أشترى بومه 1300cc ولا بلاش يا متعلمين يا بتوع اللانسر :)

السلام عليكم ورحمة الله وبركاته ...

يا جماعة كنت محتار بين كورولا 2006 1300cc عداد 65000 كيلو ورشة بره نظافه وفابريكا من الداخل
وبين لانسر بومه 2008 1300cc عداد 50000 كيلو فابريكا بره وجوه ما عدا خبطه فى الرافرف الامامى

التنين أوتوماتيك :)

والأتنين بتوع ناس أعرفهم وأعرف إستخدامهم كويس ... وعرضت الموضوع فى قسم تويوتا من قبل
والكل أجمع على الكورولا أقوى وبصراحه كنت خلاص صليت إستخارة وكنت رايح أخلص فى الكورولا
ولكن للأسف صاحبها رجع فى كلامه لإنوا مش لاقى حاجه أعلى وبنفس النظافه فى الوقت الحالى بالفلوس إللى معاه ... فأجل موضوع البيع ...

فأنا الآن مضطر أشترى لانسر ... بس الغالبية بتقول لانسر أوتوماتيك 1300cc ضعيفه

مش عارف أعمل إيه ألغى الشراء خالص ولا أخلص فيها ...

ملحوظة هامة : أنا إستخدامى للسيارة بسيط ولست من هواة الشد والجرى ... بس لما بسافر بامشى على 120 - 140 حسب الطريق والظروف .... ولكن غير ذالك إستخدامى خفيف جداااا

أفيدونى أفادكم الله ... أنا محتاج عربية أتوماتيك ومكيفه ... أهم حاجه فيها الإعتمادية ... ياعني مش كل شوية فى الحرفيين بغيير حاجة فيها ... هل المواصفات دى متوفرة فى لانسر بومه 1300cc أتوماتيك ولا ... أصرف نظر

وعليكم السلام ورحمة الله وبركاته

بص ياباشا أنا جاري معاه لانسر بومة 2007 1300 سي سي وكنت بدردش معاه عن العربية فقولت له اخبار اللانسر معاك ايه فقالي هي اللانسر بصفة عامة جميلة بس الــ 1300 سي سي ضعيفة ولما بشغل التكييف سحبها بيبقى ميت وبتبقى بطة بلدي.

وكان متدايق اوي من النقطة دي لدرجة انو قالي انا بفكر أبيعها وأجيب الــ 1600.

فأنا رأيي تشوف حاجة 1600 نضيفة ويكون فرق السعر مش كبير بالنسبة لك.

لو مش هينفع شوف لك فيرنا 1600 وأمرك لله :ma::shyy:

بص ياباشا من مجرب 1300 مانيوال ماشاء الله زى الفل بالنسبالى بس طبعا العزم اقوى فى 1600 والقرار ليك

خليك فى ال 1600 خصوصا لو كانت أوتو لو 1300 يبقى مانيوال متركبهاش أوتو

ممكن تقولنا كنت راكب عربيه ايه قبل كده علشان الموضوع ده هيفرق
لانك لو كنت راكب حاجه اعلى يبقى مش هتعرف تركب دى

انا مش عارف الناس بتكره العربيه دى ليه , انا ركبتها مع واحد و سافرت معاه حوالى 200 كم و كان ماشي 120 و التكييف عادى جداً و كانت اوتوماتيك و طول السكه كنت مفكرها 1600 لحد ما وصلنا بتكلم معاه عرفت إنها 1300

غير كده كل الناس اللى راكبه الكريستاله محدش اشتكى منهم فى اى حاجه مع انها 1300 و موديل اقدم

عشان الكريستالة والمكواة أغلبهم مانيوال وجايز يكون فيه اختلاف فى الوزن

السلام عليكم
انا معيا 1300 اوتوماتيك هى حلوة بس لما تشغل التكيف بتبقى ضعيفة متوسط ولما بحب اشد بقفل التكيف نص دقيقة لحد اوصل 60 كيلو وارجع اشغلو تانى كل ده جوه البلد بس اما بره مفيش الكلام ده وعايش عادى جدا.:

الناس كلها مش بتتكلم فى ال 1600 بالتكييف مع انها 1600 وبرضة لما بتشغل التكييف الماكنة بتضعف
شيىء طبيعى لان التكييف بيسحب من قوة الموتور
من الاخر ال1300 لو مركب فيها 4 او 5 ومشغل التكييف وحبيت تجرى او تشد مش حتديك اداء مقنع
غير كدة عربية محترمة جدا وزيها زى الكورولا بالظبط ويمكن احسن ف الشكل والتابلوة

