| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 25

  1. #1

    الصورة الرمزية محمد كمال الب

    رقم العضوية : 129741

    تاريخ التسجيل : 27Sep2012

    المشاركات : 22

    النوع : ذكر

    الاقامة : دمنهور

    السيارة: كيا كارينز

    السيارة[2]: لانسر 1998

    الحالة : محمد كمال الب غير متواجد حالياً

    افتراضي "كارينز الاختيار الامثل "تقييم مبدئي الكارينز بعد 700 كم - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    الحمد لله استلمت الكارينز 2013 مانيوال من حوالي شهر و نص و حبيت اشارك تجربتي مع اعضاء المنتدي الكرام ....اولا المميزات :
    1) الوسع و المساحة الداخلية : حاجة رهيييبة فعلا كل واحد راكب العربية مرتاح جدا فيها رجع كرسي السائق علي اخره و برضو اللي وراك قاعد مرتاح جدا كذلك الشنطة بها الكثير من مساحات التخزين و الادراج تحس انها ممكن تشيل اي حاجة و وضعية الفتيس مع الكونسول مريحة جدا لليد تحس انو فتيس ميكروباص:) من الاخر كدا العربية دي الاختيار الامثل للسيارة العائلية
    2)الارتفاع عن الارض ) معقول جدا جدا مقارنة بعربيتي القديمة المسروقة لانسر الكريستالة ربنا يردها بالسلامة اللي كانت بتحك في اي مطب تقابله و بالتالي العلو عن الارض ميزة كبيرة جدا بالنسبالي في الكارينز بتحس كدا انك كاشف الطريق كلو و انك اعلي من العربيات اللي حواليك
    3)التسارع : ممتاز جدا خاصة ان انا في فترة التليين بس العربية بتجييب 120 عادي جدا من غير ما صوت الموتور يعلي و لا rpm يعدي 3 و اعتقد بعد صيانة الالف الموتور حيفتح اكتر
    4)استهلاك البنزين : عادي جدا ناس كتير كانت مخوفاني منو بس انا حسيت انو عادي محسبتوش
    بالظبط بس حاسس انو مش فارق كتير عن عربيتي القديمة الكريستالة مع العلم انها كانت 1300 و الكارينز 1600 ف اكيد في فرق في الاستهلاك
    5)الثبات :حدث ولا حرج الحجم الكبير مدي العربية ثبات رائع بس بردو مقدرش احكم اوي عشان انا كان اخري بالعربية 120 كم و انا عامة سواقتي هادية و مش لازمني اكتر من كدا بس انا بتكلم في الثبات مقارنة بالماتريكس اللي هيا تعتبر نفس فئة الكارينز ركبت الماتريكس محبتهاش خالص و محسيتش اني متحكم فيها كويس زي الكارينز
    6)النظام الصوتي : معقول جدا توزيع الصوت كويس جدا ا مع 4 سماعات واحدة في كل باب بيادو الغرض مش وهميين بس عاجبني
    7)الشكل الخارجي عاجبني جدا بس دي اذواق انا عربيتي لونها اسود بس بعد ما جبتها حسيت ان الفراني او البني كانوا حيبقوا اشيك عليها بس في المجمل الشكل الخارجي كويس جدا ومع اضاءة الكشافات اللي عاجباني جدا العربية ما شاء الله تحفة
    8)اماكن التخزين الداخلية : العربية مليانة مخابئ في كل حتة في الابواب و التابلوة و الكونسول
    9)العربية ناعمة جدا و استجابة الفتيس رائعة خصوصا علي الطريق السريع
    ثانيا العيوب :
    1)موديل 2013 في عيب في الفرامل نتيجة التخزين بتلاقي رجة و رعشة في الدواسة و الدريكسيون مع الفرملة علي اي سرعة و رحت توكيل سموحة زي ما نصحني الاعضاء المهندس اللي هناك كان ذوق جدا و قالي فعلا دي مشكلة في موديل 2013 في مشكلة من التخزين بس مش موجودة في كل العربيات قالي بتروح فرع العامرية بيظبطولك حاجة في الطنابير بس انا كسلت الصراحة قولت اعملها مع صيانة الالف و خلاص
    2)التكييف: طبعا المفروض ميشتغلش فبل الالف بس انا قولت اجربو حسيتو ضعيف مقارنة بالمرحومة اللانسر كان تلاجة و كمان حسيت انو مش واصل للكنبة لان العربية من جوا مساحتها كبيرة و هما 4 فتحات بس في التابلوه فصعب يوصل لورا بس ناس طمنتني انو حيتظبط بعد كدا مع الوقت ... اه حاجة مهمة التكييف مش بياثر اوي في سحب العربية زي ما ناس كتير بتقول انا شايفو عادي جدا
    3)العفشة :بتهبد جامد اوي مع المطبات بحس اني ماشي علي بلالين
    4)فرامل اليد : مفيييييش و في بدالها فرامل رجل دواسة رابعة جنب الدبرياج و دا بالنسبلي عيب ممل اوي و كل مرة انزل من العربية من غير ما اشدها قصدي ادوس عليها
    5)خامات التابلوة : فقيرة الي حد ما و تفتقر لفخامة السيراتو و السول و لكن تقفيلها كويس جدا
    6)الركنة :حتعذبك في الاول لحد ما تحفظ ابعادها عشان العربية كبيرة و مش حتة حتعرف تركن فيها و كمان في حاجة مهمة و انتا بتركن عمودي خد بالك الاكصدام بتاعها واطي شوية
    7)الكاسيت : مش عارف لية مفيش ميموري للصوت كل ما اطفية و اشغله الاقي الصوت علي 10 مش عارف بقا حد عندو الموضوع دا غيري ؟؟!!
    اخيرا ... عذرا للاطالة و يا رب اكون افدتكم و نصيحة لاي حد متردد يشتري العربية دي يصلي استخارة و يتكل علي الله عشان اخر حاجة في الموديل ده السنة دي و يا عالم الجديد حيكون ايه نظامه و بكام
    و في انتظار اي استفسارات انا تحت امركو


