يا جماعة معقولة ده سعر اكصدام اوبل !!!!

الحمد لله الاكصدام الخلفي للاسترا موديل 2000 اتكسر في حادثة جامدة مش مشكلة ربنا يعوض قلت اجيب واحد استيراد طبعا وبلاش التايواني. كنت فاكرها سهلة. نزلت انهاردة عند الفرهدة وصلاح الدين وكل بتوع قطع غيار الاوبل في الاسكندرية المفاجاة بقى. الاكصدام الخلفي ده ناقص مفيش جديد تايواني خالص ولا مستعمل استيراد لقيت واحد بس بحالة جيدة مش واو يعني عند علي لادا (اللي هو رضا اللي عند باب 10) حط رجل على رجل وطلب 1500 جنيه ايون 1500 جنيه ومش عايز ينزل نص جنيه على بعض. السمكري بتاعي قالي تعالى نروح الحرفيين حنلاقيه هناك وارخص بكتيير دلوقتي المشوار ده حيكلفني حوالي 300 جنيه لاني حضطر اجر عربية لان العربية واقفة السؤال هو المشوار ده يستاهل ولا لا؟ على فكرة لقيت اكصدامات قدام بالهبل وبالفوجات ومن بقه اول كلمه 1000 جنيه تخيلوا الامامي 1500 والخلفي 1000 . اعمل ايه يا رجالة الاوبل حد يعرف سعره كام في الحرفيين؟

ايوه سعره غريب
و زميل لينا كان شاريه ب 1400 غير التركيب و حالته مش و لا بد برضوا

اللي فهمته انه ناقص في السوق انت عارفين طبعا ان الاسترا الاوروبي في منها كتير هاتش باك اكصدامها مينفعش مع السيدان. طناني باشا معلش المشوار جايب تمنه ولا اجيب اللي ب 1500 انا بصراحة خايف بكرة اروح الاقي اتباع لان كان النص على الونش لسة

بتاع التويوتا اللى بيقولوا ان قطع غيارها مرطرطة و رخيصة بيتكلموا في 1000 وبالعافية تاخده بـ 800
انا جبت الامامى 2001 بالشاسيه استيراد بسعر 800 وكمان بعد معاناااااااااااة وعادى ناس بتبيع القشرة الفبر بس ب700 وبيبقى محتاج رش ومخلع يعنى مش استيراد بمعنى الكلمة ، لا وكمان بقى بيبقى احتمال كبير متغير على العربية اللى جاية من برة ، يعنى مش اصلى بس في نفس الوقت مش تايوانى رديء فممكن تتخدع بسهولة

المهم يعنى انه طبيعى تسمع الارقام دى للاوبل وحسبى الله ونعم الوكيل وتحيا مصر !

طيب وليه كل دا !!
الـ 300 جنيه اللي هتأجر بيهم العربيه عشان تروح الحرفيين وممكن ماتشتريش
اديهم لحد بتاع ( فايبر ) يكون كويس وخليه يعملهولك من جديد ويترش ويبقي تمام
http://www.nileup.com//uploads/image...e5312efd3e.jpg

زي كدا

http://www.nileup.com//uploads/image...ebbe2a1d13.jpg

الشغل دا بتاع واحد اسمة بسام في الحرفيين

اقتباس:

---

المشاركة الأصلية كتبت بواسطة amrgamal1

طيب وليه كل دا !!
الـ 300 جنيه اللي هتأجر بيهم العربيه عشان تروح الحرفيين وممكن ماتشتريش
اديهم لحد بتاع ( فايبر ) يكون كويس وخليه يعملهولك من جديد ويترش ويبقي تمام

---

لا يا باشا انا عندي اتكسر في حادثة عفية شوية وحتى مش لاقي الربع اللي وقع طار مع الحادثة. السؤال بس اروح الحقة ابو 1500 ده ولا اروح مشوار الحرفيين لو رحت تمنه زائد ال 300 جنيه مصاريفه ارخص من 1500 وكمان بصراحة ابو 1500 ده حظي انه لون العربية بالظبط

اقتباس:

