رأيكم ايه ؟

**solyahmed** · 06-07-2008 01:44 PM

الاعضاء الاعزاء اسف لغيابى الفتره الماضيه عن المشاركه في المنتدى بسبب ظروف الشغل
عاوز اخذ رايكم في الموضوع: انا طبعا من محبين الجين ٢بسبب كلامكم الجميل جدا عنها رغم اني ما شوفتهاش غير في الصور لأ نها مش موجودا هنا في فرنسا ـ باريس بس من كلامكم عنها حجزتها (علشان لما انزل مصر ) من توكيل عزالعرب تقسيط مع البنك. وكنت حاجز اللون الاسود مانيول بس كلمتوهم انبارح قالولي مافيش اسود خالص وجبنالك واحده مانيول بس لون (شانبين) وحتي في الدفعه الي جايه ما فيش مانيول خالص وكلها اوتومتيك ولو مصر علي الاسود او حتي اي لون تاني تاخذ اوتومتك من الدفعه الي جايه.و انا مش عاوز اوتومتك علشان كلامكم هنا في المنتدي ان الاتومتيك في فجوه في الغيار و التجميع بطيء والمنيول فيها احسن.كلمت صحابي في اسكندريه قالولي مش لازم
اسود اصل الا سود ح يصغرها اكتر ما هيا صغيرا . قولتلهم الله وهي اصلا صغيرا (ما انا ما شوفشهاش غير في الصور ) قالولي يعني . طب يا جماعه هي في حجم الانوس قالولي لا اصغر .انا حسيت انها مش ذي الي في الصور .و ما بقتشي عارف هي كبيرا ولا صغيرا ولا ايه ولا في حجم ايه??انتم رأيكم ايه ?و اعمل ايه في موضوع اللون ؟ والشابيين ده حلو ولا ايه ؟طب اجيب اوتومتيك علشان اللون؟

**hazem_khidr** · 06-07-2008 02:09 PM

اولا الف مبروك و ربنا يتمم لك علي خير و تيجي تستلم عربيتك بالسلامه
بالنسبه للحجم ف العربيه مش صغيره للدرجه
يعني تقدر تقول في حجم الجولف 4 او الجولف 3 كده
يعني ما يتقالش عليها عربيه صغيره.
اما بالنسبه للون ف دي حريه شخصيه و حاجه ترجعلك :)

**haneena** · 06-07-2008 02:35 PM

معلش العربية دى صغيرة من جوة والمسافة بين الكنبة والكراسى ضيقة ده غير ان سقفها واطى جدا انا ركبتها فى المعرض ولقيت انى لو مديت راسى لقدام شوية هاخبط فى الازاز
وكمان كراسيها ناشفة وقعدتها مش مريحة وانصحك تشوف العربية بعينك الاول وتقعد فيها قبل ماتحجز
هى العربية فعلا فيها امكانيات حلوة لكن صالونها فقير جدا وضيقة جدا خصوصا من ورا ودى مش محتاجة افتاءات لان شكلها من برة لوحده بيقول كده واللى قاعد ورا لو طويل شوية راسه هاتخبط فى الازاز

**fahd_628** · 06-07-2008 02:44 PM

السلام عليكم

بالنسبة للحجم فا هية متوسطة يعنى مش كبيرة و مش صغيرة

الطول 4,310 MM

طول الانوس 4235 MM بالنسبة للسيدان يعنى اطول من الانوس

و بالنسبة لأنك حجزتها منغير ما تشوفها فا انت ياريت تشوفها الأول يعنى فعلا حكاية السقف واطى فى الخلف دية صحيحة بس مش واطى اوى يعنى و فية عربيات كتيير اوى اوى اوى اوى فيها العيب دة اقربهم الفولكس Scirocco

فا عادى يعنى بس لازم تشوفها

**tutankhamoun** · 06-07-2008 04:12 PM

الكنبة الخلفية واطية للناس الطوال
أنا طولي 180 سم ,,,,,,,,,,,,, و مفيش أي مشاكل لما بقعد ورا
بس مفيش وسع لرأسي ............ يعني مثلا الماتركس أعلى في السقف
لو أنت هاتستخدم العربية لوحدك معظم الوقت او الناس اللي بتركب معاك مش طوال قوي
يبقى مفيش أي مشكلة
أنا بيركب معايا ناس طولهم معدي 195 سم و لما سألتهم
محدش منهم أشتكى و قالوا إن القعدة ورا مريحة جدا
و بالنسبة للكراسي الأمامية ............ كويسين و مريحين
العربية بقالها معايا 9 شهور دلوقتي .,,,,,,,,,,,,, و ممتازة

