يعني اية العربية شرقت ؟

**Nistelrooy** · 08-10-2012 10:45 PM

بسم الله الرحمن الرحيم

السلام عليكم ورحمة الله وبركاته

هي العربية بتشرق زينا

روحت امون وقولت للراجل حط 20 لتر لقيتة حط 13 لتر ؟؟ بقولة ماكملتش لية !!

قالي انا فولت والعربية جابت اخرها والبنزين خرج برا ؟؟

انا قولت ازاي والعربية ماكنش فيها الا الربع !! دورت لقيت فعلا فاضل ربع وشوية ... قولت له لسة فاضل بتاع تلت التانك .. قالي يبقي العربية شرقت ؟؟

مافهمتش بقي !! ومشيت ولا هو مكسل يزود بنزين ولا اية بالظبط !!

**Totexxxxx** · 08-10-2012 11:34 PM

انا برده كنت بحط بنزين من كام يوم , وكنت واقف كالعاده جنب العامل وهو بيمون ولقيت بنزين بيتنطر من التنك بس كانو كميه قليله , فقلتله خلي بالك راح قايلي لا متخفش دي عربيتك بتشرق صح ؟ انا كنت مستعجل فقولته اه ساعات فقالي علشان كده , ولحد دلوقتي مش فاهم ايه الي حصل بالظبط

**Nistelrooy** · 09-10-2012 01:14 AM

نستني حد يكون عارف اية الموضوع :)

**ahmed legend** · 10-10-2012 09:41 PM

لما تدوس بنزين كتير او تكارك كتير كدة العربية تشرق

**MMamdouh** · 11-10-2012 03:25 PM

انا اعرف ان الموتور هو اللى بيشرق مش التانك

MMamdouh

**mbx4e** · 13-10-2012 04:04 PM

زور التانك قطره رفيع او فيه التفافات عشان كدا بينطر البنزين لما بيضخ بقوه اكبر عشان كدا بيسموها بتشرق لما تيجي تمون
اما لما العربيه بتشرق في الدواره دا نتيجه ان حد كارك زياده فالموتور شرق او غرق من فوق بالبنزين
ودول من المصطلحات والتشبيهات الخزعبليه اللي بتستخدم من قبل الناس اللي بتتعامل في العربيات

**Nistelrooy** · 13-10-2012 07:42 PM

لاء بدور عادي .. ومونت بعدها في مكان تاني وكان عادي خالص ..

**ahmed-moga** · 15-10-2012 06:57 AM

نفس اللي حصل معايا وانا راجع من الدفنه من مشوار طويل وكان في رمضان ويوم حر جدا والعربيه مليانه ناس بزياده والتانك علي نصه جت امون المسدس بتاع البنزين كل شويه يفصل والاقي البنزين وقع علي الأرض وكان لونه مصفر علي اخضر بنزين 92 فالشخص اللي بيمون قالي اول مره اشوف لانسر بتشرق كده قالته ده اكيد عيب في المسدس اللي عندكم قالي لأ لسه ممون للكيا اللي مشيت والمسدس معملش كده
ظني ممكن يكون المسدس فيه عطل وبيفصل او تانك البنزينه قرب يفضي او من درجة الحرارة المرتفعه من الشمس والجو خاصة ان جسم العربيه كان مولع نار فزود ضغط ودرجة بخر البنزين اللي في تانك العربيه واللي طالع للمسدس خلي المسدس اكن العربيه اتملت فبقي يفصل بس رحت مونت من بنزينه تانيه اكتر من 10 مرات بعدها بنفس المقدار وكان بالليل ومحصلش الموقف ده تاني