عرض للطباعة
السلام عليكم جميعا
أنا عربيتى سيراتو خليجى 2010
عاوز أعمل صيانة 15000
أقرب وكيل لى مركز محمد زكى الى هو على طريق القطاميه (تقريبا)
1 - عاوز أعرف أخبار المركز أيه ولو مش كويس حد يفيدنى أروح فين
2- رقم تليفون علشان أحجز ميعاد
3 - أيه المطلوب فى صيانة 15000
شكرا
الصيانات الفرعية كلها فحوصات من الأخر بيلموا فلوس انا شايف ان ملهاش لازمه لكن دى حرية شخصيه لو بتحط زيت 10الاف يبقى هتغير على ال20 و لو بتحط 5 الاف يبقى هتغير على ال15 بس و الباقى تشك على العربية كلها
يا تيمو
هو ده الهدف من زيارتى لهم .... أنا للأسف مش بفهم كتير فى ميكانيكة السيارة وبخاف من أى صوت فى السيارة وكمان عاوز أربط العافشة لو كانت سايبة (مش عارف) ..
ولو التكلفة عالية عند محمد زكى ممكن تقولى أقرب مركز خدمة محترم ممكن أعمل فيه التشيك ده خصوصا وأنا ساكن خلف كارفور المعادى على الدائرى
عندك السبع عند نادى وادى دجله محترمين و القطاميه (ده مركز بتاع eit) ورا معرض محمد زكى ... ممتازين برضه
التكلفه مش هتفرق كتير قوى ... ممكن تتصل بكيا 19542 و تسال عن تكلفة فى فرع القطاميه و تتصل بالسبع 19449 و تسال و قرر تروح فين
محمد زكى أنا جربته كذا مره فى السيراتو الشكل القديم
بشوفهم كويسين و كمان المهندسين والفنيين هناك محترمين أوى و كمان مش بيطنشوا حاجه أنا قولتلهم عليها بس طبعا لازم تتابع برضه و تسأل على كل حاجه سواء فى المركز ده أى مركز تانى
اظن الصيانات ال خمسات دى بتيقى مجانيه و الله اعلم للعربيات الوكيل
متهيألي الصيانات اللي كل 5000 دي ببلاش لو منتظم معاهم في الصيانه مابتدفعش حاجه
لكن الصيانات اللي كل 10000 كم هي دي اللي بتدفع فيها
اظن الكلام ده لعربيات الوكيل بس مش للخليجى
اقتباس:
المشاركة الأصلية كتبت بواسطة mohamed_selim
أنا متلخبط ... دلوقتى أنا أروح مركز eit ولا السبع ولا محمد زكى
أيهما أفضل لأنهم كلهم قريبين منى
شكرا
باشا مفيش حاجه اسمها محمد زكى .. هو eit كامو ماجرين مكان تحت معرض محمد زكى و بعدين نقلو فى مبنى وراه
و السبع كويسين .... شوف انت مين افضلك .. لو ساكن ورا كارفور اكيد السبع اقربلك ... ولا انا غلطان؟