بدور علي عربية للبيع . لقيت عربية 132 موديل 79 2000سي سي صاحبها طالب فيها 15500 وقالي الكورونة بتاعتها عايزة تتغير ؟ ايه رأيكم في السعر وهل ده مناسب للعربية ولا عالي شوية ؟؟ يعني اجيب العربية واغيرلها كورونة ..وياريت لو حد يقولي سعر الكورونة كام
عرض للطباعة
بدور علي عربية للبيع . لقيت عربية 132 موديل 79 2000سي سي صاحبها طالب فيها 15500 وقالي الكورونة بتاعتها عايزة تتغير ؟ ايه رأيكم في السعر وهل ده مناسب للعربية ولا عالي شوية ؟؟ يعني اجيب العربية واغيرلها كورونة ..وياريت لو حد يقولي سعر الكورونة كام
اقل واجب 2000 جنيه اذا لقيتها
لان بتاعت ال 31 اللي بتركب للشاهين ب 3000
حضرتك روح قسم الفيات و في موضوع هناك انك مفيش داعي تغير الكورونا أو الدفرنسيل بالبديل الإستيراد عشان غالباً بتكون مهرية ... أنا عن نفسي كان عند 131 و المكانيكي غيرلي الدفرنسيل كامل في 2008 و خد 2300 جنيه و كان مش متوفر أوي كمان! و بعد ما ركب بشهرين تلاتة الونة رجعت تاني ... رحت للمكانيكي قال لو كان أسبوع أو 10 أيام كانت رجعت عادي لكن دلوقتي الرجل هيقول أنا معرفش إنت عملت فيها إيه؟ قمت بيع العربية على عيبها. الرجل إلي في موضوع صيانة الكورونا بيحط قطع غيار زيرو و الناس بتقول النتيجة حلوة، هتلاقي هناك إسم و تلفون ورشة الحدادة و التكلفة تقريباً كانت في حدود الالف جنيه، بالتوفيق أخوك أحمد سامي
متشكر ليكوا يا جماعة علي سرعة ردودكم .. يعني اشتري العربية بالسعر ده 15500ولا اقلل فيه وابقي اغيرلها الكرونة مع العلم اني لسه جديد بالعربيات ودي هتبقي اول مرة اشتري
لا السعر دا عالي في العربية دي
العربية تبقا سليمة تمنها 15500 جنيه
العربية دي تخلص على 13500 حلو اوي عليها ومتزيدش عن كدة تقل ايوة انما متزيدش
شكرا ياباشا وربنا يقدم ما فيه الخير
بص يا سيدى اولا انا كنت من ملاك الوحش 132 بجد عربية وحش واستمتعت بيها جدا وندمت انى بعتها وكنت بايعها ب 15500 من 9 شهور تقريبا ومكنش ناقصها حاجة مشدودة دهان وفرش وعد صوت سونى اكسبلود وكاوتش وبطارية وعمرة موتور وتمام التمام فلو العربية اللى معروضة عليك مفيهاش اى شغل نهائى غير الكارونة يبقى كبيرها 13000-13500 مع انى عارف ان ال 132 عموما تستاهل اكثر من كده بس ده سعر السوق
وده رابط العربية بتاعتى اللى بعتها يوصف حالتها ومع انى كنت كاتب انها محتاجة اسطوانة علشان السرعة والمساعدين وببيع الا انى غيرتهم قبل ما ابيع وعلى فكرة متبعتش هنا فى المنتدى بعتها بعد عرضها فى المنتدى بشهر تقريبا فى السوق عندنا
http://www.nilemotors.net/Nile/190422-132.html
ده احنا طلعنا جيران .. انا برضوا من العبور :-) ياريت كنت شوفت اعلانك ده من الاول كنت وفرت كتير عليا