---

المشاركة الأصلية كتبت بواسطة mohamed khamis

لا يا باشا انا عندي اتكسر في حادثة عفية شوية وحتى مش لاقي الربع اللي وقع طار مع الحادثة. السؤال بس اروح الحقة ابو 1500 ده ولا اروح مشوار الحرفيين لو رحت تمنه زائد ال 300 جنيه مصاريفه ارخص من 1500 وكمان بصراحة ابو 1500 ده حظي انه لون العربية بالظبط

---

مانا فاهم
انا قصدي انك تصممة من جديد عند بتاع فايبر
انا عدلت المشاركة اللي فاتت و حطيت صور شوفها وهتفهم قصدي
بس بصراحة ك خامه مافيش احسن من الاصلي الاستيراد

هاته
الأسعار مش هتفرق كتير زى ما انت متخيل

حرام عليك هاتوا تايوانى طبعا. انا جايب واحد تايوانى لعربيتى من حوالى سنتين ب 400 جنية من غير فصال زى الفل.
دة طلع نزل اكصدام فيبر معمول علشان يمتص الصدمة وخلاص مش ميكانيكا يعنى.

اصل السمكري قالي تعالى نروح احرفيين حنجيبه من هناك ب 600 او 700 بكتيير فصراحة حسيت انه عايز يتفسح

اقتباس:

---

المشاركة الأصلية كتبت بواسطة mostafa.ismail

حرام عليك هاتوا تايوانى طبعا. انا جايب واحد تايوانى لعربيتى من حوالى سنتين ب 400 جنية من غير فصال زى الفل.
دة طلع نزل اكصدام فيبر معمول علشان يمتص الصدمة وخلاص مش ميكانيكا يعنى.

---

ما هو ياباشا انا مش لاقيت تايواني عندنا في الاسكندرية شح في السوق بشكل غريب رغم اني كنت سائل عليه من 6 شهور وكان مرترت

اقتباس:

---

المشاركة الأصلية كتبت بواسطة mohamed khamis

اصل السمكري قالي تعالى نروح احرفيين حنجيبه من هناك ب 600 او 700 بكتيير فصراحة حسيت انه عايز يتفسح

---

مفيش السعر ده
و ممكن تسأل بالتليفون
دى نمرة اسلام 01003016660

اكلمه دلوقتي يا باشا ولا تبقى قلة ذوق انا مش عارف انام والله من ساعتها

اقتباس:

---

المشاركة الأصلية كتبت بواسطة amrelsaqqa

بتاع التويوتا اللى بيقولوا ان قطع غيارها مرطرطة و رخيصة بيتكلموا في 1000 وبالعافية تاخده بـ 800
انا جبت الامامى 2001 بالشاسيه استيراد بسعر 800 وكمان بعد معاناااااااااااة وعادى ناس بتبيع القشرة الفبر بس ب700 وبيبقى محتاج رش ومخلع يعنى مش استيراد بمعنى الكلمة ، لا وكمان بقى بيبقى احتمال كبير متغير على العربية اللى جاية من برة ، يعنى مش اصلى بس في نفس الوقت مش تايوانى رديء فممكن تتخدع بسهولة

المهم يعنى انه طبيعى تسمع الارقام دى للاوبل وحسبى الله ونعم الوكيل وتحيا مصر !

---

عند حق
يقال ان قطع الغيار سعره كويس
بس بصراحة الي انا شايفه انها غالية خصوصا الاصلية ..

-علي لادا اصلا غالي قوي بتعامل معاه احيانا في بورسعيد بس مش باشتري وهو قاعد علشان العيال اللي عنده كلهم اصحابي وحبايبي مابيعرفوش يعملوا الواجب وهو قاعد
-انا لو مكانك مش هاخده منه ب1500ج بالشكل اللي وصفته لاني شخصيا مابحبش الاستغلال حتي لو هدفع اكتر في مكان تاني
-انزل الحرفيين وركز علي التايواني وشوف الاستيراد هناك كتير وهتلاقيه في حدود 1000ج

اقتباس:

---

المشاركة الأصلية كتبت بواسطة mohamed khamis

اكلمه دلوقتي يا باشا ولا تبقى قلة ذوق انا مش عارف انام والله من ساعتها

---

بص يا باشا خد نمره الراجل اللى بتعامل معاه فى الحرفيين واسأله الاول بالتليفون قبل متنزل من الاسكندريه ولو مرضيش يديلك السعر فى التليفون قله انا جايلك من طرف المهندس هانى بتاع ازاز العربيات اللى ف 6 اكتوبر الاوبل البيضا وهو راجل حاجته كويسه جدا اسمه محمد العمرى 01008999175

