نسبة الانضغاط للمحركات الموجودة بالسوق و البنزين المناسب

**SAMEH_FOUAD** · 11-10-2012 01:28 PM

المشاركة الأصلية كتبت بواسطة hany63

بعد اذنك ياسامح انا كنت بحط 95 في السيفيك 2010 لو حطيت 92 هتفضل بنفس الكفاءه؟

محرك السيفيك ال 2010 نسبة انضغاطة 10:5 يعنى مع ال95 هيكون اقوى جدااااااااا طبعا

ياجماعة فية نقطة انتوا مش عارفينها

ان كل سيارات هوندا من اول عام 1992 بتوصى باستخدام بنزين 95 للمحركات الانجيكشن ودة عشان محركات هوندا نسبة انضغاطها عالية وكمان عدد لفات المحرك عالية فكل دة عايز بنزين سريع الاشتعال

طيب انتوا عارفين انا عندى فى كتالوج العربية بالنسبة للمحرك الرياضى b16a الخاص بال SiR كاتبلى كدة يوصى باستخدام بنزين 95 ويستحسن بنزين 98 انتوا شايفين الرقم سنة 1995 كان فية بنزين 95 و98 واحنا نزلنا ال92 فى عام 2003

**SAMEH_FOUAD** · 11-10-2012 01:34 PM

المشاركة الأصلية كتبت بواسطة mmbadroo

على فكرة معظم محطات البنزين فى السويس محترمة ولايوجد غش وبعدين المستودع مجاور لللمحطات يعنى بتاخذ من المنبع نفسه
وممكن الساده ملاك السبورتاج ياريت دخلوا يأكدوا أو حتى ينفوا الكلام ده لأنى سألت ملاك كثرين وأكدوا استخدامهم ل92 بدون مشاكل ايضا وبعدين اعتقد والعلم عند الله ان التوكيل صعب يضع نفسه فى مشكلة خاصتا لعربية بياعة . ومع كل هذا انا لا انكر ان استخدام 95 بالضرورى سوف يكون افضل
واعتقد بالرغم من عدم خبرتى فى هذا المجال ان الموتور الgdi تآثيره فى النزول بالبنزين المستخدم مختلف تماما عن الموتور التربو - وبعدين التجربة هى خير دليل - ومحدش ممكن يجازف ويستعمل بنزين غير مناسب مع سيارة جديده ( يعنى لو كان ظهر اى اختلاف فى الآداء اكيد كنت هرجع تانى لل95)كما اعتقادى بان الوكيل مش ممكن يجازف بينا ويدخلنا فى حيطة مش كده ولا إيه

معلش ياباشا الوكيل لو قال العربية دية بتشتغل ببنزين 95 محدش هيقرب جنبها مش كفاية سعرها كمان البنزين فخرج الوكيل من الموضوع دلوقتى لاننا عارفين الهدف اولا واخيرا الربح مش رضاء العميل

دلوقتى لو الناس كلها بتعمل كدة بتمون 92 على نسبة انضغاط محرك 11:1 يبقى انا عرفت اية سبب الصوت المزعج لمحرك الكيا سبورتاج معلش مع احترامى لحضرتك , بس العربية دية كانت ماشية جنبى وانا صوت ماتورى مش طالع نهائى وهو ماشى جنبى وعربيتة صوتها عالى جدا وكمان مش عارف يعدينى لانى كنت ماشى بالراحة معدتش ال40 كم

جرب ياباشا تعمل اختبار لنوعية البنزين ال95 وقولى النتيجة لان لا يمكن هقتنع ابدا ان نسبة انضغاط محرك 11:1 تمشيها بنزين 92 ويكون مافيش فرق كمان مابين ال95

**محمد بدر** · 11-10-2012 01:54 PM

المحرك صوته مزعج . غريبة ديه !!!!!!!!!
على فكرة انا مش هتكلم عن الموضوع ده علشان شهادتى بهذا الشكل وبهذا النقاش هتكون مجروحة ولاكن ممكن اترك اصدقائى والمفجآه انهم من قسم نيسان ومن صفوة المنتدى جربوا سيارتى بالبنزين 92 وهما ممكن يتكلموا عن موضوع السحب والصوت أستاذ /أحمد مصطفى واستاذ / بسام
ولك خالص تقديرى واحترامى لمعاليك

