جوك-سبورتاج-جراند تريوس-تريوس- بريلينس v5

**castiron** · 10-10-2012 03:28 PM

في البداية انا كنت صاحب موضوع المقارنة بين القشقاي والسبورتاج وكنت مقيم خارج مصر وحبيت اعرف راي المستخدمين ولكن لما نزلت مصر لقيت ان السبورتاج في مبيعاتها متفوقة ودة عامل مهم في الري سال ودة بصراحة معناه تفوق السبورتاج ودة خلاني اشيل القشقاي من اعتبراتي مع اني من عشاق نيسان وامتلك خارج مصر عربية نيسان التيما وهي غير موجودة في مصر مع كامل اعتذاري لي اييد القشقاي واللي لفت نظري وجود عربيات اخري مبيعاتها معقولة زي(جوك وجراندتريوس وتريوس) واضفت برلينيس v5 لانها لسة نازلة ولكي اكون دقيق عايزمساعدتكم في الاجابة عن اسئلة محددة
1- نعومة العربية وتسارعها ايهم افضل في ال5 سيارات(ملحوظة جميع السيارات اتوماتيك فقط)
2- قطع غيارها من حيث التوافر والسعر
3-التوكيلات ايهم افضل في التعامل
4- الري سال ايهم افضل
5- اقتصادية في استهلاك البنزين
6-في حالة حبيت اجيب اي نوع من الخليج هل افضل مع مراعة نقطتين
أ- السبورتاج موجودة 2000 سي سي سيتم استبعدها وكمان v5 غير موجودة
ب- هل الانواع الاخري(جوك-جراند تريوس-تريوس) في اختلاف في قطع الغيار زي الفوانيس احيانا اللي نازلة في الخليج الفوانيس بتاعة مصر ما بتركبش عليها
واسف علي الاطالة وشكرا علي المساعدة

**محمد بدر** · 10-10-2012 04:04 PM

صديقى العزيز اكلم سيادتك بمنتهى الحيادية والشفافية
انا فعلا بالأمس فقد لفتت نظرى ال v5 فهى تقريبا استنساخ ل bmw x1 شكلها رائع وملفت جدا
وادهشنى ان رجل المبيعات فى نفس المعرض قال لى بالحرف الواحد ان السبورتاج حتى هذه اللحظة هى المتفوقة بجدارة فى هذه الفئات - وبعد استبعاد v5 لأنها صناعة صينية بالرغم من انها تتبع البافارية ولاكنها اقل من ان تدخل فى المقارنة
وبإختصار شديد وبدون تحيز وبعد تجربتى للسبورتاج لمدة 5 أشهر سفر وخلافه لو رجع الزمن تانى وكانت امامى هذه الأختيارات كلها والله ما أختار إلا السبورتاج
فنصيحتى لك حاول توكل احد الأشخاص ليقوم بالحجز من الوكيل فى القاهرة من الآن ومش هتندم ابدا واعتبر الموضوع ده على مسئوليتى الشخصية ونا بكلم وكلى ثقة ان هذه السيارة سوف تنول اعجابك ورضاك ان شاء الله