ثانيا العيوب :
1)موديل 2013 في عيب في الفرامل نتيجة التخزين بتلاقي رجة و رعشة في الدواسة و الدريكسيون مع الفرملة علي اي سرعة و رحت توكيل سموحة زي ما نصحني الاعضاء المهندس اللي هناك كان ذوق جدا و قالي فعلا دي مشكلة في موديل 2013 في مشكلة من التخزين بس مش موجودة في كل العربيات قالي بتروح فرع العامرية بيظبطولك حاجة في الطنابير بس انا كسلت الصراحة :grinder: قولت اعملها مع صيانة الالف و خلاص
غالبا المشكلة فى الطنابير زى ما قلت و انشاء الله سهلة بس لازم تتعمل فى اقرب وقت عشان كل ما هتمشى عليها الطنابير هتبوظ أكتر
2)التكييف: طبعا المفروض ميشتغلش فبل الالف بس انا قولت اجربو حسيتو ضعيف مقارنة بالمرحومة اللانسر كان تلاجة و كمان حسيت انو مش واصل للكنبة لان العربية من جوا مساحتها كبيرة و هما 4 فتحات بس في التابلوه فصعب يوصل لورا بس ناس طمنتني انو حيتظبط بعد كدا مع الوقت ... اه حاجة مهمة التكييف مش بياثر اوي في سحب العربية زي ما ناس كتير بتقول انا شايفو عادي جدا
خد بالك العربية 1600 و وزنها كبير كمان مع حمل التكييف هيكون الحمل كتير على المحرك هى فى المانيوال اقوى طبعا من الاوتو بس فى كل الفئات العربية دى مش بتاعت جرى يا اخوانا دى عربية برستيج و منظر و كده لكن عاوز اداء رياضى ما عندك السيراتو و ارخص فى الفلوس منها و اداء اعلى سواء بالتكييف او من غير
3)العفشة :بتهبد جامد اوي مع المطبات بحس اني ماشي علي بلالين
الكيا كله عفشته ناشفة بس مناسبة للطرق المصرية و بتستحمل و بتعيش
4)فرامل اليد : مفيييييش و في بدالها فرامل رجل دواسة رابعة جنب الدبرياج و دا بالنسبلي عيب ممل اوي و كل مرة انزل من العربية من غير ما اشدها قصدي ادوس عليها
النظام ده رخم الصراحه
5)خامات التابلوة : فقيرة الي حد ما و تفتقر لفخامة السيراتو و السول و لكن تقفيلها كويس جدا
دى ماحوظه عامه فى اغلب الكيا افضل خامات فى السول يليها السيراتو
6)الركنة :حتعذبك في الاول لحد ما تحفظ ابعادها عشان العربية كبيرة و مش حتة حتعرف تركن فيها و كمان في حاجة مهمة و انتا بتركن عمودي خد بالك الاكصدام بتاعها واطي شوية
طبيعى جدا العربية حجمها ضخم
7)الكاسيت : مش عارف لية مفيش ميموري للصوت كل ما اطفية و اشغله الاقي الصوت علي 10 مش عارف بقا حد عندو الموضوع دا غيري ؟؟!!
اروع كاسيت نزلته كيا هو كاسيت السيراتو بصراحه كاسيت ملوش حل فى نقاء الصوت و جودته يقارن بالكاسيتات فى العربيات الفخمه بصراحه
اخيرا ... عذرا للاطالة و يا رب اكون افدتكم و نصيحة لاي حد متردد يشتري العربية دي يصلي استخارة و يتكل علي الله عشان اخر حاجة في الموديل ده السنة دي و يا عالم الجديد حيكون ايه نظامه و بكام :w6266d
و في انتظار اي استفسارات انا تحت امركو[/QUOTE]
الف مبروك ربنا يباركلك فيها و يكفيك شرها