عرض للطباعة
السلام عليكم قريبا ان شاء الله سأنضم الى حبايب الدايو لانوس فقد حجزتها وسأستلمها بعد أسبوع انشاء الله وأريد أن اعرف ها أستلم أيه معاها وياريت نصايحكم عند الأستلام وهى لانوس
se
تم تغيير اللون, اللون الاحمر مخصص لاستخدام الادارة فقط
يرجى مراجعة قوانين المنتدى و الالتزام بها
مشرف القسم
فى البدايه الف مبروك و ربنا يديك خيرها و يكفيك شرها
بالنسبه للحاجات اللى هتستلمها هى :
1- كرتونه الطاسات وتحتوى على 4 طاسات
2- شنطه العده و تحتوى على مفتاح العجل و مفك مزدوج عاده و صليبه
3- كتالوج العربيه
4- الكوريك
5- كتاب الضمان
6- ضمان الكاسيت و البطاريه
و دى كل حاجه هتستلمها اما الحاجات اللى هتشيك عليها هى :
1- لف حوالين العربيه للتأكد من خلوها من الخبطات و التجريحات
2- افتح الشنطه وشيك على الأستبن
3- افتح الكبوت و شيك على الحوض و المكنه
4- جرب التكييف و الكاسيت
5-بص على عداد الكيلومتر
بس يا سيدى والف مبروك وربنا يباركلك فيها :):):)
و اتاكد ان لمبة التشك مش منورة و العربية دايرة
MMamdouh
ألف شكرا ياغالى على النصائح الغاليه وشكرا
وياريت نصايحك فى ال1000 كيلو الأولى وهل صحيح انى ماشغلش التكييف خلال هذه المسافه
كلة حيقولك متشغلش التكييف و متمشيش اسرع من 30 كيلو فى الساعة و الRPM ميزدش على 1273 لفة... كل دة اى كلام
بس فى النهاية دى عربيتك و انت حر تتعامل معاها زى ما يعجبك
MMamdouh
المهم انت رأيك ايه ياغالى
بص يا باشا بالنسبه لأول الف اهم حاجه انك متقرص على الغيارات اما بالنسبه للتكييف فشغله عادى والله العظيم انا سافرت بعربيتى من شهريين وهيا se برضه ومكنتش لسه كملت 1000 كيلو ورحت بيها فايد وكان معايه 6 افراد غير الشنط :eek: فى العربيه و مشغل التكييف ومفيش اى مشكله طبعا انا مش بقلك تعمل زيي بس عاوز اوضحلك ان تشغييل التكييف عادى جدا وده عن تجربه :)
شكرا ياغالى على تعبك معايا
الف مبروك مقدما يا باشا وربنا يحفظك ويحفظ العربيه وزى مقال محمد ممدوح متسمعش كلام التراث المصرى بخصوص التكييف وخلافه :D
عييش حياتك و استمتع بعربيتك :3gears:
شكرا ياغالى
نسيت اقولك حاجه مهمه وهى حاول على قد متقدر تنقل مظبوط يعنى تدى الغيار المناسب لكل سرعه ومتسبش الماتور يسقف منك :)
ماشى يا باشا