اية رأيكم في سيات كوردوبا 2008
و ياريت حد يفيدني في مواصفتها و سعرها..........
عرض للطباعة
اية رأيكم في سيات كوردوبا 2008
و ياريت حد يفيدني في مواصفتها و سعرها..........
سيات كوردوبا 2008 1400 سي سي 85 حصان عزمها 130 نيوتن
العربية كشكل احلي شكل نزل في الكوردوبا من سنة 96 حتي الان بس طبعا مسألة اذواق..
اساسيات العربية كلها الماني موتور شاسيه عفشة فتيس الماني التقفيل و التجميع اسباني عربية محدش اشتكي منها الحاجة الوحيدة بس ان قطع غيارها غالية شوية لكن متوفرة و موجودة جوا و برا التوكيل مكوناتها الميكانيكية الماني مش هوصف و اعد اقولك فيها شعر لكن اقل ما يقال عنها انها معمرة جدا ثبات عالي جدا جدا كعادة موديلات سيات و فولكس في كذا موديل منها بتتراوح الاسعار بحد اقصي تقريبا 113 الف
1-كوردوبا 1400 مانوال من غير جنوط سبور بطاسات لكن طبعا فيها كل الاوبشنز من اول الازاز الكهربا الي اخره تكييف طبعا و كل الكلام ده دي سعرها 99000
2-دي نفس الاوبشنز بتاعت اللي فوق بس دي اوتوماتيك و سعرها 106000
3-دي بقي فيها جنوط سبور 16 و فرد 205\45 و فتحة سقف و اوتوماتيك علي ما اعتقد و سعرها 112500
التوكيل مركز الخدمة موجود في ارض اللواء في الجيزة بيفهموا لكن غاليين شوية انا مجربهم مراكز البيع واحد في رمسيس و التاني في جامعة الدول العربية عموما ممتازة و انصحك بيها و لو هتجيبها هات المانوال احسن و ربنا يوفقك
شكرا محمد باشا علي الرد الجميل.........
طب هيا قدرة تحملها ايه أصل أنا بمشي كتييييييييييييييير........
و المانيوال فيها فتحة سقف ولا لأ...........
ومن جوة اية نظامها...........
وما فيش منها 1600
ولية تنصحني بالمانيوال............
لا مفيش منها 1600 الكوردوبا في مصر 1400 فقط تفيدك في البنزين و الضريبة و الموتور قوي متخافش الناس دي عارفة بتعمل ايه حتي الكوردوبا 2001 كانت 1000 سي سي و برضه مجدش اشتكي من الاداء كل من امتلكها شكر فهيا
و انصحك بالمانوال لسببين الاول المانوال معمر و اعطاله اقل من الاوتو و تكلفة تصليحة اقل من الاوتو بكتير السبب الثاني ان الفتيسات الاوتو الجديدة للاسف مش بتتصلح يعني لو لقدر الله حصل فيها حاجة بتتشال كده و يتحط غيرها علي طول مفيش تصليح الفتيس الماني طبعا و معمر جدا سواء ده او ده بس انا عن نفسي برشحلك المانوال لو جبت الاوتو مش هيبقي فيها مشاكل بالعكس عادي جدا جدا الاوتو بتاعها ممتاز محدش اشتكي منه خالص بس كمان المانوال افضل في التسارع و الاداء و انا عن نفسي مبحبش الاوتو لكن لو عايز الاوتو هاتها مفيش مشاكل بس المانوال خصوصا في السعات اللترية العادية 1400 و 1500 و الحاجت دي بيبقي افضل مش بيبقي خانق العربية
قدرة تحملها زي ما تحب امشي زي ما تحب و دوس و افحت كمان الماني يا استاذنا:):)
و من جوه في رأيي حلو خصوصا طارة الدركسيون بتاعة سيات تحفة تحسسك انك مش عايز تسيبها
و الداخل كمان مصنع من اجود الخامات الاسبانية المعمرة اللي مش بتتأثر باشمس ولا الكلام ده و شيك جدا جدا جدا
و لو تحب اقولك الاوبشنز بظبط اقولك عادي البروشور بتاعها عندي
ياريت يا محمد باشا.............
بس الله يخليك بسرعة عشان أنا نفسي أخذ قرار.......
