..يعنى هاتاخد منها متعة هامة جدا القيادة المثيرة جدااااااااااا
اما بالنسبة الى مشاكل البسيطة الضمان كويس فيها اتوكل ...فى لون ابيض لسة شايفة جديد محدش راكبة فى المعرض الى فى اخر احمد عرابى
ربنا يوفق
سبحان الذى سخر لنا هذا وماكنا لة مقرنين وانا الى ربنا لمنقلبون
يا استاذ احمد انا سألت بنفسى فى المعرض اللى فى الدقى وقالولى ان ال facelift هاتنزل فى شهر 12 مش 9 فياريت انا عاوز اتاكد هيا هتنزل امتى لانى كنت خلاص هاجيبها بس لو كانت هتنزل فى 9 هستناها طبعا.
وبالمره هي احسن ولا ال Yaris ولا ال Lancer 1300cc مع العلم انى هسافر بيها يوميا يعنى هعملى فى اليوم حوالى 130 كم
فارجو المساعدة من الجميع
ومعلش ممكن سؤال طالما الراجل بيسأل عن ال جين 2 لإنى أنا فى نفس الحيرة دى تقريبآ ناس كتير بيرشحولى الجين 2 وأنا دماغى كلها ما بين الجيتز والسيريون . فأتمنى أعرف رأيكم بجد لو التلات عربيات دول إتحطو فى مقارنة
(الجيتز ولا السيريون ولا الجين 2 )
ترجو الادارة من الأخ العضو الاحاطة بان اللون الأحمر مخصص لاستخدامات الادارة فقط، نرجو منكم التكرم برماجعة قواعد وقوانين المنتدى-الأدارة 4
السلام عليكم
بالنسبة للاستفسار الخاص بميعاد نزول الاصدار الجديد للجين 2 تابع موضع الاخ جستس بخصوص نزول الفيس لفت الجديدة وانا لسه واصلانى المعلومة من عز العرب حالا انها فى شهر 9 بالكتير اوى اول شهر 10
وطبعا بما انك بتسافر كتير اساسى يبقى اختيارك لموتور 1600 هايبقى الاختيار الافضل
بالنسبة للمقارنة مابينها و مابين التويوتا و الميتسوبيشى ده يتوقف انت عايز عربية عائلية و لا لأ ؟
اما من حيث الكماليات فالبروتون طبعا اكتر بكثير
من حيث الاعتمادية و سعر اعادة البيع لا انصحك بالبروتون
بس انا لو مكانك موش هاخسر اى حاجة لو استنيت شوية وجبت الموديل الجديد و على فكرة التعديل فى الصالون جذرى و التعديل فى الموتور كويس جدا و ممتاز و طبعا انا موش جايب الكلام ده من النت انا جايبه من السخص اللى باثق فيه فى عز العرب و اللى جرب العربية بنفسه
بالنسبة لمقارنة الجيتز و السيريون و الجين 2 انا موش هاقارنهم ببعض
الجين 2 تكسب فى كل حاجة ماعدا استهلاك البنزين فقط و سعر اعادة البيع
يا استاذ احمد موضوع سعر اعادة البيع ده انا فاهمه وده بسبب ان العربيه مش منتشره, انما ممكن توضحلى موضوع الاعتماديه ده؟
وبعدين انا خلا دماغى هتفرقع علشان انا امبارح كنت قررت اجيب lancer 1600 واخلينى فى المضمون ولما دخلت على صفحها هنا فى المنتدى اتصدمت لانى لقيت ناس بتشتكى منها جدا وبيقولوا ان انتشارها ده موضوع ادمان وان سعرها مبالغ فيه جدا وان فيها عيوب كتيره فى العزل والتكييف والامان والصوت العالى و........
فبصراحة انا مبقتش عارف اجيب ايه. انا كل متطلباتى عربيه AT,1600 وشكلها حلو (لانى بصراحة مش بحب شكل ال lancer اوى) بس قبل ده كله توكيل محترم وعربيه يعتمد عليها لانى مش عاوز اجيب عربيه زيرو علشان ادوخ بيها والا كنت جبت مستعمل وخلاص.
