ازاى اعرف ان العفشة عايزة تتربط ؟ و المفروض كل اد ايه ؟
انا حاطط نيتروجين 28 ادام و 30 خلفى بس ثبات العربية كويس و مفيش اصوات باسمعها من العفشة فى المطبات بس مش ناعمه فى المطبات
عرض للطباعة
ازاى اعرف ان العفشة عايزة تتربط ؟ و المفروض كل اد ايه ؟
انا حاطط نيتروجين 28 ادام و 30 خلفى بس ثبات العربية كويس و مفيش اصوات باسمعها من العفشة فى المطبات بس مش ناعمه فى المطبات
انا مش بستريح فى الضغط بتاعك بصراحة وبالنسبة لى بظبط امامى 32
امامي 32 ؟؟؟
29 امامى و 32 خلفى زى المصنع ما بيقول
متابع
لانى عندى مشكلة فى العفشة و بسمع صوت خبت فى المطبات ؟؟
:khd: ............... ايوه :vctry:
32 امامى و 29 خلفى زى التوكيل ما بيقول ... وخود واحدة انت كمان عشان بحبك :khd:
...............
الحقيقة 32 امامى انا بلاحظ خفة فى الدركسيون ... ردة الدركسيون اسرع فى الملفات .. سحب العربية بحس انه افضل
والفروقات بسيطة ومش مؤثرة على حاجة .. لكن بتفرق باحساس كل واحد مع العربية
العربية مكتوب على بابها 29 قدام و 32 خلفى ....... لكن 32 قدام ده هيبقى صعب اوى ....... خلينا نمشى زى اللى صنعها ما قال احسن
انتو سبتو الموضوع الاساسي ودخلتو ف مواضيع فرعيه
أنا عامل كله 30
احنا بنربط العفشة فى الصيانات كل 5000 كيلو علشان تبقى فى الامان وممكن لا تحتاج تربيط
لكن هى بتفرق بين كل واحد والطرق اللى بيمشى فيها
يعنى لو واحد الطرق اللى بيمشى فيها ممهدة كل فين وفين لما تحتاج العفشة انها تتربط
لكن مطبات وحفر والشغل دة يبقى لازم تواظب على تربيط العفشة
وكدة كدة هى مرتبطة بكذا حاجة يعنى سواء صيانة او زوايا كلها بيتربط فيها العفشة
وفى اى بنزينة ب 10 جنيه
أنا لسه مربط عفشه إمبارح ب10 جنيه عند بتاع ظبط الزوايا
هيا العربيه عفشتها كويسه بس لزياده الامان نربط عفشتنا كل 5 او 6 آلاف كيلو كده أو كل ما تحس إن العربيه بتلعب منك ف السكه
موضوع نعومة العفشه انا معاك ان العربيه لما بتبقى جديده بتبقى العفشه حرير و ده يرجع لنوع الكاوتش
الباروم ده نوع اى كلام و على فكره انا عندى فرده باظط رحت مركبلها شنبر و نزلت الاستبن و تصدقو ان العفشه نعمت جدا لمجرد انى ركبت الفرده الجديده و ده يدل على ان نوع الكاوتش بيفرق فى احساسك بالمطب
بالملخص لما ربنا يكرم و تغير كاوتشك لنوع تانى غير الباروم ده هتعرف ان عفشتك تمام ان شاء الله
و انا ناوى على بريدجستون تورانزا ان شاء الله و موضوع تربيط العفشه كل خمس الاف تشييك و كمان ربط قواعد الموتور فى الحوض اللى على ايدك الشمال لما تكون واقف امام العربيه هتفرق و كمان المساعدين الامامى و الخلفى من تحت و ماتكتفيش بالمفصات بس
و اخيرا سيبك من كلام التوكيل و خليك فى كلام المصنه 29 امامى و 32 خلفى و ده محسوب لوزن العربيه و نوع الطرق اللى بتمشى فيها
التوكيل ساعات بيفتكس حاجات غريبه
الف الف شكر لكل الناس اللي ردت واللي بجد مش بيبخلو علينا باي معلومه .. ان شاء الله هوديها اربط العفشه واظبط زوايا لان ليها فتره طويله معملتهاش
والحمد لله علي نعمه اللوجان
النشفان ملوش علاقة بتربيط العفشة