انا حاجزه صني بقالي شهرين والمفروض استلمها كمان اسبوعين وفوجئت ان هيا مابتجيش بإنذار فهل ينفع اخليهم في التوكيل يركبولي إنذار وكمان عاوزه اركب ( بارك سينسور ) ممكن حد يفهمني ينفع ولا لأ وياريت لو ينفع هيكون أسعارهم ايه ؟
وشكرا علي المنتدي الجميل ده
عرض للطباعة
انا حاجزه صني بقالي شهرين والمفروض استلمها كمان اسبوعين وفوجئت ان هيا مابتجيش بإنذار فهل ينفع اخليهم في التوكيل يركبولي إنذار وكمان عاوزه اركب ( بارك سينسور ) ممكن حد يفهمني ينفع ولا لأ وياريت لو ينفع هيكون أسعارهم ايه ؟
وشكرا علي المنتدي الجميل ده
450 جنيه تقريبا
ممكن طبعا يركبوة فى التوكيل
بس الاحسن لو انتى هتصينى برة التوكيل ركبيه برة
ينفع يتركبوا عادى و حضرتك ركبيهم فى التوكيل احسن علشان ضمان ضفيره الكهرباء ما ينتهيش. ممكن ببساطه تكلمى أوتو ايجيبت او السبع و تسألى عن الاسعلر و مصنعيه التركيب و تبقى تركبيهم مثلا مع صيانه الالف كيلومتر و ألف مبروك مقدما
ألف مبرووك مقدما و ان شاء الله تستلمى على خير
دايما اعملى الصيانات فى التوكيل و طول ما العربية فى الضمان لو هتركبى انذار او باركينج سنسور او وحدات رفع للزجاج الكهرباء ركبيهم فى التوكيل علشان ضفيرة الكهرباء ما تخرجش من الضمان
هى فيها ايمو بلايزر و كمان اللى أعرفه ان لو حد حاول يسرقها الموتور هيبطل منه بعد 10 متر
وتركيب الانذار للصنى 2013 كان فى اعضاء سألت فى التوكيل و كان لسه ما نزلش ليها
و فى توكيلات مش بترضى تركب أى حاجة فى العربية علشان نيسان ايجيبت منعت كده
تقريبا مودرن ايجيبت بس هى اللى بتركب و بتتحمل مسئولية الكلام ده لكن اوتو ايجيبت و السبع لأ
وممكن تتصلى بيهم تتأكدى منهم
.
h,b
اولاً مبروووك السياره
ثانيا فى حاله رغبه حضرتك ان تركيبى اى حاجه يفضل ان يتم تريكيبها فى التوكيل حتى بعد انتهاء فتره ضمان السياره دا لان التوكيل بيضمن الحاجه التى يتم تركيبها وفى حاله حدوث مشاكل منها يتكفل بإصلاحها
بالبارك سينسور اكيد حضرتك هتحتجيه جداً وهو فعال ومهم للغايه ويفضل ان يتم تركيب وحده رفع زجاج معه وهتحسى بفرق كبييررررررر اوى فى العربيه
انا ركبتهم فى مودرن فى الدقى والحمد لله شغالين زى الفل بقالهم سنه والسعر كان تقريباص 450 ج
اما عن الانذاؤر معنديش فكره عنه
تحياتى لحضرتك
حد يقلنا اية هو ايمو بلايزر وهل المفتاح الاستبن فية دائرة كهرومغناطسية زى ما انا فاهم علشان تكمل الائرة
ولا اية الموضوع