فارجوا من الجميع اقتراح عربيه فى حدود 100000 وتكون AT,1600
ومحترمه علشان اخوكم محتار جدا جدا جدا
مهندس أحمد عبد الرحمن
أولا أحب أقولك على حاجة مهمة جدا
العربيات دي قرف ........... لو أنت مرتاح لعربية أتكل على الله و هاتها بعد ما تتأكد أنها كويسة
نيجي للجين 2
الجين 2 عربية كويسة و ثمنها رائع و أكثر من رائع لما تقدمه مقابل ذلك الثمن
و الموضوع مش موضوع كماليات بس
لاءة ده كماليات ........... و عوامل أمان ....... و شكل جميل ...... و فوق ده كله ......... موتور و أداء رائعين
عايزين نعرف كلمة إعتمادي ؟؟؟
عربية إعتمادية يعني مش بتعطل .......... مش بتغلب صاحبها ......... متقفش منك في وسط الطريق و تبقى عطلانة و أنت مش عارف تعمل أيه
بروتون جين 2 ظهر فيها عيوب تقفيل .....تقفيل فقط لا غير
و لم يظهر أي عيب في المحرك أو العفشة أو الأجزاء الميكانيكة التي تؤثر على عمل السيارة
يعني برضه عربية إعتمادية و خصوصا إن كل السمعة القديمة كانت على العربيات اللي أول ما نزلت من الموديل لأن المويدل الخاص بالجين 2 موديل عمره قصير في السوق و عمره حوالي 4 سنوات فقط
و أول موديل الخاص بسنة 2005 و 2006 كان بيظهر فيهم مشاكل تقفيل كتيرة و مشاكل التقفيل دي تتمثل في الآتي
أزرار تعلق نتيجة لوجود سلك فالت مش راكب كويس
زجاج كهرباء يعلق لنفس السبب
يعني حاجات من دي
إنما موتور و عفشة و أجزاء ميكانيكية ........... لم يشتكي منها أحد
طيب نيجي للمشاكل اللي ظهرت مع زملائنا و أخوانا في المنتدى أو غيرهم
دايما المشكلة هي اللي بتكون ظاهرة و الناس تتكلم عليها كتير
إنما أغلب من أشترو الجين 2 لم يظهر معهم مشاكل و هذا ليس نكران لوجود بعض الحالات التي ظهرت بها مشاكل في التقفيل
بس أنا زي ما بقول لحضرتك
دايما الصورة الوحشة تغطي على الحلو و خصوصا لما يكون الناس عايزة تشوف الوحش
بمعنى إن العربية جديدة و من ماركة مش مشهور في السوق و مش من بلد مشهورة بصناعة العربيات
فلذلك ... الناس بتشوف أي عيب على أنه شئ ثابت أو شئ منتشر و هو عكس ذلك
حضرتك برضه ممكن تدخل على مجموعة و نادي مالكي الجين 2 على الفاس بوك
و أدخل شوف تجارب الناس اللي ملكت العربية و أستعملتها لمدد طويلة خصوصا الناس اللي أشترت موديل 2006 و عاملين دلوقتي أكتر من 70 و 80 ألف كيلومتر بدون أي مشاكل تذكر
و في الآخر ربنا يوفقك لأختيار موفق سواء كانت الجين 2 أو غيرها مثل تويوتا أو ميتسوبيشي أو أي ماركة تانية محترمة
ده رابط للجروب بتاع نادي الجين 2 في مصر
http://www.facebook.com/home.php?ref...gid=2250603 689
اخى م/ احمد عبد الحمن
الاعتمادية زيى ماشرحهالك بالظبط الاخ توت
عموما انا لا اثق فى الاعتمادية لسبب بسيط انه عمر الشركة مازال صغير على ان الواحد يحكم على اعتماديتها
ثانى حاجة تجربتى مع الجين 2 قللت الثقة فى العربية شوية بس مافقدتهاش
والعربية وقفت منى قبل كده و مادراتش بسبب عيب فى المفتاح وده من وجهة نظرى عيب جوهرى فى العربية
موش معنى كده ان العربية وحشة بس دى وجهة نظرى انه لسه بدرى علشان اثق فى الاعتمادية بتاعة بروتون
انا شايف انه المبلغ اللى معاك ممكن يجيب جين 2 مستريح جدا و الشكل الجديد ان شاء الله او تجيب نيسان صنى حلوة برضه
و ماعرفش ليه مستخدمى اللانسر الـ 1600 متضايقين منها انا ركبتها كتير و شايفها عربية ممتازة بس سعرها مجنون جدا و مادفعهوش فيها ابدا
انا لا انصحك بعدم شراء جين 2 بالعكس ده انا فى نيتى اجيب الفيس لفت الجديدة كمان انما فى مقابل التعب و التعرض لبعض الاعطال الخفيفة هتاخد عربية حدوته فعلا و ممتعة فى قيادتها بشكل غير عادى و معاك شوية صاج محترمين على عوامل الامان اللى موجودة فى العربية تبقى انت كسبان عربية كويسة و بفلوس موش كتير
عايز راحة البال اشترى اى عربية يابانى بس موش هتاخد اداء الجين 2 الرياضى ابدا الا اذا جبت مازدا 3 او سوبارو امبريزا و شوف دول يطلعوا بكام
