تعرف و تعلم طريقة فحص السيارات
السلام عليكم و رحمة الله و بركاته
[justify] [/justify][justify][/justify][justify][/justify]
[justify]
اصدقائي و احبائي قسم السيات ... لعشقي الشديد بتكنولوجيا السيارات و اجهزة الاصلاح الخاصة بها و تقنيات التوصيل و البرمجه ، التحكم الكامل بكل تقنية عن طريق ادوات الفحص و التشخيص ..... من هنا
حبيت اعمل موضوع ان شاء الله يفيدنا كلنا و يفيد الاقسام التابعة للعائلة العريقة (VW)
في البداية فيه تمهيد لازم احكيه و نحاول نعيشة شوية لان الموضوع مكانش سهل زي ما انا تخيلت ...
من 7 سنوات كنت اسمع عن اداة فحص السيارة مع انهم اخترعوا الاداه دي 1983 لكنها لم تكن منتشرة بالقدر الكافي و تم تعميمها على بعض السيارات ، و لما كنت اروح لحد عنده اداة الفحص كنت احس (احساس خاطىء طبعاً) ان الراجل ده اكيد راح اتعلم طريقة الفحص و التشخيص على كوكب القمر هههههههه
كنت اتخيل ان الراجل ده بروفسور عصرة و زمانه .. بس المرادي الاحساس صح ... لازم البني ادم اللي بيفحص يكون متمكن و فاهم !! مش مجرد انه عندة اداه و بيعرف يقرا اكواد و ما بيعرفش يشخص صح
ايه الكلام ده ؟؟؟ ياعم انت ودينتا لسبع سنين فاتو و عمال تحكيلنا عن الخيال العلمي اللي انت فيه و احنا في 2012 دلوقتي .. انت عاوز تقول ايه ؟
باختصار و منعا للاطاله على حضراتكم .... انا لفيت لفة السنين على الانترنت و منتديات اوربية و على صناع و منتجين لادوات التشخيص و الاعطالح لحد ما اتعلمت و عرفت اللي كان نفسي اعرفة الفترة اللي فاتت ..... بعد ما تعرف عن ادوات التشخص و تتعلم بيكون الاهم من ده انك تعرف هي بتشتغل ازاي و اشمعنى الاداه دي بالذات مش الاداة الاخرى او الموديل الاخر او الجهاز اللي رقمة كذا .. كذا ... كذا ، لان في 50 نوع للادوات دي و كل نوع بيعمل حاجه او اتنين فقط .....
اسئلة كتيرررررررره اووي كان نفسي اعرفها .. و بردوا معرفتش الاجابة غير الايام القليلة الماضية
[/justify]
تعالوا بقا نعرف يعني ايه اداة فحص و تشخص :
ببساطه شديدة هي عبارة عن شريحة الكترونية عليها بروسيسور او مايكرو بروسيسور .. اللي هو (اي سي) او (IC) و بيكون المعالج ده وظيفته يا اما قرائة الاعطال و محوها فقط و ده اللي بيتميز بيه نوعية الكبلات اللي كلنا بنسمع عنها (obd1) و و كبلات (obd2) وادوات التشخيص المدمجة - و اللي هنتكلم عليها لاحقاً بالتفصيل- او قرائة و تشخيص زي نوعية الكبلات K او التشخيص و القراءة و البرمجه كما في نوعية التوصيل (CAN) .
نرجع تاني للبروسيسور او الميكرو بروسيسور علشان مانتهوش من بعض ...... طب لو مش موجود (IC) .. هنعرف نفحص ؟؟؟ اكيد لا
لان وظيفته انه وسيط بينك ك ( فني) و بين العربية العطلانة .... طب ما زمان مكانش فيه الكلام ده و كان الميكانيكي زي الشاطر بيروح فارش تحت العربية و ينزل و يطلع زي الجلاش من تحت العربية و يقولك يا بيه دي عاوزة مارش الشربونة محروقة ،،، ولا يقولك روح هاتلي طقم جوان يا باشا من عند عبدو جوانات اخر الشارع هنا على اليمين ... و لا كان يقولك الموبينة لادعة و عاوزه سنفرة و ابلتين و العربية هتبقا في الاكس بنص...!!
دلوقتي ما ينفعش اصلاً الكلام اللي فات خالص اليومين دول و خصوصا مع تطور السيارات و تطور وحدات الكنترول بها يعني مش ميكانيكي و بس .... لازم ميكانيكي + متخصص او مهندس علشان المهندس يوصل و يقرا العطل و يشخص و يشاور للمكانيكي اللي هو اصلا عنده حرفية الفك و التركيب و يقوله هتشيل ده الاول و تركب بعد كدا ده و بعد كدا توصل هنا .... الخ
ادوات التشخيص عندنا تنقسم الى قسمين :
1-كبلات توصيل + برنامج تشغيل على الحاسوب .
2-اداه مدمج بها مايكرو بروسيسور و كيبل توصيل و شاشة .
