متابع
وههريك أسئلة بس لما تخلص
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
اصدقائي و احبائي ...... هيا نكمل ما بداناههذه بعض ترجمة الاختصارات للعلم
[justify]
اتكلمنا في الموضوع السابق عن تعريف ادوات التشخيص بوجه عام .. النهارده هنديق الحلقة شوية و هنتكلم على ادوات الفحص لمجموعة فولكس .
[/justify]ما هي اسماء الادوات دي :
[justify]
1- KKL vag 409 و ده نوع خاص بالقرائة و التشخيص و برمجة بعض الاجزاء المحدوده جدا على كنترول العربية و ده الدارج استخدامه بين الفنين المبتداين و اصحاب السيارات انفسهم .
طيب الكيبل ده بيشتغل
[/justify]على بروتوكلات معينة .. يعني ايه برتوكل ؟؟
[justify]
[justify]
البرتكول ده هنوصفة على سبيل المثال لما والدك يديلك فلوس و يقول روح هاتلي كيس لب ابيض من عند مقلة ام سامية اللي في اخر الشارع (والدك كدا هو المستخدم اللي معاه جهاز الفحص) و حضرتك هتكون الناقل من و الي (اللي هو الكيبل) البرتوكول هنا فين بقا ؟؟؟ ان حضرتك لو مالقتش المقلة فاتحة او معندهاش لب ابيض مخك هيدي امر انك تدور على مقلة تانية او ترجع لوالدك تقولة المقلة قافلة او مافيهاش لب ابيض (و ترجع تقول لوالدك انك اشتريت بالفلوس بيبس) .. ههههههههه
طيب هنا حد هيقولي هو جهاز الفحص كان فين دورة في المثال السابقة .. الاجابة هي ان جهاز الفحص هو الكلام او الامر اللي خرج من فاه والدك و ده كان القصد اني اعطي المثال السابق
المثال السابقة بيقول ان البروتوكول هو طريقة المعالجه للبيانت الداخلة و الخارجه من و الي كمبيوتر العربية ...
شركة فولكس فاجن زي ما كلنا عارفين كل يوم بتطلع باداه جديدة علشان تسهل على نفسها التكنلوجيا الجديدة اللي بتبتكرها .. لما تيجي تركز معاهم هتكره نفسك .. لان مخك فعلاً هيهنج من التعقديات اللي بيصنعوها سواء في تكنولجيا كمبيوتر المحركات او ادوات الصيانة الخاصة بها
بصراحة انا مش اسردها كلها مره واحده و لكن هدي فكرة بس عنها لانها كتيرة جدا جدا و لكن انا هذكر منها فقط المهم لينا و الباقي سياجل و الى ان يشاء الله .
[/justify]
[/justify]انواع البروتوكلات :
[justify]
ISO/KWP, VPW, PMW- و ظيفة كل واحد فيها هو كيفية المحاكاة مع كمبيوتر العربية و التعامل معه عن طريق الاضافة و المسح و البرمجة ..... الخ (الكيبل kkl يحتوي على كل هذه البروتوكلات) لكنه محدود الامكانيات يعني أه فيه كل البروتكولات المذكورة لكن يبرمج مثلا كل حاجه ..؟ لا ... ليه ؟؟ لان الناقل هو اللي بيتحكم في موضوع انه يعمل كل حاجه (برمجة .. الخ) على فكرة فيه بروتكولات تانية و لكن لن نتطرق الي ذكرها كفاية علينا الحاجه اللي هنستخدمها لو اشترينا في يوم من الايام كيبلات .
طيب احنا ازاي هنعرف وظيفة كل كيبل مع اي بروتوكول هيشتغل .. ؟؟! ببساطة شديدة اننا هنوصف كل كيبل على اساس الناقل .