**BassamHafez** · 11-10-2012 01:54 PM

المشاركة الأصلية كتبت بواسطة mezox

قبل الدخول في الموضوع أنا بقالي فترة بحاول اشوف سيارة في حدود 200 ألف تكون مناسبة لظروفي و طبعا بنزين 95 صعب استخدمه خصوصا لو غلي عن كده , و طبعا في عربيات كتير كويسة لكن نقطة أنهي بنزين مناسب لكل عربية كانت عملية مبهمة بالنسبالي و كلام البائعين كان للاسف متناقض جدا ومفيش منهم رجا , فقولت يا واد بلاش وجع دماغ و شوف عمك جوجل حيقولك ايه خصوصا أنا عايز العربية تعيش معايا سنين مش حبيع قريب

بحثت عن ال compression ratio و ال octane المناسب ليها لقيت الرسمة الجميلة دي

دلوقتي وضحت الصورة شوية تعالوا نشوف المحركات المتوفرة في مصر اخبارها ايه

kia sportage 11.0:1

subaru xv 10.5:1

nissan qashqai 9.8 :1

peugeot 508 10.5 :1

ford mondeo 11:1

ford focus new shape 11:1

و هنا كانت الصدمة بالنسبالي , يعني الموتور ال gdi بتاع kia و الموتور بتاع فورد ال compression ratio بتاعته اعلي من الموتور التربو لل 508 :t_thum1[1]:

سؤالي دلوقتي ليكم هل ال 508 كده مناسب ليها 92 ام لأ

و سوال اخير المواتير ال eco boost الجديده من فورد اللي حتنزل في المونديو الشكل الجديد نسبة الانضغاط فيها 10:1 فقط مع إنها متربنه هل معني كده إن يصلح ليها بنزين 92 ؟؟

على فكر القاشقاي المانيوال بس هي اللي 9.8 لكن الاوتو منها 10.7

**SAMEH_FOUAD** · 11-10-2012 02:05 PM

المشاركة الأصلية كتبت بواسطة mmbadroo

المحرك صوته مزعج . غريبة ديه !!!!!!!!!
على فكرة انا مش هتكلم عن الموضوع ده علشان شهادتى بهذا الشكل وبهذا النقاش هتكون مجروحة ولاكن ممكن اترك اصدقائى والمفجآه انهم من قسم نيسان ومن صفوة المنتدى جربوا سيارتى بالبنزين 92 وهما ممكن يتكلموا عن موضوع السحب والصوت أستاذ /أحمد مصطفى واستاذ / بسام
ولك خالص تقديرى واحترامى لمعاليك

والله ياباشا دة اللى لاحظتة على فكرة انا مش كلامى على داخل المقصورة , انا كلامى على صوت المحرك من الخارج

ودة اللى لاحظة اصحابى كمان وقالولى هية مال صوتها عالى كدة لية

**BassamHafez** · 11-10-2012 02:22 PM

المشاركة الأصلية كتبت بواسطة mmbadroo

المحرك صوته مزعج . غريبة ديه !!!!!!!!!
على فكرة انا مش هتكلم عن الموضوع ده علشان شهادتى بهذا الشكل وبهذا النقاش هتكون مجروحة ولاكن ممكن اترك اصدقائى والمفجآه انهم من قسم نيسان ومن صفوة المنتدى جربوا سيارتى بالبنزين 92 وهما ممكن يتكلموا عن موضوع السحب والصوت أستاذ /أحمد مصطفى واستاذ / بسام
ولك خالص تقديرى واحترامى لمعاليك

استاذ محمد انت فعلا معاك حق

بس عشان انا عن نفسي عشان ابقى صادق في عرض الموضوع

انا اول ما ركبت العربيه وطلعت بيها سالتك فيها بنزين ايه عشان طلعتها كانت كويسه بس على فكرة ده مش مقياس ان البنزين كويس ولا لا

الحاجه التانيه احنا جربنا العربيه في مكان السرعه القصوى فيه ما زادتش عن 80 لاني بالرغم من اني حاولت اكبس على العربيه الا ان الطريق ما كانش مساعد وده برضو مش مقياس للحكم على البنزين

عشان فعلا تقدر تحكم على البنزين وعلى صوت المحرك لازم يكون في حرق لحد 6 او 6 ونص ار بي ام وكان تشوف التوب سبيد بتاعه العربيه مع كل نوع بنزين