توكل علي الله مدام انت سواقتك هاديه وانا شايف ان ال 1300 مش بطه بلدي وبالاول والاخر مهاره السواقه اللي بتجري العربيه باي وقت مش العربيه اللي بتجري لوحدها

متشكر جدااااا يا جماعة على ارائكم ... وربنا مايحرمنى منكم ومن ذوقكم

بس سؤال مهم ... بعد تشغيل التكييف و السفر والمشاوير ... المشكلة كلها فى السحب والتجميع فقط

ولا الموضوع بيأثر فى عمر الموتور ... ؟ ؟ ؟

بص ياباشا مدام حضرتك زى ماقولت ملاكش فى الشد وكده يبقى توكل على الله انا كان معايا بومه 2007 1300 اوتو كل المشكله كانت فى التكييف لاكن غير كده حلوه واوقات كتييييييييير كنت بشغل التكييف واقرص عليها وامحصلش اى حاجه فى الماتور مع العلم انها قعدت معايا حوالى سنه وكنت فارمها وبعتها وهى سليمه الحمد لله وبجد شايف انها احسن من 1600 علشان موضوع البنزين ديه موفره جداااااااا لاكن 1600 بلاعه فتوكل على الله والف مبرووووك مقدمااااا

اقتباس:

---

المشاركة الأصلية كتبت بواسطة eldell

بص ياباشا مدام حضرتك زى ماقولت ملاكش فى الشد وكده يبقى توكل على الله انا كان معايا بومه 2007 1300 اوتو كل المشكله كانت فى التكييف لاكن غير كده حلوه واوقات كتييييييييير كنت بشغل التكييف واقرص عليها وامحصلش اى حاجه فى الماتور مع العلم انها قعدت معايا حوالى سنه وكنت فارمها وبعتها وهى سليمه الحمد لله وبجد شايف انها احسن من 1600 علشان موضوع البنزين ديه موفره جداااااااا لاكن 1600 بلاعه فتوكل على الله والف مبرووووك مقدمااااا

---

تسلم يا غالى على ذوقك ... ربنا يبارك فيك ...
وهتوكل على الله وربنا ييسر لما فيه الخير بإذن الله

اقتباس:

---

المشاركة الأصلية كتبت بواسطة halika76

تسلم يا غالى على ذوقك ... ربنا يبارك فيك ...
وهتوكل على الله وربنا ييسر لما فيه الخير بإذن الله

---

تحت امرك ياحبى وربنا يكرمك باذن الله ومبروووك مقدما:

اخى العزيز انا كانت معايا لانسر 2001 وكانت 1300 cc مانوال يوم مابعتها سنة 2008 كانت ماشيه 399 الف كم وكنت بعملها صيانتها بره التوكيل بس كنت بعمل الصيانه فى مواعيدا بالظبط
غير كدا بصرحه كانت بنت حلال وعربيه يعتمد عليها

اقتباس:

---

المشاركة الأصلية كتبت بواسطة omaroof

اخى العزيز انا كانت معايا لانسر 2001 وكانت 1300 cc مانوال يوم مابعتها سنة 2008 كانت ماشيه 399 الف كم وكنت بعملها صيانتها بره التوكيل بس كنت بعمل الصيانه فى مواعيدا بالظبط
غير كدا بصرحه كانت بنت حلال وعربيه يعتمد عليها

---

ماشاء الله 399الف كيلو ... ربنا يباركلك ... تسلم يا غالى على رأيك

عربية زي الفل وبيتعمل بيها كل حاجة, حتى لو بتاع جري هتحس ان تجميعها فى الاول والتانى مش صاروخ بس كويس , وعلى فكرة برضه ودي حاجة مهمة جدا :: انت ممكن تجيب الغيار على الفين أر بي ام وممكن تنقل على 5000 ار بي ام

كله بيعتمد على فهمك للعربية - والاوتوماتيك عموما - ودوستك عالبنزين

شوية تقيلة فى طلعت كوبري لو طالع من ثبات ومعاك ناس كتيرة, بس عادي

واوعى تنسي الكيك داون اللى تحت رجلك ,, يخليك اجدع من اجدع عربية مانيوال -سيراتو-بيجو كوبيه-هيونداي- وعن تجربة :)

بالتوفيق

مشكلة العربية معاك هتكون فى التجميع فى الاول بس انما بعد كدا طيارة ان شاء الله

شكراً لردودكم يا جماعه ,,, وربنا يبارك فيكم جميعاً

أنا فعلاً خلصت فيها ... وفى الأول وفى الأخر كله بأمر الله ... والحمد لله كما ينبغى لجلال وجهك وعظيم سلطانك