و الناقل هو الوسيط بين المستخدم وواجهة السيارة و بين واجهة السبارة و الكمبيوتر (اللي هي الدفيرة السلك منك لحد فيشة الفحص ، و بين فيشة العربية و الكمبيوتر بتعاها ) اللي هما :
- K-line و ده اللي مجود تقريبا في معظم الكيبلات و السيارات حتى سنة الصنع 2006 في مجموعة فولكس و يستخدم نوعية الكيبلات Kll-usb في داخل هذا الكيبل شيب خاصة للعمل على التحكم العادي من قرائة و مسح للاعطال فقط و بعض البرمجه الخفيفة . و يستخدم البروتكولات ISO/KWP, VPW, PMW-
- Can bus و ده اللي موجود في العربيات الجديدة من بعد 2006 الى الان (ملحوظة صغيرة : ان في ناس من اللي عارفين الكلام ده هيقوللولي ياعم الحاج مهو لسه في استخدام k-line شغال في العربيات الحديثة بردوا .هقوله ان فيه 50 ناقل محدش يعرف اسمائهم غير الله واحده و شركة فولكس و الناس الي عارفة و قارية طبعاً) و يستخدم هذا النوع من البروتكولات نوع micro-can و هو يقوم بنفس عمل الكيبل kll و لكن بطريقة متطورة و محدثة عن سابقة من الكيبلات . لا يستخدم ISO/KWP, VPW, PMW- و لكن يستطيع التعامل معاها ان وجد .
- K + can يستخدم الطريقتين السابقتين معاً
- Hex-can و ده وظيفته انه يحتوي على eprom chip تقوم بالمحاكة مع كمبيوتر العربية في مناطق اكثر خطورة كبرمجة عقل ناقل الحركة و وحدات التحكم في بوابة الحقن و ظبط المعايير ...... الخ و ده بيبرمج اي عربية صنعتها شركة فولكس تحتوي على CAN bus او الموصل من نوع CAN ، لا يستخدم ISO/KWP, VPW, PMW- و لكن يستطيع التعامل معاها ان وجد .
[/justify]-
يستخدم هذا البروتوكول نوع من الكيبلات يسمى HEX+CAN Series .
اللي عاوز يعرف اكتر علي الكيبلات دي يتفضل لدخول الموقع الاكثر من رائع Ross-tech.com
ملحوظات مهمة للشرح السابق و اختصارات للحروف الانجليزية الرمزية :
Kl -- K-Line Electric Trains
Can -- controller area network
Hex– باللاتينة تعني النظام السادس عشر (اي ان هذا الناقل يستخدم نظام السادس عشر في معالجة النقل)
و الي ان نكمل باقي الشرح في الحلقة القادمة ان شاء الله .. اعزروني لديق الوقت و لانشغالي الشديد
SEAT SERVICES
[shfaf2]http://nileup.com/up/uploads/nilemotors_13794850301.jpg[/shfaf2]
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
متابع
وههريك أسئلة بس لما تخلص
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
my best friend , i know well that you are in duty and very busy with you forign technician ,, i am just kidding ..
me and our friends here in the SEAT section appreciate that you are not able to ....... as fine with us , but i consider that ... like you are between us , take it easy man , and get your freak on
just read & follow my subject plz
SEAT SERVICES
[shfaf2]http://nileup.com/up/uploads/nilemotors_13794850301.jpg[/shfaf2]
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
باختصار انا لولا الناس اللى فى القسم ده انا كان زمانى بعت العربية
الله ينور وانا بصراحة كنت بحاول أتعمق فى موضوع البرمجة ده وبالفعل عملت داونلود للسوفت وير من Ross Tech بس لسه مجيبتش الكابل
بس بجد مجهود متميز
رقم العضوية : 31716
تاريخ التسجيل : 01Feb2009
المشاركات : 1,121
النوع : ذكر
الاقامة : المنصورة
السيارة: باسات 98
السيارة[2]: اودى a4
دراجة بخارية: لا يوجد
الحالة :
تمام يا باشا و مستنيين الكورس كامل بالاكواد عشان نجيب الكابل و نمسح الاخطاء بنفسنا من الكومبيوتر
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
اصدقائي ..لنكمل ما بداناه
اتعرفنا في الجزء الاول على ادوات الفحص و هي ايه و بتشتغل ازاي ، اما في الجزء التاني اتكلمنا على انواع الكيبلات و البرتوكولات و عرفنا ان لكل موديل كيبل و ان لكل كيبل طريقة ينقل بيها البيانات من الفاحص (الفني)الى كمبيوتر العربية و العكس .
و اتفقنا ان لكل موديل نوعية كيبلات و ان لكل موديل نوع برتوكول او اكثر على حسب هندسة و طريقة صناعة الكنترول .
في الجزء ده هنتكلم عن اهم حاجه و هي :
كيفية قرائة الاعطال :
الموضوع ده مهم جدا يا جماعة .. لاحظت رود بعض اصدقائي منتظرين شرح الاكواد و اني هفسرها لهم كلها في درس ...!!!