  2. #2

    الصورة الرمزية mastr_n

    رقم العضوية : 50622

    تاريخ التسجيل : 21Oct2009

    المشاركات : 1,812

    النوع : ذكر

    الاقامة : El-Sharqia/Iraq

    السيارة: One enough

    السيارة[2]: kia cerato 2010

    دراجة بخارية: no

    الحالة : mastr_n غير متواجد حالياً

    افتراضي -

    العربية دية انا ركبتها قبل كدة وعجبتنى جدا
    ربنا يباركلك فيها ويديك خيرها ويكفيك شرها اامين

    لا الة الا انت سبحانك انى كنت من الظالمين


  3. #3

    الصورة الرمزية mohamed_selim

    رقم العضوية : 57630

    تاريخ التسجيل : 01Jan2010

    المشاركات : 4,129

    النوع : ذكر

    الاقامة : Cairo / Port Said

    السيارة: Kia Carens 1.6 2010

    السيارة[2]: Nissan Sunny 2014

    دراجة بخارية: -

    الحالة : mohamed_selim غير متواجد حالياً

    افتراضي -

    مبروك يا بيه و كويس انك رحت التوكيل و اطمنت على الرعشه و انها الحمدلله بسيطه و هتتعمل

    اقتباس المشاركة الأصلية كتبت بواسطة محمد كمال الب مشاهدة المشاركة

    3)التسارع : ممتاز جدا خاصة ان انا في فترة التليين بس العربية بتجييب 120 عادي جدا من غير ما صوت الموتور يعلي و لا rpm يعدي 3 و اعتقد بعد صيانة الالف الموتور حيفتح اكتر

    التسارع معناه هتجيب ال 120 فى وقت كام ... و ده العربيه لو مش عايز ال rpm يعدى ال 3 هتاخد معاك شوية وقت بس لو حرقت هتلاقيها معقوله بالنسبه لحجمها

    4
    ثانيا العيوب :
    2)التكييف: طبعا المفروض ميشتغلش فبل الالف بس انا قولت اجربو حسيتو ضعيف مقارنة بالمرحومة اللانسر كان تلاجة و كمان حسيت انو مش واصل للكنبة لان العربية من جوا مساحتها كبيرة و هما 4 فتحات بس في التابلوه فصعب يوصل لورا بس ناس طمنتني انو حيتظبط بعد كدا مع الوقت ... اه حاجة مهمة التكييف مش بياثر اوي في سحب العربية زي ما ناس كتير بتقول انا شايفو عادي جدا

    التكييف كويس و بيبان مع الوقت ... لو حاطط حاجه فى الشنطه و قافل العربيه و ماشى على طريق طوالى هتلاقيها ساقعه ... يعنى بيوصلها ... حاول بس تظبط اتجاه الهوا من الفتحات

    3)العفشة :بتهبد جامد اوي مع المطبات بحس اني ماشي علي بلالين

    الجنط عندك كام؟
    حط نيتروجين و اظبط الضغط عند حد مضمون حسب ما مكتوب على القايم

    4)فرامل اليد : مفيييييش و في بدالها فرامل رجل دواسة رابعة جنب الدبرياج و دا بالنسبلي عيب ممل اوي و كل مرة انزل من العربية من غير ما اشدها قصدي ادوس عليها

    هتتعود عليها :)

    7)الكاسيت : مش عارف لية مفيش ميموري للصوت كل ما اطفية و اشغله الاقي الصوت علي 10 مش عارف بقا حد عندو الموضوع دا غيري ؟؟!!

