الموضوع: هيا الكراسي الرياضية مريحة ... حد جرب ال Recaro

المشاركة الأصلية كتبت بواسطة Axel

للأسف هي مش في القعدة بتكون ناشفة و فيه ناس بتجيبها و تعملها زي فرش بحيث تبقي اريح شوية و شكل رياضي في نفس الوقت لاحظ اني بتكلم ع المضروب اللي بيبدأ من 1200 للطقم
اما الاصلي فالاستيراد ممكن يدخل في حوالي 2500-3000 ج فما بالك الجديد لكن طبعا بيكون مريح و يتمتع بكل المميزات و اشهر الانواع ريكارو و سباركو

ميزة الكراسي السبور بشكل عام لو حضرتك شخص بيشد دايما وغرز و جري الكراسي ديه بتكتفك مكانك بسبب تصميمها ده غير الاحزمة المزودة بها فبتكون ثابت حتي لو عملت ايه بالعربية
بس لو الشخص مليان شوية هيضايق جدااااا في القعدة محتاجة شخص رفيع او وسط يقدر يقعد فيها مرتاح

فاللي هتشتريه من هنا و سعره رخيص تقدر تعتبره منظر اكتر من الراحة

اما بخصوص الكراسي عندك ممكن تشدها عند واحد كويس و تظبطها لو فيها مشكلة في الفرش و الحشو اما لو تزييق بس يا ريس حبة زيت او wd-40 و اتعامل و انساها ههههههههه

[][/]

المشكلة يا اكسيل باشا انا فكيت الكرسي ده ١٣ مرة وبرضو مفيش فايدة حتى التوكيل ابو رواش قالي هعملك فيه محاولة ان صابت هاخود منك ١٦٠ جنية وان مصابيتش هاخود منك ٦٠ جنية سعات عمل قلتلوا ياعم خود الي انتا عاوز بس حلهالي وحلها فعلاً مفيش اسبوع ورجع الصوت يزيق تاني

حتى w40 بقيت اعطر العربية بيه ولا ملطف الجو. وبرضو مفيش فايدة مشكلة الوزن. مع الحفر مع باين ان الشاسية صدى خلى صوت التزيق مزعج جداً. نفس التزيق بتاع عربيات الترامكو

الا هو ممكن اجيب كرسي عربية بي ام استيراد واركبوا على اليارس. ولا فتحات المسامير والميجر بتاعت الكرسي مختلفة !