ولو حضرتك مش بتجري او تحرق بالعربيه مش ها تحس فعلا بفرق في نوع البنزين

لكن عن تجربه في عربيتي التيدا سابقا لما كنت بحط 92 كانت بتفرق عن 95 وخصوصا في اخر كل نقله والتوب سبيد بتاع العربيه بالرغم من ان انضغاطها كان 9.8 ولكن بوجيهاتها الاصليه كانت ايريديوم ودي بتحتاج حرق كويس عشان تشتغل كويس وكمان في الكاتالوج بتاع العربيه وعلى تنك البنزين نفسه كان مكتوب يفضل بنزين 95

وعلى فكرة في التوكيل كانوا بيقولولي العربيه مش محتاجه 95 وبتمشي ب 92

وناس كتير جدا اعرفهم بيحطوا فيها 92 وماشيين عادي بيها

بس الموضوع ليه علاقه بالاحساس بالعربيه وامكانياتها بشكل دقيق وده مش موجود في ناس كتير لانهم اصلا ما يتعرضوش للموقف اللي يبين فرق بنزين عن التاني ( زي الحرق الكتير مثلا او الجري بالعربيه )

ابموضوع كله فرقات محتاجه دقه ملاحظه عشان تقدر تعرف فرق الاداء مع كل نوع بنزين

وضعا في الاعتبار الضمير اللي ممكن يكون منعدم في بعض محطات البنزين واللي ممكن يخللي بنزين 90 زي 92 زي 95

وعلى فكرة ممكن يكون احساسك ده نابع من ان البنزين اللي بتحطه في عربيتك نضيف قوي ( اللهم لا حسد )

**Formulator** · 11-10-2012 02:38 PM

السلام عليكم،

للأسف يا رجالة الـCR بتاع الموتور مش كل حاجة فـ جزئية تحديد الأوكتان المستخدم؟؟!!!
الأهم من نسبة الإنضغاط.. هو الـMap/الـTune بتاع كنترول الموتور!!

وتحديدا: الـignition Advance/Timing Map أو ماب الإشعال (زى تقديم وتأخير الكهرباء زمان فـ العربيات الكاربيراتور)؟؟!!!
أو فيشة الأوكتان فـ التسعينات.. دلوقتى الكلام ده بقى يتعمل Electronic

- بيبقى فيه جدول Advance لكل موتور، سوفتوير بينزل integrated مع الـMap بتاع الـinjection/ignition على الـECU

اللى بيحصل ان الـECU بتاخد الـinputـات بتاعتها من الـknock-sensor
لو حس بأى pinging (كركرة خفيفة مع الـload) أو knock ولو فـ سلندر واحد.. بيأخر توقيت البوجيهات بـ تدريج متخزن مسبقا.. مثلا يأخر بـsteps كل مرة درجتين-3 لحد ما الـknock يختفى...
(هو كده فهم ان البنزين أوكتان قليل وبيتحرق بالـcompression لما البساتم تضغطه مش بالـSpark بتاع البوجيهات)؟!!

- طبعا لو تشيباية متطورة (بتاع شركة عندها تكنولوجى) بتبقى عليها Progressive Map
يعنى: بيبدأ يرجع التقديم فـ الـTiming تانى بمقدار جزء من الدرجة 0.5-0.8 درجة مثلا.. عشان يحقق أفضل إستفادة من الأوكتان بتاع البنزين، دون حدوث knock!!

- لو عربية Super-Sport زى الفيررارى عليها موتور High-Revving (بصف النظر ان الـCR بتاعته 12.5:1).. بيبقى متبرمجة بـAggressive Timing Advance Map
يعنى الـECU بتبقى متأهبة انها ترجع الـadvance بسرعة وأعلى حاجة ممكنة.. عشان ده موتور عربية سبور والمفروض يبقى highly-efficient

آه ونسيت أقول ان الـECU بتبقى Self-Memorizing بتتعلم من تفويلتين-3 للتانك انها تضبط على البنزين اللى بتحطه فـ منطقتك؟!!

- آخر حاجة بقى: لو تشيباية مش متطورة، بتطبق Timing Strategy متراجعة أو Regressive أوى.. يعنى لو أخر الـadvance مش هيرجعه بسهولة،
وهيخلى الموتور يـrun على الـMap المتأخرة دى (basic).. وبالتالى فقد كبير فـ الباور وتقصير العمر الإفتراضى للموتور؟!!!

المثال الأخير ده شائع جدا فـ كنترولات الكورى (الـtycho والـmando) وبعض اليابانى (الـdenso).