    قلهم عليها فى صيانة ال 1000 عشان ده موضوع غريب
    ربنا يباركلك فيها

    [justify]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/justify]


  4. #4

    الصورة الرمزية محمد كمال الب

    رقم العضوية : 129741

    تاريخ التسجيل : 27Sep2012

    المشاركات : 22

    النوع : ذكر

    الاقامة : دمنهور

    السيارة: كيا كارينز

    السيارة[2]: لانسر 1998

    الحالة : محمد كمال الب غير متواجد حالياً

    افتراضي -

    اقتباس المشاركة الأصلية كتبت بواسطة mastr_n مشاهدة المشاركة
    العربية دية انا ركبتها قبل كدة وعجبتنى جدا
    ربنا يباركلك فيها ويديك خيرها ويكفيك شرها اامين
    الف شكر يا باشا


  5. #5

    الصورة الرمزية محمد كمال الب

    رقم العضوية : 129741

    تاريخ التسجيل : 27Sep2012

    المشاركات : 22

    النوع : ذكر

    الاقامة : دمنهور

    السيارة: كيا كارينز

    السيارة[2]: لانسر 1998

    الحالة : محمد كمال الب غير متواجد حالياً

    افتراضي -

    اقتباس المشاركة الأصلية كتبت بواسطة mohamed_selim مشاهدة المشاركة
    مبروك يا بيه و كويس انك رحت التوكيل و اطمنت على الرعشه و انها الحمدلله بسيطه و هتتعمل



    ربنا يباركلك فيها
    الف شكر علي الرد يا استاذ محمد و متشكر علي النصائح القيمة


  6. #6

    الصورة الرمزية epnmasr

    رقم العضوية : 69129

    تاريخ التسجيل : 28Apr2010

    المشاركات : 444

    النوع : ذكر

    الاقامة : الهرم

    السيارة: أكسنت

    السيارة[2]: إكسيل

    دراجة بخارية: لا يوجد

    الحالة : epnmasr غير متواجد حالياً

    افتراضي -

    ربنا يحفظها ويبارك لك فيها

    سبحانك اللهم وبحمدك ، أشهد أن لا إله إلا أنت أستغفرك وأتوب إليك


  7. #7

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,814

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    الف مبروك .


  8. #8

    الصورة الرمزية Hossam_Hassan

    رقم العضوية : 333

    تاريخ التسجيل : 29Apr2007

    المشاركات : 3,621

    النوع : ذكر

    الاقامة : شرم الشيخ

    السيارة: Optra 2010 A/T

    السيارة[2]: Optra 2010 A/T

    دراجة بخارية: لا

    الحالة : Hossam_Hassan غير متواجد حالياً

    افتراضي -

    اولا الف مبروك

    ثانيا موضوع الطنابير ده حصل مع ابن خالتى، استلم من حوالى 3 اسابيع خرج من المعرض على المرور لقى العربية بترعش مع الفرامل، كلم المعرض و التوكيل و تانى يوم راح التوكيل قالوله الطنابير الأمامية و الخلفية عليها صدأ و غيرولوه الأمامية يومها بس الخلفية مكنتش موجودة و كلموه من كام يوم لما وصلت و غيروها برضوا.

    نصيحة ما تستناش صيانة الألف و روح غير ال 4 طنابير.

    أخوكم حسام حسن {أبو ليليا و سيليا}


  9. #9

    الصورة الرمزية Khaled Seif

    رقم العضوية : 22268

    تاريخ التسجيل : 15Oct2008

    المشاركات : 4,169

    النوع : ذكر

    الاقامة : ح حلوان / المعادي

    السيارة: It Was Matrix

    السيارة[2]: Kia Carens 2012 M/T

    الحالة : Khaled Seif غير متواجد حالياً

    افتراضي -

    بسم الله والحمد لله والصلاة والسلام على رسول الله

    أستاذ محمد أولا ألف مليون مبروك على السيارة , أسأل الله أن يرزقك خيرها ويكفيك شرها

    ثانيا مرحبا بحضرتك في قسم كيا

    وإن شاء الله تفيد وتستفيد

    أسأل الله أن يحفظها لك من كل عين

    وصل اللهم وسلم على سيدنا محمد



  10. #10

    الصورة الرمزية Domestix007

    رقم العضوية : 127207

    تاريخ التسجيل : 08Jul2012

    المشاركات : 42

    النوع : ذكر

    الاقامة : 6th of October City

    السيارة: Lada 2107 | 2008

    السيارة[2]: Kia Carens 2013

    دراجة بخارية: no

    الحالة : Domestix007 غير متواجد حالياً

    افتراضي -

    hasad">

    ألف مبروك .. أنا معايا برضو 2013 سوداء بس هاي لاين :)

    و عاوز أقولك إن العربية مش محتاجة تليين ولا حاجة أقرص من دلوقتي و شغل التكييف عادي ولا يهمك كل الجديد دلوقتي كده.