استغربت بشدة .. قلت معقولة هشرحلهم 17000 الف كود ؟؟؟؟؟ ده انا علشان افسر الاكواد دي عاوزلي منتدى لوحدى و عاوز على الاقل ما لا يقل عن 500فرد بس يسجلولي الاكواد .. ههههههههههههههههههه
في الحقيقة انا لن ابخل عليكم بعملومة و لكن ابسط حاجه هقدر اقدمها هو اني اديكم الموقع العملاق ross-tech و هو فيه كل الاكواد اللي ممكن تظهر عندك على اي وسيلة من وسائل الفحص سواء كانت (أداه مدمجة ) او (سوفت على اللاب توب ) الاكواد اللي هتظهر على الشاشة اثناء الفحص .. ممكن حضرتك تسجلها في ورقة او تعمل frizz screen و بعد كدا تروح على الموقع ، تفتح الصفحة ، تختار كلمة WiKiهتلاقي جدول في الصفحة هتختار منها fault code هتفتحلك صفحة فيها مالايقل عن 200 صفحة اكواد .
نيجي بقا لموضعنا الاهم ، زي ما احنا عارفين ان شركة VW شركة مش سهلة ..كفاية انها صنعت موتور اسرع عربية في العالم اللي هي (البوجاتي) الشركة دي عملت جهاز فحص خاص بيها اسمه (vas 5052a) الجهاز ده يا جماعة غالي طبعاً تمنة تقريبا 80000 جنيه مصري . الجهاز ده بيشتغل على اي واجهة لاي موديل لاي بروتوكول و يعمل بطريقة الاتصال (wifi & Bluetooth) و الكيبل الخاص بيه اللي بيشبك على السيارة هو عبارة عن قطعة بلاستكية و فيها (ارسال و استقبال) بالخواص السالف ذكرها .
و لذلك تلاقي الكيبلات و ادوات الفحص الرخيصة تعمل فحص لاي سيارة ... انما لعائلة فولكس لا ، بس ده مش معناه ان ادوات الفحص بتاعة فولكس غالية ... اللي اقصدة ان اجهزة الفحص الخاصة بفولكس زي المثل المصري اللي بيقول (زي الفريك مايحبش شريك) و معناه ان فيه ادوات رخيصة بردوا بس لا تفحص غير الفولكس فقط .
طبعاً الادوات دي تباع على النترنت و فيه منها اللي بيتباع في مصر .. انا مبحبش السوق المصري في البيع و الشراء لاني اسف اني اقول هذا الكلام في موضوعي بس لابد منه حتى تعم الفائده ........... متستغربوش ان بذم فينا كشعب و ارجع اقول حتى تعم الفائده .... احنا كشعب مصري بنحب الاونطة و الشغل اللي مش مظبوط ، بتلاقي التاجر يسافر الصين يجيب كبلات ام ترتر و يجي و يقولك دي بتاعة فحص و يبعهالك بـ 150 او 200 و هي في الصين تمنها اقسم بالله العظيم 6.5$ .... محدش يقولي ده لسه فيه جمرك .. انا مش هتكلم .. افهموها انتوا بقا .
نرجع للموضوع احسن ....اللي معاه سيات /فولكس/اودي/سكودا الكيبل اللي هيجيبة لازم يكون ياما من موقع ross-tech نفسه ... او لو هيجيبه من المواقع الصينية يبقا لازم يتاكد منهم قبل ما يشترية انه يحتوي على (chip FT232RL) و محدش يسال ده ايه لان الشباية دي حوارها كبير ، كل اللي اقدر اقوله ان الشيباية دي مخصوصة لقراءة و ترجمة اعطال الفولكس بصفة خاصة ، طبعا الكيبل بيجي مقفول عبارة عن وصلة usbو الجهة الاخرى الانترفيس بتاع العربية ، فلابد من التاكد من البائع على الانترنت او في مصر من ان الكيبل يحتوي على هذا الرقم و لو هتشترية من مصر لو ينفع تفكه و تشوف فكه .لكن لما بتشترية من ع النت بيكون فيه مجال احسن و ناس فاهمة و فنيين بيجاوبوا على اي سؤال .