طب ايه الفرق ؟؟؟ لا يوجد فروق نهائيا في طريقة التوصيل او طريقة الفحص لكن الفرق بينهم ان كل اداه ممكن تعمل عملية او اتنين او اكتر عن الاخرى
لكن كلهم نفس واجهة الربط (2(OBD1 – OBD او بعض السيارت بيكون فيها نوعية كيبلات من نوع (aldl) زي اللي موجوده في شركة جنرال موتورز
1- الكبلات :
طيب ايه الفرق بين obd1 و obd2 ؟؟؟ كان الفرق في سنوات صنع السيارات و تم تقسيمها على اساس الاتي :
-السيارت من سنة الصنع 1992 – 1998 تستخدم الانترفيس القديم صاحب بروتوكول التوصيل المباشر OBD1
-السيارات من سنة الصنع 1999 – الى الان تستخدم الانترفيس الجديد صاحب البروتوكولات المتعددة ODB2
2- الاداة المدمجة :
يمكن اغلبنا بنشوف الفنيين معاهم انواع متعدده فيه منها كبير الحجم و الامكانيات و في منها صغير الحجم و محدود الامكانيات .. الخ ، و بتلاقي الفني ماسكه في ايده اكنه ماسك بلاي ستيشن و عمال يضغط على ازرار و يتنقل من قائمة لقائمة لحد ما يقولك انت عندك ... 1 ، 2 ، 3 ... اعطال .
الميزة الوحيده في الاجهزة المدمجة انها سهلة التنقل يعني تشيلها معاك او تتركها في العربية .. لكن طبعا اي حاجه مرتبطه مع جهاز حاسوب بتكون معقده و بها امكانيات اكتر و عملية اكتر
( انا اميل للاعتماد على الكيبلات و الحاسوب في عملية الفحص)
كدا تقريباً احنا اختصارنا نص مسافة فهمنا لادوات الفحص فاضل النصف الاهم اللي هو احنا هنا في قسمنا محتاجين ايه او ايه الانسب لينا :
ما اكدبش عليكما الموضوع كان صعب بالنسبالي لاني بعد ما اتعلمت و عرفت لقيت نفسي محتاج كيبلات معينة و محتاك جهاز مدمج
و محتاج برامج مساعدة زي elsawin و محتاج ادوات خاصة بفحوصات معينة ...... الموضوع فتح مني جامد و الناس هنجت ههههههههههه
فضل ربنا عليا و نعمته كبيرة اني عرفت كتيررر اوي و لكن للأسف .. اللي عرفته مكانش كفاية لاني وانا بدور على بعض المعلومات بالصدفة اكتشفت ان فيه ادوات تانية محدش يعرف عنها حاجه غير ربنا سبحانه و تعالى و المصنع اللي بيصنع VW
اللي هي بدورها بتصنع بردوا باقي المجموعة .
طيب الموضوع كدا هيطول اوي و هو اصلا احنا لسه في ربعة تقريبا .... هههههههه انا عارف اني صدعتكوا
بس الرغي اللي فات ده كله تمهيدا و معلومات مهمه تفتح بيها دماغك للتقيل اللي جاي و هنكملة مع بعض في كام حلقة كدا في نفس الموضوع ان شاء الله
طبعا انا هبتدي اخصص و اتكلم فقط على مجموعة فولكس فقط
الى ان نلتقي مع اهم جزء و هو اسماء الكيبلات و برتوكلات التوصيل و معنها و وظائفها بالنسبة لمجموعة فولكس .
كابل الفاج لتشخيص اعطال جميع انواع السيارات الفولكس وسكودا وأودى وسيات
https://fbcdn-sphotos-c-a.akamaihd.n...12612270_n.jpg الآن لآصحاب السيارات الفولكس والسكودا
افحص بنفسك سيارتك
VW- Skoda -Audi- Seat
الإصدار الأحدث من الفاج رقم الإصدار 12.10
الآن قم بتوصيل الكابل بفيشة الأعطال بالسيارة حتى تستطيع التعامل مع جميع الأنظمة الإلكترونية الموجودة فى السيارة
قم باطفاء لمبة الصيانة ولمبة الأعطال الخاصة بسيارتك بنفسك .
قراءة جميع الأعطال الحالية والمخزنة على أى كنترول فى السيارة
مسح كافة الأعطال من أى كنترول فى السيارة
قراءة البيانات الصادرة من الحساسات
النهاردة شركة سمارت تك بتقدملك الجهاز ده
Vag Cable
بسعر خاص جداً 320جنيه بدلاً من 420جنيه + مصاريف الشحن
لفترة محدودة أو حتى نفاذ الكمية
اتصل الآن واطلب المنتج يصلك لحد باب المنزل
لمزيد من المعلومات برجاء التفضل وزيارة صفحتنا على الفيس بوك
https://www.facebook.com/smarttechdiy
للتواصل عبر سكايب: smarttech80
محمد زهران
Mobile: 01002141534
Whatsapp: 01002141534
Viber: 01002141534
208عمارات صقر قريش الأوتوستراد المعادى القاهرة
برنامج vcds والكابل الخاص به
دلوقتى يا باشا انا معايا seat ibiza 2006 ومعايا مفتاح ليها مش متعرف على immobilizer ودورت على النت لقيت ان برنامج ال vcds بيعرف شريحه ال immobilizer وبيعرف الريموت سالت على الكابلات وجربت كابل elm 327 obd 2 مشتغلش مع البرنامج ودورت على موقع سوق لقيت كابل vag 12.12 كلمت خدمه العملاء قالولى ان الكابل ده مبيشتغلش على vcds فانا عايزاعرف اية الكابل اللى بيشتغل مع برنامج vcds واجيبه منين ويا ريت لو فى حد فى اسكندرية اقدر اجيبة منه واسف على الاطالة