انا كنت جايب الامامى جديد من وطنية اللى فى الحرفيين بـ 450 من شهر تقريبا نوع ايطالى

والخلفى مفيش منه جديد كله استيراد وفى حدود 1000 جم هما اول كلامهم 1200 بس بينزل لـ 1000

وربنا يوفقك

طيب ايه رأيك
كيا اسبكترا 2003
اكصدام امامى بالشاسيه 1300 جنيه
كابوت 1000
شبكة 350

الاسترا ال1200 سى سى حاجتها اغلى من ال1600

انا الدينامو لما اتحرق ملقتش غير بتاع ال1600 و فى الاخر اضطريت اركبه و جبته من على لادا برضه

دى اوبل موديل 2000 وسعر قطع غيارها كده طيب لو موديل عالى يبقى ايه الكلام
عموما انا كنت بشترى اوبل ومتردد
وهاهو السبب كى امتنع تماما
وحتى مش هتفرج على اى اوبل على اى طريق
الله فى عونكم يا اوبلاويه

للأسف ٩٠٪ من الاستيراد هاتش باك من الموديل ده اسمع بدل ما تضرب مشوار على الفاضى اتصل بهانى العايدى وكام واحد اسأل الاول وفهمو انك جاى مخصوص حرام ٣٠٠ جنيه يترمو فى الارض

شكرا لكل الردود يا جماعة. انا امبارح كلمت حوالي 5 في الحرفيين 4 منهم قالوا مفيش اصلا والخامس ضرب سعر 1800!!!! المهم نزلت لفيت لفة تانية من الساعة 2 تقريبا اسكندرية كلها من اول العجمي لحد ميامي والله ولا واحد لقيت عنده الاكصدام ده. طبعا اضطريت اروح لعلي لادا في الاخر وكنت خايف ملقيش الاكصدام المهم بعد فصال ربع ساعة اخدته ب 1400 جنيه بس بصراحة اكصدام حلو مش ملحوم ولا مخبوط وكمان لون العربية فكده ممكن اكون وفرت تمن رشه. المشكلة بقى ان الحوامل بتاعته مش بتتباع لوحدها لانه متلرشمة في النص الخلفي بعد لف برضه لقيت واحد عنده طقم اصلي جي ام جديد ب 400 جنيه طبعا استكرتهم فاخدت الجنب البايظ بس ب 200 جنيه. بصوا هو قدر الله وما شاء فعل بس بصراحة انا بحمد ربنا اني لقيت الحاجات لان السمكري واقف عليها وبقالنا 4 ايام عاملين بندور والعربية واقفة عنده. بكرر شكري لكل الزملاء اللي ردوا وانا اسف لو عملت لبعض الناس احباط من الاوبل بس بصراحة اللي يخليني انزل والف كده على حاجتها الاصلي يدل ان بحترم العربية دي اوي وبجد تمنها فيها لو تبص على الاكصدام وتقارنه باي اكصدام لعربية كوري مع احترامي طبعا تحس انك دافع فلوس في حاجة تستاهل. ربنا مع الكل والسلام عليكم

اقتباس:

---

المشاركة الأصلية كتبت بواسطة فتح الباب

دى اوبل موديل 2000 وسعر قطع غيارها كده طيب لو موديل عالى يبقى ايه الكلام
عموما انا كنت بشترى اوبل ومتردد
وهاهو السبب كى امتنع تماما
وحتى مش هتفرج على اى اوبل على اى طريق
الله فى عونكم يا اوبلاويه

---

مستوردين قطع الغيار جهله وحراميه منتظر ايه سعاتك في بلد مستهلكه زينا هنا في مصر
وبعدين فرق شاسع بين الاوبل (العربيات الاوروبي ) واي عربيات تاني
جرب تركب وانت تعرف الفرق
> غير كدا هتلاقي سوق قطع الغيار يايقرفك يايسرقك
سوا جديد ولا مستعمل (استيراد)
عارف اكصدامات المرسيدس 2003 c 180 بكام ؟
5000 استيراد

ياريت يا شباب لو حد اشترى حاجة استيراد من مكان كويس يبقى يعلن عنه للكل