الموضوع: رأي الخبراء في سيات كوردوبا 1994

اولا اهلا بيك في نايل موتورز وسيات نايل موتورز

العربية الكوردوبا عربية حلوة طبعا وتعتبر هي هي الأبيزا لها ما لها وعليها ما عليها يزيد بس الشنطة

العربية لو حلوة وحالتها كويسة لن تقل عن 35 الف

موضوع فبريكة برة يعرفها السمكري
اما عن اويل سيل الكرنك فدة مش قضية اوي وتغييره لن يستغرق النص ساعة

هاف انجيكشن يعني كربراتير ولكن بدل بيك البنزين انجيكتور ودي اسمها spi single point injector

ان شاء الله لو حالتها حلوة ومفيهاش غير بس الحاجات الي انت كاتبها مش هتكلفك كتير
بالكتير اوي 500 جنيه وهتظبطها ظبطة كويسة

ياريت تطمنا عملت ايه ولو في اي استفسارات اخري احنا عينيا ليك

تحياتي

المشاركة الأصلية كتبت بواسطة tettet

ألف شكر يا باشا
بس ياريت توضحلي حكاية الهاف انجيكشن دي لاني مش فاهمها كويس
يعني ده موفر في البنزين ولا ايه؟
وهو بيتكلم في 33
تفتكر ده سعر كويس ؟؟؟

التغذية بالوقود حاجة من اتنين يا كربراتير يا انجيكشن
والمحرك عشان يقوم بعمله ويحرك العربية محتاج لهواء وبنزين
سواء الكربراتير او الأنجيكشن الأتنين فيهم بوابة لدخول الهواء
وبعدين يتخلط بالبنزين ويتولع فيهم من شرر البوجيهات
الكربراتير فيه صمام للبنزين اما الأنجيكشن فتبقي مسطرة راكب فيها رشاشات متحكم في توقيت وكمية الرش وحدة التحكم اللي بنسميها ecu

الهاف انيجكشن وسط بين الأتنين
هو كربراتير ولكن بدل صمام البنزين يوجد انجيكتور واحد بس (مش 4 زي الأنجيكشن الكامل) بينظم عمل الأنجيكتور بردو وحدة تحكم اقل تعقيدا من الأنجيكشن الكامل

دي كل الحكاية بأختصار شديد جدا وبدون تعقيد ودخول في تفاصيل كثيرة

تحياتي

33 سعر كويس مش وحش
حاول تنزلهم معاه ل32 او 31 زي زلفي هتبقي كدة تمام اوي

ولو ما رضيش
بردو 33 سعر كويس مش وحش
بس للأمانة 33 دي بنسمعهم في عربيات بتبقي 1400 انجيكشن و4 زجاج وتكييف شغال وباور وفتحة سقف وجنوط ومرايات كهرباء وسنتر وانذار
لأن عربيتك دي مش الكاملة

تحياتي

المشاركة الأصلية كتبت بواسطة tettet

عموما انا وصلت معاه لــ 30 ألف ومش عايز ينزل جنية تانى وقالي لو ماجبتهمش مش هبيعها
فإيه رأيكوا يا جماعة ؟؟؟

كويس 30 - والله يا بلاش
ربنا يباركلك فيها