أحلي كلام متأنتك مكتوب علي ضهر التوك توك

**احمد نور الدين** · 09-10-2012 11:18 PM

بصراحه معرفتش اكتب الموضوع ده فين فقلت اكتبه في قسم بريليانس العزيز والادارة تنقله في القسم المناسب ده بعد اذنهم طبعا

اكيد كلنا بنلاحظ الحكم والمواعظ المكتوبه علي عربيات النقل والتكاتك ورغم انها احيانا بتكون تافهة بس ساعات بتبقي كوميديه شويه والاحلي انها ساعات بتكون حكم واقعيه جدا ولاني شايف انها بتمثل جزء من ثقافة شريحه في المجتمع قلت نعمل موضوع نجمعها فيه وكل واحد يكتب اللي بيشوفه

وهابتدي بالحكمة المعروفه

لو صاحبك خانك اعتبره دخانك

سلام يا بلد الكلاااااااااام

لو أشرف خلع مفيش دلع

سولار في التنك ولا دولار في البنك

وطبعا النصيحه الذهبيه يا تهدي يا تعدي

**moh_faheem** · 10-10-2012 12:53 AM

هههههههههههههههههههه
طيب اسمع ياسيدى العبارات دى
" تعمل حسابي أقدرك، تهزر معايا أعورك"
" ما تبحلقش كده يا لوح، ده جى بطلوع الروووح "
" تركب اسليك , تنزل اولع فيك "
" متزعليش يا قطه بكره تبقي تويوتا "
" متبصليش و تقوللى ياسطى ..ده انا بشمهندس لولا الوسطى "

**start_wow** · 10-10-2012 01:15 AM

الحلوة تفاحة للسفر والسياحة
ماتبصليش بعين راضية وبص للي اتدفع فيا
التوكتوك يدلع والاسفلت يولع
هههههههههههه احلي كلاااااام

**احمد نور الدين** · 10-10-2012 10:00 PM

ياااااااااااااااااااااااه دي الدنيا اتغيرت خالص ولسه

**احمد نور الدين** · 01-11-2012 07:38 AM

شوية حاجات جديدة

ربنا يحميكى من الميكانيكى
الحلوة لما تدلع حاجز الصوت يولع
عشقت السفر من ظلم البشر
ربك رحمن يكفينا شر اللجان
عايز تبقي ريس عامل الناس كويس