عرض للطباعة
بسم الله الرحمن الرحيم .
عندى استفسار بخصوص نقل الملكيه والتجديد عشان انا متلخبط بصراحه :d
انا معايا توكيل شامل موثق من الشهر العقارى
وانا عايز اخلى الرخصه بإسم والدى واجدد عشان الرخصه هتنتهى فى شهر 11 الجاى إن شاء الله :)
فـ ايه اللى هيتم بالظبط وياريت لو التكلفه هتبقى كام كلها
شكراً :)
بالرخصة بتاعت العربية هاتروح الشهر العقاري الي في المرور وهاتنقل الملكية تقريبا من 400 الي 500 جنية رسوم النقل
وبعد كده هاتطلع علي المرور تجيب شهادة مخالفات وتدفع المخالفات الي علي العربية وتجيب ورق التجديد وتدفع ضريبة العربية السنوية وورق الفحص ويتحدد ليك ميعاد عشان الفحص
بالتوكيل اللى مع حضرتك تعمل عقد بيع للسيد الوالد علشان الرخصة تطلع بأسمه ، يا تجدد العربية تانى بأسم الللى بعلك ، وبخصوص الفلوس حسب موديل العربية وبلد الصنع
اقتباس:
المشاركة الأصلية كتبت بواسطة mmen3m
الشهر العقارى التابع له مرور الرخصه الحاليه ولا المرور انهى ؟
طب وبالنسبه للمرور اللى انا عايز انقل إليه مش هيطلب منى حاجه ؟
شهادة بيانات مثلاً او حاجه تانيه ؟
لانسر موديل 1999 !اقتباس:
المشاركة الأصلية كتبت بواسطة cdkareem
اي شهر عقاري تعمل عقد بيع لوالدك
شهاده البيانات حتحتاجها لو الرخصه منتهيه او لو مش رخصه(تصريح تسيير ملاكي) بس اصلا في الحاله دي مش حتعرف تعمل عقد لوالدك الا لما تجيب شهاده بيانات موجهه للشهر العقاري
لو رخصتك رخصه وساريه ومش تصريح متصدعش نفسك بالجزء اللي بالازرق ده
و تروح علي المرور اللي الرخصه عليه تجيب شهاده المخالفات ويا حظك بقي لو النيابه اتحرقت في الاحداث ويقولك روح هاتها وادفعها في الدراسه(انا حصل معايا كده في مرور حلوان)
وبعض المرور وانت بتنقل عليه بيقولك عاوز مطابقه بصمه فبدل ما تدب مشوار تاني للمرور ده اعمل مطابقه بصمه وانت هناك احتياطي
كده خلاص من المرور القديم(الحركه دي بعد موضوع سرقه العربيات الكتير في الفتره اللي فاتت ودلوقت)
حتروح علي المرور اللي تبع بطاقه والدك
و تشتري ملف فحص وتبدأ الاجراءات العاديه بتاعه تطليع الرخصه
فحص -تأمين اجباري-ضريبه
الخطوات دي مش حتتلخبط فيها لان حتلاقي الكل بيعملهم هناك و حتعمل زيهم
ملحوظه
لو اكتر من توكيل لازم كلهم يكونو معاك وانت بتبيع لوالدك في الشهر العقاري
انا عارف انك مش عاوز تجدد بأسم اللي باعلك
بس عموما علشان تعرف تجدد علي اسمه يكون التوكيل مكتوب فيه البيع للنفس والغير والتعامل مع المرور والترخيص
او لو بالكوسه بس برضو لازم صوره بطاقه اللي باعلك(برضو انا حصل معايا كده و الضابط عملهالي مجامله لحد لما اجيب صوره بطاقه الراجل اللي باعلي)
اقتباس:
المشاركة الأصلية كتبت بواسطة m_adeleid
طب تمام زى الفل الكلام ده كلهاقتباس:
المشاركة الأصلية كتبت بواسطة m_adeleid
الرخصه ساريه الحمد لله
بالنسبه للمخالفات انا عليا 43 جنيه فـ مش هتفرق بقى ولعت اتنيلت بنيله :d
تكلفة دول كام بقى :)
لا هو توكيل واحد بساقتباس:
فحص -تأمين اجباري-ضريبه
وبالنسبه لعمل التوكيل لوالدى لازم يبقى هو موجود ولا ينفع اعملهوله ولو نفع اعمله المرور برضوا لازم يبقى هو موجود ولا عادى ؟
والتوكيل مكتوب فيه التعامل مع كل البشريه اللى علي الارض :d
تسلم يامعلم علي الشرح الجامد ده والله ربنا يباركلك :)
هو دا الكلام التمام بالظبط اللى هتعمله :ma:اقتباس:
المشاركة الأصلية كتبت بواسطة m_adeleid
في حدود 330 ج السنةاقتباس:
تكلفة دول كام بقى :)
فحص -تأمين اجباري-ضريبه
والعقد 450 ج
تحت امرك يا سيد المعلميناقتباس:
المشاركة الأصلية كتبت بواسطة yasser.essam
الف شكر يا رجاله والله :)
بص بالترتيب كدة:
1- حتروح تعمل عقد مسجل عشان تنقل العربية باسمك فى الشهر العقارى وحتدفع حسب موديل ونوع العربية مثلا انا النترا 2007 دافع 1150
2- حتروح بعد كدة تعمل الفحص وتجدد الرخصة
لو حتنقل من مرور لمرور تانى يبقى حتعمل التالى
أ- حتروح تعمل الفحص للسيارة فى المرور الى انتا تابع لية وحتاخد ورقة الفحص الى عليها البصمة بعد كدة تطلع بيها على المرور التابع ليها العريبة عشان تعمل مطابقة بصمة واستعلام امنى وانتا فى نفس المرور حتدفع المخالفات وتاخد شهادة المخلفات
ب - ترجع لمرورك وتكمل بقيت اجراءات الفحص وتشيل النمر
ج - تمشى فى اجراءات تجديد الرخصة وتدفع تامين وتسلم النمر وتاخد النمر الجديدة وتعمل التجديد .... تكلفة التامين والترخيص حوالى 400 تقريبا فى السنة يعنى لو حتجدد سنتين يبقى 800 تقريبا
3- لو انتا نفس المرور يبقى حتعمل اجراءات الفحص والمخالفات والتجديد فى نفس المرور وبنفس الطريقة السابقة
لو عندك اى استفسار تانى انا تحت امرك