بعد ما بتشتري الكيبل العادي اللي هو بيفحص و يقرا العطل و يمسحة اللي هو نوعة KKL VAG 409.1 و ده طبعاً الكيبل المتاح للمبتداين بتنزل برنامج اسمه VCDS من موقع ross و بعد كدا بتوصل الكيبل و بيتبدي تعمل فحص و قرائة العطل .
ملحوظة مهمة جدا :يجب عند توصيل الكيبل ما تكونش في وضع الاستعداد تشغيل السيارة يعني متلفش المفتاح و تشغل المحرك او تشغل على وضع الاستعداد ، ولما تيجي تشيل الكيبل لازم تتاكد من ان الكونتاك مش على وضع الاستعداد .
الحاجه التانية لما تيجي تفحص لاداعي لادارة المحرك فقط قم بإدارة المفتاح لوضعية الاستعداد .
طيب ناخد مثال عملي و ممكن تطبقوه عندكو على الموقع :
ظهر عندي (دي حقيقة)يعني حصل فعلا في عربيتي ليون موديل 2004 سعة المحرك 1.8و انا حبيت احط المواصفات مش منظرة مني لكن عاوز اقول ان العطل ممكن يظهر في اودي A3 موديل 2002 و موتورها 1.8 تقريبا العربيتين السابق ذكرهم نفس الموتور ، لما وصلت العربية على اللاب توب و فحصت ظهر كود العطل التالي :
17536/P1128/004392 - Fuel Trim; Bank 1 (Mult): System too Lean
ايه سبب المشكلة دي ؟؟؟
لما دخلت على الموقع و دولت على العطل اداني اسبابه ، و طريقة الاصلاح
كانت اسباب حدوثه :
Possible Causes
- Mass Air Flow (MAF) Sensor faulty
- Oxygen Sensor Control faulty
§ Oxygen Sensor(s) faulty
- Fuel Injector(s) faulty
يعني ايه الكلام ده ؟؟؟
يعني الراجل بيقولك احتمال العطل ده ظهر عندك نتيجة ان :
- عطل في حساس دفق الهواء (اللي موجود بعد فلتر الهوا)
- حساس الاكسجين و طبعاً عارفين مكانه موجود قبل علبة البيئة .
- عطب في عقن الوقود .
طيب يعني هنعمل ايه يا عم الحاج في المشكلة دي هنصلحها ازاي .. براحة الموقع مخلاش حاجه مديلك ياعم الحاج العطل و طريقة الاصلاح ، و لو حتى مش انت اللي هتصلح و الميكانيكي هو اللي هينولة الشرف ... يبقا كدا انت عارف رايح عند مين .. هتعمل ايه .. و انت فاهم .
و ادي طريقة الاصلاح :
Possible Solutions
Check Mass Air Flow (MAF) Sensor
Check Oxygen Sensor Control
§ Check Oxygen Sensor(s)
Check Fuel Injector(s)
هو من الاخر بيقولك افحص و جرب
حساس تدفق الهواء - يعني تنظفقه بمنظف جاف
حساس الاكسجين – يعني تجرب واحد تاني
وحدة الحقن - يعني تنضفها و تلمعها و تروقها .
ملحوظة مهمة للجميع :انا برىء من اي حد يشتري كيبل فحص بعيد عن معلوماتي اللي ذكرتها في الاعلى .
و برىيء من اي طريقة فحص خاطئة ، او عطل يظهر في اي عربية نتيجة ذلك و الله على ما اقول شهيد ، علشان محدش يدعي عليا و يقول هو السبب .الله يرضى عني و عنكم
و الى لقاء اخر ان شاء الله
SEAT SERVICES
[shfaf2]http://nileup.com/up/uploads/nilemotors_13794850301.jpg[/shfaf2]
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
[justify]
حماسك يفرح و في نفس الوقت يخوف ....
اولاً بشكرك لقراءة الموضوع ... ان شاء الله هتقرا الشرح كامل و تفهمه و بعد كدا تنفذ عملي .. اما عن الاكواد فهي على الموقع كما ذكرت في الشرح السابق ،
بالنسبة لشراء الكبل علشان تمسح الاخطأ .. الاهم من المسح انك تتعلم العطل ظهر ليه و يتحل ازاي .. اغلبية الناس فاكرة ان الكيبل مهم وجوده مع الشخص اللي عنده عربية علشان اول ما لمبة check تونر اروح انا زي المعلم مطلع الكيبل من جيبي ماسح الخطا و سلام عليكم ..