والأمثلة اللى فوق (الـprogressive) طبعا بتنزل فـ تشيبات الـBosch والـSiemens

فـ مش بس الـCompression-Ratio لأ، دا الـState-of-Tune بتاع الموتور هو اللى بيفرق أكثر؟؟!!!

- مين يعرف ان البافارية بتطلب من BMW انها تعمل re-calibration لكنترول المواتير الـN20 والـN55 وحتى الـN16 عشان تشتغل ببنزين 92 فـ مصر؟!!
(أهى هو ده اللى بيتغير فـ الـmap.. الـTiming-Advance)،
ويقال ان BM رفضت الـde-Tune ده فـ مواتير التوين-باور تربو الجديدة فـ الـF30/F10 لأقل من 95؟؟!!!
(يعنى ضبطوها على 95 وقالوا للبافارية ماينفعش أقل من كده)؟!! ههههههههههههههه

**Formulator** · 11-10-2012 02:54 PM

عايز أقول بس بالنسبة لمواتير التربو:
دايما الـCR بتاعتها بتبقى أقل من الـN/A، عشان الهواء بتاع الـintake أصلا بيدخل مضغوط مسبقا من التربوKompressor
فـ مفيش داعى انه يزود الـThermal/Pressure-Load على البساتم والوش-البلوك.. وبيعلى الـEfficiency بتاع الموتور بالـAdcvance-map اللى بنقول عليها!!

مواتير الـT-JET والـTSI بتاع الفيات والفولكس نسبة إنضغاطها 9.8:1.. هل معنى كده انها تاخد 92؟؟!!!
لأ طبعا: هتسقف وتكركر للصبح، ولما الـECU يضبط الـAdvance على 92.. هترجع تسقف تانى لما الـmap ترجع التقديم فـ الـTiming!!
(لأنها متبرمجة على 95 أقل حاجة وطالع بقى 98 و 100 أوكتان)؟!!!

المشاركة الأصلية كتبت بواسطة mmbadroo

واعتقد بالرغم من عدم خبرتى فى هذا المجال ان الموتور الgdi تآثيره فى النزول بالبنزين المستخدم مختلف تماما عن الموتور التربو - وبعدين التجربة هى خير دليل - ومحدش ممكن يجازف ويستعمل بنزين غير مناسب مع سيارة جديده ( يعنى لو كان ظهر اى اختلاف فى الآداء اكيد كنت هرجع تانى لل95)كما اعتقادى بان الوكيل مش ممكن يجازف بينا ويدخلنا فى حيطة مش كده ولا إيه

على فكرة مواتير الحقن المباشر بتتأثر من البنزين الـ92 أكثر من مواتير التربو؟؟!!! ههههههههههههه
أصلا: كفاية الـSuper-knocking اللى ممكن يحصل (مش knocking بقى زى المواتير الـMultipoint injection)؟!!

وعشان average driver، وبعربية ثقيلة زى السبورتاج وموتور صغير 1.6 GDI يلاحظ الفرق بين الـ92 والـ95 لازم:
تفويلتين-3 بنزين 95 ومن بنزينة نظيفة (2 تانك أقل واجب)
وبرضه مش هتحس بالفرق إلا فـ الـHigh Engine-Load أو الـAcceleration من سرعة عالية!!

إرجع بقى حط 92 تانى (بعد الـprocedure اللى فوق دى) وانت اللى هتيجى تقول ان الـ95 حاجة والـ92 عربية تانى خالص؟؟!!!

(إلا بقى لو الـECU عندك عليها Timing-Map متراجعة ومش هتفهم يعنى أيه 95 كأداء).. لكن هتقلل الباور وتأثر عـ الموتور بس؟!!

هههههههههههه

الموضوع: نسبة الانضغاط للمحركات الموجودة بالسوق و البنزين المناسب

LinkBack

أدوات الموضوع

عرض

-

-

-

-

المواضيع المتشابهه

نسبة الانضغالط للمحركات الموجودة بالسوق و البنزين المناسب

ماهي نسبة الانضغاط في محرك الكروز ونوع البنزين الأمثل لمحرك الكروز

نسبة الانضغاط نيسان صني ١٩٩٩

ماذا تعرف عن نسبة الانضغاط و علاقتها برقم الاوكتانCompression Ratio

نسبة الانضغاط في الصني

الكلمات الدلالية لهذا الموضوع

المفضلات

المفضلات

ضوابط المشاركة