يا اهل المنتدى الكرام عاوز اروح من الجيزة لبنك القاهرة اللى فى شارع طبران بن خليل متفرع من عمار ابن ياسر موصلات ؟؟؟ ياريت حد يوصفلى علشان معرفش حاجة فى مصر الجديدة ؟!
و هل الترام بيوصل لهناك ؟؟
عرض للطباعة
يا اهل المنتدى الكرام عاوز اروح من الجيزة لبنك القاهرة اللى فى شارع طبران بن خليل متفرع من عمار ابن ياسر موصلات ؟؟؟ ياريت حد يوصفلى علشان معرفش حاجة فى مصر الجديدة ؟!
و هل الترام بيوصل لهناك ؟؟
بص يا باشا ممكن مترو الانفاق لحد حلمية الزيتون و تنزل تاخد تاكسي يوديك ( كبيره ١٠ جنيه)
او تاخد من الجيزه الاوتوبيس المكيف اللى جاى من الهرم او فيصل ٣٥٦ او ٣٥٧ او اى حاجه رايحه مصر الجديده و تنزل ميدان الحجاز و من هناك ممكن مشى او تاكسي ب ٣ جنيه يوصلك
اشكرك
طاب هل فيه حاجة من رمسيس او التحرير مباشرة على هناك
مش فاكر ارقام بس ايوه ... اى حاجه رايحه مصر الجديده من التحرير او رمسيس هتقربك قوى ...
اقرب حاجه ميدان الحجاز(بينها و بين عمار بن ياسر مسافة محطه تقريبا) و فى فى الميدان هناك موقف اوتوبيس فهتلاقى مكيف و مينى باص بيروح هناك... و ممكن لو حاجه رايحه الالف مسكن و تنزل فى الاخر هتكون قريب قوى برضه (بينك و بين ميدان الحجاز محطه واحده برضه) او ميدان تريمف او سانت فاتيما .... كل ده قريب و مسافه بسيطه بالتاكسى (3-5 جنيه بالكتير)