القصد من الدرس التعليمي ده اني ابقا فني فحص .. اعرف ازاي اشخص العطل ، و بعد الاصلاح اروح عامل مسح للكود علشان لو ظهر عطل جديد او لسه المشكلة ما اتحلتش ادي فرصة للمبة check تنور علشان اعرف يا ترى نفس العطل القديم ولا فيه اعطال تانية ظهرت ؟؟؟؟
مش كده ولا ايه يا باشا ؟؟
[/justify]
SEAT SERVICES
[shfaf2]http://nileup.com/up/uploads/nilemotors_13794850301.jpg[/shfaf2]
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
اصدقائي و احبائي قسم السيات
السلام عليكم و رحمة الله و بركاته ،
طبعاً من تاريخ اخر مشاركة شايف الناس مستنية ، و احتمال يكون محدش فاهم الرغي اللي انا كاتبه اصلا .. ههههههههههههههههه علشان كدا محدش مشارك ..
لكن اسأل الله تعالى ان الناس اللي مافهمتش انها تفهم عن طريق طرح الاسئلة في نهاية الشرح
هنكمل النهاردة اخر جزء في شرح الموضوع ، انا عارف ان الشرح مش كفاية و ان الموضوع ملموم حبتين و ده لان الشرح التفصيلي محتاج وقت كبير جدا و محتاك ناس تساعد ، لكن انا حبيت اقتصر الموضوع على الناس و اعطيهم فقط اللي يحتاجوة علشان يبدئوا يستخدموا لو كان كيبل او جهاز مدمج .. الخ
هنكمل النهارده اخر جزء في الشرح و لو رجعنا مع بعض نفتكر في الدروس السابقة .. عن البرتوكلات و انواع الكيبلات المستخدمة و الفرق بينهم
دلوقتي فيه ناس بتقول ياعم انت هتكروتنا و هتخلص الشرح و لسه فيه كتير اوي ما فهمنهوش
- البرنامج عاوزين شرح له و عاوزن كيفية استخدامه .
- ايه الكيبل اللي نشتريه و نبتدي نتعلم عليه .
- هنشخص العطل ازاي و نبتدي نتعامل معاه .
الى اخره من الاسئلة ..
صراحة انا هنهي معاكم الشرح على الجزء المتبقي و هنخلي الناس تسال و اللي عنده اي استشارة انا جاهز للرد عليه و بكدا الموضوع هيكون متكامل . انا شايف ده هيكون احسن
وطبعاً زي ما احنا عارفين لو حتى الشرح كان متكامل اكيد هيتنسي لو مافيش حاجه عملية نقدر اننا نشتغل عليها ،
لنكمل الشرح :
المره اللي فاتت اخدنا مثال على عطل معين و عرفينا انه لما البرنماج هيدينا معطيات العطل هناخد نسخه من الرقم اللي طلع و نجري نفتح موقع ross-tech و نبتدي نجيب نتفحص الاكواد الى ان يتطابق العطل اللي معانا مع العطل اللي موجود في الموقع
بعد كدة هنشوف ايه اسباب حدوث العطل و دي الخدمة اللي بيقدمها لنا موقع ross-tech و هيدينا كمان طرق الحل المناسبة
- دلوقتي افترضنا جدلا ان العطل ده يتطلب تغير جزء معين او قطعه معينة او تتبع عطل معين ، ده بصراحة اصعب ما الموضوع بالكامل ، لان زي ما احنا عارفين ان التوكيلات اللي بتقوم بعمل صيانة لمنتجاتها طريقة شغلهم بتكون تسلسلية . يعني ايه تسلسلية ؟؟ يعني بيسمكوا الخيط من اوله و يفضلوا ورا الخيط لحدا ما تستلم العربية تمام
و لنفرض انك عندك عطل في دورة التبريد (العربية بتسخن ) بيكون طريقة الشغل على سبيل المثال و ليس الحصر :
1- فحص جميع التسريبات .
2- فحص جميع الوصلات .
3- فحص المشع (الراديتر) تسريبات - ثقوب - ... الخ .
4- فحص طرمبة مياه .
5- فحص اربة المية .
6- فحص المراوح .
7- فحص ترموستات - فيوزات - موصلات حرارة و الدوائر الكهربية .
