تقريباً موضوع جوان غطا التاكيهات اتحل و لكن تحت التجربة

**gassarian** · 09-10-2012 12:54 AM

أول إمبارح و أنا ماشي بالعربية لقتها قطعت تقطيعة بوجيهات فاصلة.......
المهم رحت للميكانيكي و بص عليها لقينا الزيت داخل من الجوان على البوجيهات ..........
المهم قال لي إنه في حل ليها عمله غير تغيير غطا التاكيهات بواحد نوبيرا وان ألومنيوم..........و هو إنه بيحط الجوان عادي خالص في الغطا الفيبر و بعدها بيعمل جوان تاني(حاجة زي فلّ كدة) عند الراجل بتاع الجوانات فوق الجوان و بيتلزق كويس على الجوان المطاطي الأصلي و بعدين باللزق الرصاصي العادي بيلزق الغطا و يربط عليه عادي خلاص و أخد في الموضوع ده كله و بسعر الجوان كمان 100 جنيه.........

هو بيقول لي خلاص كدة إنساااااااااااه

يا رب يصدق و أدينا بنجرب

أنا غيرت معاها البوجيهات و السلوك............بوجيهات ngk اتنين شمعة 80 جنيه و سلك البوجيهات و لكن مش الأصلي عشان كان غاااالي (150 جنيه تقريباً) و كان ب 40 جنيه

يا رب سلك البوجيهات ده ميكونش غلط على الموبينة

**som3a2** · 09-10-2012 05:06 AM

متابع عشان عندي نفس مشكلة غطا التاكيهات ده وعملته قبل كده وغيرت الجوان بواحد تاني بس معملش موضوع الفل ده .. قعدت ييجي 5 شهور كده ولا حاجه وجابت زيت بغباء تاني :(

**m.farouk** · 09-10-2012 12:02 PM

انا غيرت الوش البلستك وركبت الالمونيوم وبقلوا سنة ونص الحمد لله

**ashrafandarwa** · 09-10-2012 01:39 PM

المشاركة الأصلية كتبت بواسطة m.farouk

انا غيرت الوش البلستك وركبت الالمونيوم وبقلوا سنة ونص الحمد لله

هو الوش الالومنيوم بتاع نوبيرا 1 ينفع يركب مكان الوش الفبر بتاع نوبيرا 2 .... انا كان عندى نفس المشكله وسالت الميكانيكى " محمد عبده " افاد بان الوش الالومنيوم مينفعش مكان الوش الفيبر لاختلاف الفاتحات الخاصه بكل واحد منهم وقمت بشراء الوش الفبر جديد بالجوان وبعد اقل من 15000 كيلو بدء فى تسريب زيت جديد ؟؟؟؟؟