عندي مشكله في الجراند بونتو

**ahany1** · 10-10-2012 01:09 PM

انا عندي مشكله في الجراند بونتو
لمبة الاير باج منوره والكلاكس فصل والملتيفنكشن كمان
والتوكيل قالوا لازم نغير ذراع الأشارات (1800جنيه) عشان محدش بيصلح الذراع ده عندهم بس المهندس هناك قالي ممكن تلاقي حد بره التوكيل بس انا مش عارف فين ,,,,, نرجوا المساعده

**macdiv** · 10-10-2012 02:15 PM

عربيتك موديل كام و عامله كام الف و فكو الطاره و لا .. و خت حادثه من ادام ولا،،، يريت تفصيا اكتر عشان نقدر نساعدك

**ahany1** · 10-10-2012 02:25 PM

العربيه موديل 2007 و عامله 125000 كم وهما في التوكيل غيروا الذراع الأشارات ده قبل كده من سنه بس المشكله حصلت تاني ومفيش ضمان ولما روحت تاني قالولي لازم يتغير تاني او (أشوف حد بره ممكن يصلحوا) من كلام المهندس فهمني انها مشكلة كهرباء بس صعبة شويه

**TheUnknown** · 10-10-2012 02:30 PM

مليش خبرة فى فيات اوى بس اظن هيا متعلقة بالCIM module ده مسؤل عن الكلاكس و الملتى فنكشن و النور .
كان فى مشكلة فى الاسترا كدا ان اما تنور النور الكلاكس بيفصل و الملتى فنكشن بيهيس.

**ahany1** · 10-10-2012 02:45 PM

Macdiv حقيقي كلامك مفيد جداً

**macdiv** · 10-10-2012 02:48 PM

المشاركة الأصلية كتبت بواسطة ahany1

Macdiv حقيقي كلامك مفيد جداً

انا مش بتريآ عليك ..متفهمش غلط ..

**movies** · 10-10-2012 02:52 PM

انا واحد صاحبى كان عنده نفس المشكلة راح جاب الدراع دا جديد من محمد يوسف فى اول فيصل ب 1000 جنية تقريبا ايطالى

**momomonti_15** · 10-10-2012 04:32 PM

المشكلة ديه كانت عندى .. عملتها فى التوكيل داخل الضمان بس عذبونى 4 شهور كل شوية يقولك القطعة ديه لسة مجتش .. هوا دراع الإشارات بيكون فى حاجة باظت بتخلى لمبة الإير باج تنور وبعد كدة المالتى فنكشن مش بتشتغل وآخر حاجة الكلاكس بيبوز ولازم تغير دراع الإشارات دة .. لو عايز تسأل عليه فى أى مكان إسمة Cool Spring وفعلاً فى التوكيل سعره 1800 جنيه .. ربنا معاك

**hishamtalaat** · 11-10-2012 01:57 AM

أنا حصلتلي المشكلة في وفي ال ايفوا كمان باظت حاجة اسمها اجنايتر دي بتحتاج تغير المكان بتاع دراعات الإشارة كله أنا غيرتها عالضمن ببلاش وعلى فكرة لو إنت بره الضمن هاتها من مجدي البيومي في الحرفين موجودة بـ 1200 جنيه وممكن تفاصيل معاه