من عونيه:):) ثواني اجيبه و اقولك كل حاجة و عموما العربيات دي معروفة بالتحمل و العمر الافتراضي الطويل و قرار شرائك ليها قرار في محله و طبعا حسب الاستعمال يعني حتي لو بتمشي كتير لما تهتم بتغيير الزيت و البوجيهات و الصيانة الدورية و كده اعطالها هتكون اقل من الاقل لان اساسا اعطالها قليلة
ألف شكر يا محمد باشا........
نخدمك كدة يوم فرحك و لو متزوج يبقي يوم فرح أولادك........
و أخبار الصاج اية............
بص يا باشا
موتور mpi حقن متعدد النقاط 1400 سي سي 85 حصان 130 نيوتن عزم للمانوال
الاوتو 75 حصان و 126 نيوتن عزم
نازلة بجنوط 15 و 16 الجانط ال 15 الفرد فيه 195\55 و ال 16 205\45
الابعاد
الطول 4280
العرض1698
الارتفاع1441
الشنطة مساحتها 485 لتر انا شفتها بنفسي واسعة و حلوة جدا
تانك البنزين 45 لتر
الوزن في حالة الجري خلي بالك ان وزن العربية و هي واقفة بيبقي اتقل من حالة الجري
وزن المانوال 1075 كيلو
الاوتو 1107 كيلو
الكماليات:
1-ايموبليزر
2 وسائد هوائية للسائق و الراكب الامامي
3-باور ستيرنج
4-فوج لايت امامي
5-power lock+remote control+safe system+lock-unlock
6-4 ازاز كهربا
7-تكييف كليماترونيك
8-راديو سي دي 6 سماعات
9-كاب هولدر و انوار الصالون طبعا و الحاجات دي
استهلاك البنزين: 8لتر و نص جوا المدينة في ال 100 كيلو
و علي الطرق السريعة في حدود 6لتر و نص في ال 100 كيلو
لو عايز تعرف حاجة تاني قولي
الله ينور عليك يا محمد بصراحة هي العربية تحفة
بمعنى الكلمة واللي هايشتريها موش هايندم خااااااااااااالص
لان العربية محترمة بمعنى الكلمة
المهم اعذروني بقى علشان موش هاعرف امدح اوي في العربيات اللي في مصر الجديدة علشان انا في السعوديييييييييييييية
شكرا محمد باشا...........
اخبار الابيزا الجديدة اية.........
ومعلش يعني أصل أخوك جاهل شوية...... اية اليموبليزر دة........
وهي فيها Abs ولا لأ...............
معلهش يا باشا ...شكل محمد نام ..حارد أنا لحد ما يصحي :)
- الأيموبليزر Immobilizer عبارة عن خاصية أمان تمنع دوران المحرك لو حد حاول يدور العربية من غير مفتاحها الأصلي
- ايبيزا و كوردوبا فيهم ABS (كوردوبا هي هي الابيزا بس سيدان)
نفس المكينة و نفس الأوبشن........
على حد علمي المتواضع أيوه ....بس أنا بره مصر ...مشوار للتوكيل حيفيدنا كلنا و يضيف معلومات اكيدة :)
طب اية رأيكم في الفابيا..........ممكن مقارنة بينها و بين كوردوبا.........
مش حاقدر أفيدك قوي ...بس شوف الرابط ده
http://www.ccegy.com/compare.aspx
:):)
يا جماعة أنا دخلت علي موقع سيات........
في 1.4 85 حصان و 100 حصان و في 3 موديل stylish, sport and reference يا تري انهي واحدة فيهم هيا المتوافرة ب 105 ألف و ياتري السبورت اللي ب 115 الف فيها كل الكمليات اللي موجودة في الموقع........
وفي حد يعرف مكان المعرض بتاع الوكيل بالضبط.........
الابيزا و الكوردوبا واحد فرق الشنطة في الكوردوبا بس و الكوردوبا اللي بتنزل هنا 85 حصان هي و الابيزا مفيش اعلي من كده هنا و الاتنين فيهم abs+ebd+tcs و الايموبليزر زي ما شيكو شرح كده
السلام عليكم......
إليكم لأخر الأخبار........
رحت امبارح لتوكيل سيات اللي في رمسيس مع الأخ العزيز مصطفي فاروق واتفرجت علي السيات كوردوبا.......