و العربية تصميمها كدا علشان الإنسيابية
و ده بيبان في الجري بالعربية

و عموما .......... برضه ............ لازم تشوف العربية كويس قبل ما تستلمها
و أنا أقترح عليك
آجل ميعاد الإستلام لغاية ما تيجي مصر ............ و إذا عجبتك
أستلم و أتكل على الله
ما عجبتكش ................ ألغي الحجز و شوف حاجة غيرها

-----------------------

ياباشا ........... تذكرة في القطار لغاية لندن
و أنزل أتفرج عليها في أي معرض هناك
لو أنت فعلا عايز تخلص من و أنت في باريس
بس لازم لما تيجي تستلم تمقق عينك في العربية
و تراجع على كل حاجة كويس

بالنسبة لحجم العربية
العربية حجمها كويس قوي
و مش صغيرة خالص ........... و مش كبيرة
تقريبا في نفس طول اللانسر و اللانوس
علشان أنا لما بأركن جنبهم ................. بيكون نفس الطول تقريبا
بس هي عريضة
يعني مش عربية صغيرة
عربية متوسطة الحجم ................ هاتش باك متوسط

**solyahmed** · 06-07-2008 04:35 PM

طب اعمل ايه في موضوع اللون ؟ والشابيين ده حلو ولا ايه ؟طب اجيب اوتومتيك علشان اللون؟

**Eng.Sameh** · 06-07-2008 05:03 PM

المشاركة الأصلية كتبت بواسطة solyelissa

طب اعمل ايه في موضوع اللون ؟ والشابيين ده حلو ولا ايه ؟طب اجيب اوتومتيك علشان اللون؟

استنى لشهر 9 واستلم الجديدة ال FaceLift خاماتها الداخليه افضل بكتييييير جدا ، وكمان الواجهة والفوانيس احلى ، وبالنسبه للون انا شايف ان ال Metal Grey ممتاز وربنا يوفقك

**hazem_khidr** · 06-07-2008 05:31 PM

حضرتك لازم تشوف اللون و تقتنع بيه ما ينفعش حد يقولك هات لون كذا لانك انت اللي راكبها مش حد غيرك:)

**haneena** · 07-07-2008 10:13 AM

مش معنى ان العربية طول اللانوس من برة يبقى حجمها من جوه كويس
العربية من جوه مش مريحة وضيقة وانا قعدت فيها اكتر من مرة فضلت رايحة على المعرض اكتر من تلات مرات وكل مرة احاول اقنع نفسى بيها وبصراحة لقيت انها ماتنفعش عربية عائلية

لازم حضرتك تشوفها وتجرب قعدتها قدام وورا بنفسك ماينفعش تشترى سمك فى ميه

**tutankhamoun** · 07-07-2008 04:39 PM

المشاركة الأصلية كتبت بواسطة haneena

مش معنى ان العربية طول اللانوس من برة يبقى حجمها من جوه كويس
العربية من جوه مش مريحة وضيقة وانا قعدت فيها اكتر من مرة فضلت رايحة على المعرض اكتر من تلات مرات وكل مرة احاول اقنع نفسى بيها وبصراحة لقيت انها ماتنفعش عربية عائلية

لازم حضرتك تشوفها وتجرب قعدتها قدام وورا بنفسك ماينفعش تشترى سمك فى ميه

أولا .......... فعلا ما ينفعش الراجل يشتري سمك في مية
لازم يشوف العربية

العربية مش ضيقة زي ما حضرتك بتوصفيها كدا
السقف فعلا من ورا واطي شوية
إنما ضيقة دي .................................. لاءة
أنا بقول لحضرتك الناس بتركب معايا ورا و سألتهم مخصوص علشان أتأكد من الموضوع ده
و محدش أشتكى نهائئ منها
و برضه محدش قال إن قعدتها مش مريحة

هي عادية لا مريحة على الأخر و لا تضايق اللي يركب
و هي مش واسعة قوي ........... و مش ضيقة إطلاقا

و على فكرة صالون اللانوس ما يفرقش عنها كتير في الوسع

الموضوع: رأيكم ايه ؟

LinkBack

أدوات الموضوع

عرض

رأيكم ايه ؟ - انشر الموضوع فى :

-

-

-

-

-

-

-

المواضيع المتشابهه

أيه رأيكم فى mg 3

ايه رأيكم؟؟؟

عايز رأيكم فقط رأيكم

إيه رأيكم في الـ 127 دي !!!!!!!!!!!!

ايه رأيكم ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة