ايه احسن دي في دي للسيفيك الجيل التامن ؟

**محمد أنور** · 09-10-2012 10:14 PM

يا جماعة الخير انا بدور على دي في دي اللي بيركب عالسيفيك ال2008 كأنه الاستوك بتاعها و فيه نافيجيشن و بلوتوث وتاتش سكرين .. ف ايه احسن حاجة بحيث اني اجيبه و مندمش ؟
انا سألت هنا في الامارات دخلت محل و شفت واحد بس سألته في خرايط مصر قالي لأ فعاوز اعرف اسأل على نوع ايه بالظبط و اجيبه من الامارات ولا من مصر و شكرا

**AHMED_HAMDY** · 09-10-2012 10:19 PM

بص يا محمد انا اما كنت في الامارات كان فريبي جايبه لاوكتافيات من مصفح اكيد عارف المكان لو انت في ابوظبي

وكان جايبهبه من 600- 800 درهم وكان جايب كذا حاجه معاهم بس شغال خرايط مصر مش عارف هل سيستم ولا هوه كان نازل فيه حرايط مصر وركب علطول على اوكتافيا موديل فوق ال 2000 مش عارف كام بالضبط ؟ ومعلشي ممكن تشوف الانبوكس عندك بعتلك حاجه

**sanhory** · 10-10-2012 01:10 PM

انا عندي ماركة عجيبة كدا اسمها ETO بس شغال حلو عال iGO8 و الروزوليوشن بتاعه حلو بس هو نوع مجهول بس صاحب العربية بيقول انه مركبه في التوكيل

**محمد أنور** · 10-10-2012 04:33 PM

المشاركة الأصلية كتبت بواسطة ahmed_hamdy

بص يا محمد انا اما كنت في الامارات كان فريبي جايبه لاوكتافيات من مصفح اكيد عارف المكان لو انت في ابوظبي

وكان جايبهبه من 600- 800 درهم وكان جايب كذا حاجه معاهم بس شغال خرايط مصر مش عارف هل سيستم ولا هوه كان نازل فيه حرايط مصر وركب علطول على اوكتافيا موديل فوق ال 2000 مش عارف كام بالضبط ؟ ومعلشي ممكن تشوف الانبوكس عندك بعتلك حاجه

تقريبا ده كان جايبه خلع من عربيات لان مصفح منطقة صناعية و بيبيعوا قطع غيار العربيات هناك لأن مفيش حاجة ب 600 - 800 درهم الا لو خلع زي ما بقول لحضرتك .. بس معرفش هل في لسيفيك 2008 نفس النظام ده ولا لأ هسأل برضه .. شكرا لرد حضرتك و تم الرد عالانبوكس :)

**محمد أنور** · 10-10-2012 04:36 PM

المشاركة الأصلية كتبت بواسطة hany63

طلبك عندي ياباشا
هات الفلاي اوديو و توكيله موجود في دبي و خش على الويب flyaudio corporation و خد العناوين و التليفونات

تسلم يا هاني باشا 10 على 10 والله و تم الاتصال بالشركة و سألته عليه قالي بالكاميرا بيوصل ما يعادل 4125 جنيه .. فهل هو سعره كدة في مصر ولا أغلى ؟ و هي ماركة فلاي اوديو دي احسن حاجة اصلي محتار والله

**محمد أنور** · 10-10-2012 04:41 PM

المشاركة الأصلية كتبت بواسطة sanhory

انا عندي ماركة عجيبة كدا اسمها eto بس شغال حلو عال igo8 و الروزوليوشن بتاعه حلو بس هو نوع مجهول بس صاحب العربية بيقول انه مركبه في التوكيل

تمام طب بالنسبة للخرايط هل شغال ولا ؟ اصلي سألت هنا لقيت انواع مجهولة برضوا بتوصل 2900 جنيه بس مفهاش خرايط و معرفش صوته عامل ازاي
فيه كينوود و بايونير بأسعار حلوة و بيركب مكان الكاسيت الاصلي من غير فك التابلوه .. اعتقد دول صوتهم هيبقى خرافة ولا ايه ؟

**hany63** · 10-10-2012 06:37 PM

المشاركة الأصلية كتبت بواسطة محمد أنور

تسلم يا هاني باشا 10 على 10 والله و تم الاتصال بالشركة و سألته عليه قالي بالكاميرا بيوصل ما يعادل 4125 جنيه .. فهل هو سعره كدة في مصر ولا أغلى ؟ و هي ماركة فلاي اوديو دي احسن حاجة اصلي محتار والله

المفروض ينزل عن كده كمان عشان الشكل اتغير و اللي ركب ركب
هو احسن صوت ممكن تسمعه في كل الموديلات و هبعت لك نمره الشركه في مصر يمكن يكون ارخص من دبي و انا كنت مركبه من سنتين ب 5200 جنيه و كان في التوكيل ب 7600 جنيه ساعتها

**hany63** · 10-10-2012 06:38 PM

اسف قصدي 6700 في التوكيل

**محمد أنور** · 10-10-2012 09:57 PM

طب ايه رأيك في دي في دي بايونير لو يركب مكان الكاسيت الاستوك ؟ تفتكر الجودة بتاعته احسن من الفلاي اوديو ؟ اصلي مش حابب احط مبلغ 4 ولا 5 الاف في كاسيت صناعة صيني ولا انت ايه رأيك؟