شايفين بيعملوا ايه ؟؟ فيه كام خطوة بتتبع ؟؟
و هو ده الفارق بينهم و بين الصنايعية بره .. مع ان فيه صنايعية ماشاء الله مالهمش حل بس بردوا الفهلوة ما بتنفعش لازم الخطوات السابقة
الهدف من المثال السابق انك بما انك عاوز تحل المشكله بشكل نهائي لازم تتبع كل معطيات الموقع في كيفة الحل .. متجيش من دماغ تقرا كيفية الحل و تختار مكانين بس تفحصهم و تسيب الباقي .
لازم نبقا عارفين كويس جدا ان لمبة check engine لو نورت عندك ده مش معناه ان فيه مصيبة ، ده مجرد خلل قراءه سنسور ما في مكان ما و هيكون حله ( يا تغير - يا تنظيف و اصلاح)
و في الغالب بيكون (تغيير)
السنسورات معظمها ليها علاقة بتتسربات سوائل او تفريغ الهواء و تغذية الوقود و اللي كلها مرتبطه بالكامل مع الكنترول اللي بدوره و مبساعدة هذه الحساسات بتحديد نسبة حقن الوقود و المتغيرات الكهربية و نسبة تدفق الهواء المستخدم في الحرق و امثله على سبيل المثال لهذه الحساسات
- MAF sensor
- O2 sensor
- ignition connector sensor
- camchaft sensor
كلها تعمل معاً في منظومة واحده ، و ليس معنى ان الحساس الفلاني يقراً الخطأ الفلاني يكون العطل في هذا الحساس .. انما ممكن يكون فيه عطل او عطب او شرخ قبله او بعده يخللي الحساس يعطي اشاره خاطئة للكنترول اللي بدوره يعطيك اشارة تحذيرية لتفحص الماكينة عن طريق الفاحص .
ان شاء الله دي نهاية الموضوع .. اسف جدا ان الموضوع غير مفصل تفصيلاً كاملا و لكن انا هسيب اسئلتكم و الاجابات عليها توفي بكل ما يدور في عقولكم ، و ذي ما ذكرت عدم وجود شرح عملي ياثر تأثير مباشر في الفهم .
لن ابخل على اي احد بمعلومة اعرفها
بالنسبة للكيبلات انا انصح الشراء من موقع ross-tech تجنباً للمشاكل لان احياناً الكيبلات الصينية لاتعمل على برنامج VCDS او VAG-COM .
بعض ادوات الفحص و اشكالها
اسم الجهاز VAG 405
MaxScan VAG405 VW Audi SEAT SKODA diagnosztika NETDIGI.HU - YouTube
اسم الجهاز ms 509 لمجموعة فولكس و السيارت الاوربية و الاسيوية
Maxiscan ms509 - OBD2 Scanner - YouTube
اسم الجهاز VS450
Vgate VS450 scan tool - YouTube
ده الجهاز اللي بيستخدموه التوكيل و اسمه VS5052 و لكن الفرق بين اللي في الفيديو و بين الوكالة ان الجهاز المستخدم مع قطعة الفحص ليس (لابتوب) و لكن هو جهاز tablet منفصل مخصص فقط للفحص + القطعة الموضحة بالفيديو و ده الانترفيس بتاع الجهاز .
VAS 5054A Operation - YouTube
ده الكيبل المختص بالفحص VAG KKL 409.1
Vag 409 VAG COM 409 Interface VAG-COM 409 Cable from Dinodirect.com - YouTube
هذا الكيبل خاص بالفحص و مبرمج (ايبروم) للمحترفين
vag k can commander 1.4 3.6 5.1 6.0 - YouTube
هذا الكيبل خاص بالعمل على برنامج VCDS
Search Results : Wholesale OBD2 - Buy Best Car Diagnostic Tool from Chinese Wholesalers on shopobd2.com
كل الكيبلات السابقة للتعرف على بعض ادوات الفحص الخاصة بمجموعة فولكس
منتظر اسألتكم و استفسارتكم بإذن الله .. اعذروني لانشغالي الشديد اذا تاخرت في الرد
اسأل الله عز و جل ان يكون علما نافعاً فيما يرضي وجهه الكريم
و السلام عليكم و رحمة الله و بركاته
SEAT SERVICES
[shfaf2]http://nileup.com/up/uploads/nilemotors_13794850301.jpg[/shfaf2]
المفضلات