نسور الجو - قروش البحر - وحوش البر
رجالة الدايو
تحية طيبة وبعد
عندى استفسارين كل واحد اهبل من التانى
الاستفسار الاول العربية عندى سحبها بقى طييييييييييييييييييييييين بالاضافة انى لازم اسايس العربية بشكل مبالغ فيه - فى بداية الحركة ////// وأوقات لما اقرص على العربية ال RPM يعلى مره واحده زى ما يكون انا دايس على الدبرياج
هل فى رأيكم كده انا محتاج انى اغير أسطوانه وديسك ولا لأ :F_eyeb1[1]: - مع العلم ان الاسطوانه والديسك تقريبا متغيرينا من 70.000 كيلو أو أكثر شوية
وفى حالة التغيير يا ريت احسن حاجة أجيبها ايه ومكان الشراء والسعر
.
ثانيا
الحمد لله رب العالمين بعد خراب بيتى رسميا وصلت ان الموتور صوته بقى واطى - قلت بالمره أغير سيور وسير كاتينه وبلية تكييف وبلية كاتينة - والنتيجة فعلا ان العربية بقى صوتها هادى جدااااااااااااااااا
أسكت - طبعا لأ - لازم ابوظ اللى انا عملته
روحت زى الباشا غسلت العربية واتنيلت غسلت الموتور - والنتيجة طبعا معروفة بقيت راكب 128 شكمانها مخروم -
الوصف كالتالى - صوت زى صوت احتكاك حاجة بصفاره - زى ما يكون روان بلى فرط وبيحك حديد فى حديد
طبعا انا قلت انها ممكن تكون سيور أو الدينامو أو بلية الكاتينة أو بلية التكييف أو ..................... كل الكلام ده فشل وصوت الموتور زى ما هو - قلت اسيب الموتور شويه يمكن يظبط - بقالى 5000 كيلو على الحال ده ولسه الصوت زى ما هو واللى زود الطين بله ان العربية بقيت بحس انها مش مظبوطه
حد عنده أى اقتراحات او تخمين علشان لما اروح للميكانيكى يخرب بيتى صح