    أنا نزلت جربت الفرامل بعد الموضوع اللي حضرتك كنت كتبه عن الرعشة اللي فيها مع الفرامل مع إني كنت متأكد إنها راحت بعد صيانة الألف بس كلامك شككني و لما ركزت تاني لقيتها فعلاً راحت خالص.

    بالنسبة للتكييف هو عندي زي الفل عندي ورا و قدام للأمانة بس خللي بالك إن اللون الإسود بيسخن العربية جامد من جوه خصوصاً لو كان الفرش كمان إسود زي عندي بس دي شوية نصائح عشان تحسن أداء التكييف:
    1- ركب عازل حراري على الزجاج الأمامي و ده مهم جداً عشان العربية زي ما قولت لك سوداء فبتسحب حرارة جامدة و يستحسن تركب نوع كويس زي الـ 3m و خد معاه بقى كمان طبقة على الشبابيك كلها لو تقدر.
    2- خليه دايماً يجيب من جوه يعني حطه على وضعية إعادة تدوير الهواء.
    3- أول ما تطلع خليه على 2 خصوصاً لو حد راكب معاك ورا و بعد كده إنزل لـ 1 أو إنت هتنزل لوحدك مع الوقت لإنك هتتلج :)
    4- إطلع مشوار طويل كله بالتكييف في طريق مفتوح (إطلع إسكندرية أو السخنة يعني) عشان الفريون يتحرك و ياخد دورة كاملة .. هتفرق كتير و بشكل عام يستحسن إنك تبقى بتستخدم التكييف على قد ما تقدر لإن ده بيحسن أداءه كتير.

    بالنسبة للكاسيت: كويس إنه عندك بيثب على 10 أنا عندي كل ما أقفله و أفتحه ألاقيه على 0 و مش عارف ايه حل المشكلة دي لحد دلوقتي.

    أخيراً بالنسبة للفرامل هتاخد عليها مع الوقت إن شاء الله متقلقش و خلي بالك إوعى تمشي و هي مشدودة .. خللي الموضوع دايماً في بالك و إن شاء الله مش هتنسى.

    بالنسبة للعفشة هي كانت كده برضو أول ما إستلمتها بس بعدها بكام يوم رحت البنزينة أشيك على ضغط العجل لإني كنت شاكك إنه هو اللي منشفها كده طلع على حاجة و 40 طبعاً خليته يظبطه و الحمدلله بقت أنعم كتير و عندك المفروض تبقى أنعم كمان من عندي لو ظبطت ضغظ الهواء عشان الجنط عندك 15 مش 16 زي عندي.

    ربنا يباركلك فيها و يكفيك شرها و لو في أي إستفسار أنا موجود بصفتي أقدم منك :p



 
صفحة 1 من 3 1 2 3 الأخيرةالأخيرة

المواضيع المتشابهه

  1. ___""""""""الاسطورة لكزس gs الكوبيه تنتظركم في عام 2013 """"""""___
    بواسطة S O P H O S في المنتدى تـويوتـــا
    مشاركات: 4
    آخر مشاركة: 20-06-2012, 08:11 PM
  2. مقارنه دقيقه بين نيسان "ليفينا" وكيا " كارينز"
    بواسطة ahmed161075 في المنتدى قســـــــــم المقارنــــات
    مشاركات: 2
    آخر مشاركة: 20-12-2009, 04:46 PM
  3. الحكومة بتفلس""""تخفيض حوافز الاطباء """خلوها تخرب""
    بواسطة pharonicking في المنتدى المنتــــــدى الاجتمــاعى
    مشاركات: 20
    آخر مشاركة: 25-01-2009, 01:10 AM
  4. الحقنى يا استاذ سبعاوى """"""""""""""""""""""""""""""""""""""
    بواسطة ahmed161075x في المنتدى نيـــــــــسان
    مشاركات: 2
    آخر مشاركة: 21-01-2009, 11:19 AM
  5. يا جماعه محتاج مساعده سريعه لضيق الوقت """"""""""""""
    بواسطة ama79 في المنتدى المنتــــــدى العـــــــــــام للسيــارات
    مشاركات: 0
    آخر مشاركة: 29-09-2008, 05:45 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2