عربية ما شاء الله شكلها جميل من برة ومن جوة مش بطالة و ما شاء الله شنصتها واسعة جدا...
تكييف جيد جدا.....
كراسي مريحة.....
ساوند سيستم صوتة ممتاز.......
العربية أولا و أخيرا تكنونولوجيا ألماني......
مش فيها ABS
وبعد ماخلصت السيات
روحت توكيل سوزوكي أخدت البروشور بتاع تقريبا اسمها rx
وبعدين رحت المصرية شفت الفابيا هي نفس العفشة و المكينة بتوع السيات بس الفابيا شكلها و كمليات من جوة أحسن ولكن الشكل الخارجي للسيات أحلي......
وبعدين شفت السوبارو امبريزا........
ما شاء الله عليها تحفة من برة و من جوة عجبتني أوي.........
أنا دلوقتي محتار بين الكوردوبا و الامبريزا.....
بصراحة الثنين عاجبني .........
السيات تكنولوجي ألماني طبعا فولكس واجن وانا نفسي في حاجة تتحمل لأني بمشي كتييييير و طبعا الألماني حمال الأسية والسوبارو يطغي عليها ألأمكانيات و القوة بس يؤخذ عليها الشنطة الصغيرة جدا..........
أنا محتار................ياريت حد يفيدني بسرعة ياجماعة
صباح الفل يا مصطفى هوة صراحة الموضوع جميل و فتح حوارات تعكس حب السياتوية لعربياتهم ومدى خبراتهم
بص يا سيدى اولا و قبل كل حاجة استخير الله سبحانة و تعالى انة يوفقك للعربية الافضل
ثانيا انا شايف الابيزا سيارة اصبح لها اسم و كيان فى مصر لا يستهان بة من الصيانة و توفر قطع الغيار و مع احترامى للسوبارو اقل ق غ و اقل خبرة مع الناس علشان كدة متزنقش نفسك فى التوهان و خليك فى اللى الناس عرفاة و دة موش معناة ان السيات موش كويسة و لكن بشهادة الجميع من اروع السيارات اللى جات مصر .
توكل على الله .
و ربنا يوفقك
شكرا يا محمد علي الرد الجميل و ربنا ان شاء الله يوفقنا الي اللي فيه خير........
الامبريزا عربية تحفه تحفه تحفه تحفه بس لو تقدر علي الفانوس ابو 2000 جنيه و المساعد ابو 1800 جنيه هاتها:):)
اسعار قطع الغيار مش عندي تحديدا بس عندك مثلا مساعد الليون اقل من مساعد الامبريزا بحوالي 700 جنيه!! في فرق رهيب في السعر و الكوردوبا اسعارها اقل من الامبريزا فانوس الليون ب 1100 تقريبا الامبريزا الضعف!! في فرق رهيب اكتر من نص التمن بين الاتنين
لما رحت التوكيل كان في ليون ولا لا؟؟
[quote
لما رحت التوكيل كان في ليون ولا لا؟؟[/quote]
there was Leon, Cordoba and Altia but why u ask ?
أنا لما رحت أنا و مصطفي فاروق مدير الفرع بتاع رمسيس اداني كارت
هو اسمة ايهاب فوزي وفي ارقام ممكن تستخدمها و أكيد هتفيدك........
0122190948
22051774
و ربنا يوفق:)
شكرا ليك يا باشا تم الرد في المقارنة:)
شكرا يا محمد بك........
كل الموديلات فيها abs من اولا الابيزا لحد altea xl و انا رحت توكيل سيات النهارده اللي في جامعة الدول لسه في 2 ابيزا هناك علي فكرة مخلصتش و في واحدة ليون حمراء
مش عرف..............بس توكيل رمسيس قالوا ان الكوردوبا و الابيزا مش فيهم Abs
السلاموا عليكم ورحمة الله وبركاته
محمد باشا
ممكن تفيدنى وتقولى اماكن التوكيل في بالظبط
انا معايا سيات قرطبه 2008 بس المشكله ان في طاستان اتسرقوا منى ومشعارف اجيب منين طاستان للعجل من فضلك ممكن تساعدنى وتقولى الاقى فين الطاسات بتاعتها بالظبط لو مش هتعبك في الرد ارجوك ترد عليا في اسرع وقت
وشكراااااا