أجيب ريو ولا إيجاد قطع غيارها بعد كده هيسبب مشكلة ؟

**h_askalany** · 08-10-2012 11:56 PM

السلام عليكم
أنا كنت عايزة أجيب ريو بس خايفة من موضوع قطع غيارها لإن العربية مش منتشرة أوى ، لأن ده أول عربية لى _وطبعآ خبرتى محدودة جدآ بالعربيات -و ناوية العربية تظل معى فترة طويلة إن شاء الله ،فيا ترى هلاقى قطع غيارها بسهولة بعد فترة فى التوكيل و إذا لم يوجد به هل ممكن الاقيها بره بسهولة لأنى خايفة بعد فتره الموضوع ده يسبب مشكلة لى و أيهم ممكن تكون أكثر إنتشار فى موضوع قطع الغيار السيدان و لا الهاتشباك ولا مبتفرقش ، ولا أفكر فى حاجة تانية أحسن
وشكرآ وعذرآ للإطالة

**SaimOnatoR** · 09-10-2012 01:02 AM

في رأيي الشخصي طالما هتجيبيها زيرو يبقى مفيش خوف من الموضوع دة

**Tmhami** · 09-10-2012 09:54 AM

بالنسبه للشكل فأنا بعتقد أن الهاتشباك مناسبه أكتر ليكى لو مش محتاجه شنطه كبيره
بالنسبه لقطع الغيار أنا مسألتش بصراحه عليها بس الأكيد أن العربيه بدأت تنتشر و ده أكيد حيخلى فى توافر فى قطع الغيار
حاجه تانيه أعتقد كيا من الشركات المحترمه الى بتوفر قطع الغيار ( ده عن تجربتى للسيراتو 2008 الشكل القديم و دايما بلاقى كل حاجه أنا عايزها فى التوكيل لحد دلؤتى)

**h_askalany** · 09-10-2012 06:47 PM

شكرآ جدآ للردود ،،هو بس أنا كنت قلقانة من موضوع إنى ملاقيش قطع غيارها بعد فترة لأنى معنديش حد ممكن يقعد يلف لى على قطع الغيار زى ما بيحصل مع الناس اللى عرابياتها مش منتشرة علشان كده كنت حابة أطمن قل ما أجيبها

**h_askalany** · 09-10-2012 08:28 PM

فى إنتظار المزيد من الآراء :)

**temo85** · 09-10-2012 09:26 PM

بالنسبة لقطع غيار الكيا فهى منتشرة بشكل كبير سواء جديد او استيراد لا داعى للقلق من النقطة دى

**lenovo** · 09-10-2012 09:44 PM

في واحد زميل ( ولد) برده بيسال سوءال عن الريو ايهما افضل وكيل ولا خليجي .. ياريت حد يفيده !!!!

**h_askalany** · 09-10-2012 11:58 PM

معلش ممكن أسأل هو لو قررت أبيع بعد فترة طويلة إن شاء الله ، يا ترى سعر إعادة البيع هيفرق ما بين السيراتو (مثلآ) و الريو ولا الموضوع مش هيفرق لأن هيكون عدى فترة كبيرة على العربية

**Tmhami** · 10-10-2012 10:29 AM

موضوع سعر أعاده البيع أعتقد حيبقى كويس

أولا أن العربيه كيا و أكيد قطع غيارها حتكون موجوده و ده عامل مهم فى سعر أعاده البيع
ثانيا شوفى الكيا سيفيا و سبيكترا موجودين أزاى و برضه ليهم قطع غيار و كمان ليهم سعر أعاده بيع كويس

بس يمكن بالنسبه للريوالهاتشباك مع أنها أغلى فى الزير ومن السيدان بس ممكن تتباع أرخص من السيدان لو مستعمله ,للأسف ديه قواعد سوق المستعمل فى مصر

من رأيى سيبك من كل ده لو عاجباكى العربيه ديه أو أى عربيه تانيه هاتيها و خلاص علشان لو جيبتى عربيه أنتى مش عايزاها برضه حتبقى ماشيه و عينك على التانيه و مش حتكونى مبسوطه

**h_askalany** · 10-10-2012 08:31 PM

أولا متشكرة جدآ لردود حضرتك لأنها فادتنى
الحقيقة انا قرأت مواضيع حضرتك المتعلقة بريو ولفت نظر أن فى موزع معتمد لكيا قال لحضرتك بلاش الريو + المشاكل اللى حصلت مع romagti يا ترى ده مخوفش حضرتك ،،و يا ترى إيه اللى اقنعك بيها رغم الحاجات ده و ياريت تقولى أخبار العربية إيه معاك و معلش إنى بتقل على حضرتك لأنى خبرتى محدودة جدآآآآآآآآآآآآ و يعنى مش كل يوم هشترى عربية :) و خاصة إن ده أول عريبة لى فلو طلع فيها حاجة هزعل أوى :(