حضرتك جيبت الفايدة وده برده اللى انا فكرت فيه وخلانى اغير رأيى وماجيبتش جين2 لان بصراحة الواحد بيشترى عربية زيرو عشان مايدوخش على تصليحات وتظبيطات فيها والا كان جاب مستعمل ووفر فلوسه وكمان 90 الف دول مش شويةاقتباس:
توكيل محترم وعربيه يعتمد عليها لانى مش عاوز اجيب عربيه زيرو علشان ادوخ بيها والا كنت جبت مستعمل وخلاص
وحتى لو مشاكلها فقط فى التقفيل ولوان فيه ناس تانية اشتكت من اكتر من كده واسأل الاستاذ Som3aa فده برده مش شوية يعنى ايه اجيب عربية زيرو واحتمال كبير تظهر عيوب تقفيل ده اسمه كلام امال تبقى زيرو ازاى وبعدين عيوب التقفيل دى ممكن تجرجرنى لمشاكل اكبر زى ماحصل مع استاذ احمد صيام وبقاله شهور دايخ وكان الموضوع بادئ بعيوب تقفيل برده وفكوله التابلوه وبهدلوا العربية
لو حضرتك عايز تريح بالك هات حاجة مضمونة وربنا يوفقك
السلام عليكم
تقريبا دى اول مرة اشارك رغم انى مشترك من فترة فى المنتدى دة و بصراحه استفدت كتير منه خصوصا فى المقارنه و استطلاع رأى و تقرير ناس اللى اشتروا العربيه بصراحه مرجع اكثر من ممتاز المهم انا بردوا محتاج اجيب عربيه و بقالى تقريبا 6 شهور و مع الوقت اقرر اشترى عربيه من قراءة اغير رأى فى الأول قررت كنت محتار ما بين الماتريكس و الياريس و بعدين دخلت الأفيو بعديها ريست على الياريس لكن موضوع ال 1300 سىسى و صاج ضعيف خلانى اغير رأى و اتجه للأوبترا و النيسان صنى و بعدين وجدت البروتون جين 2 بصراحه روعه لدرجه روحت شوفتها فى المعرض شكلها و صاج و امكانيات و كماليات و جنوط و سعرها تحفه و فرحت لكن عيوب تقفيل و جوده الخامات اللى بسمع عنها كل شويه و كمان هى مش ضيقه و لا واسعه لكن لما قعدت و راء رأسى خبطت لكن مش ده معناه انها واطيه لكن معقول و فضلت مقتنع لحد ما شفت عربيتين فى المنطقه كان فتيس مانيوال مقشر فزعلت المهم فضلت ادور ما بين الماتيريا و ال sx4و الالفيات لينا لكن اسعار و قطع الغيار عاليع عليا لحد ما وصلت لكيا سيراتو المانيوال فول اوبشن بصراحه حلوة واسعه من جوة ماتورها قوى شكلها معقول و عفشه ناعمه و تقفيل نظيف و خامات جيده و تقييمها فى امريكا و المواقع و فى المنتدى كلهم بيتكلموا عنها حلو و سعر كويس غير ضمان و توكيل انا عارف انى طولت عليكم لكن حبيت اشارك
و شكرا لكل الأخوة اللى فى المنتدى
ياجماعة اسمحولي أعلق على موضوع التأفيل ده
أنا حاليا بدور على عربيه ولفيت كتير وقرأت كتير على النت وخدت بالي من حجتين مهمين
عربيات هيونداي اللي في نفس سعر الجين2 في مشاكل تافيل ظهرت مع ناس كتير بشكل مستمر وخصوصا في الحاجا اللي بتتركب في مصر زي السنتر ودي مشكله متكرر ومع ذلك الوكيل معملشي حاجة علشان يلغيها أنا أقصد انها حاجة الناس ممكن تقبلها
في المقابل جين2 فيها عوامل أمان مش موجودة ياجماعة في أي عربية في سعرها ودي من أهم الحاجات اللي لازم تؤخذ في الاعتبار واعتقد درجة الاهمية بتاعتها أعلى بكتير من مجرد مشاكل تقفيل ممكن حلها
أستاذ فتح الباب وأستاذ عبد الرحمن
أنا كنت فى نفس الحيرة بتاعتكم وبالفاعل كنت حجزت جين 2 أوتوماتيك
بس بصراحة حجتين خلونى غيرت رأيى وجبت أوبترا "مش لازم تبقى هى الأحسن بس محدش اشتكى فيها من عيوب كثيرة أو جوهريه على حد علمى"
أول حاجة اللى حصل مع استاذ أحمد صيام والغلبة والقرف اللى هوه كان فيه
أنا بصراحة مش مستعد انى اجيب عربية زيرو سعرها 94500 وأروح بيها التوكيل كل شوية حتى لو علشان عيوب تقفيل
السسب التانى هو سعر اعادة البيع "أنا نزلت سوق السيارات ولقيت أكثر من واحد بيبيعها والموديل كان 2006 والسعر المطلوب كان بيتراوح من 65000 الى 70000 وقابل للتفاوض
طبعا الواح مش بيجيب عربية جديدة علشان يبيعها علطوا بس افرض لأى سبب احتجت تبيعها هتلاقى نفسك خسرت مبلغ كبير وتعبت فى بيعها
اسف على الإطالة