لقيت مكانيكى فيات فى وينجت فى اسكندريه ياترا حد جربه هنا

**misoalex** · 10-10-2012 07:35 PM

يا جماعه انا بالصدفه ماشى فى شارع وينجت كنت داخل من شارع مصطفى كامل بعد نادى القضاه وعديت مزلقان القطار ولقيت مكانيكى فى شارع جانبى يمين عنده عربيات فيات بيترا وبونتو وبونتو كلاسيك هى ورشه صغيره كده وجنبها واحد بتاع قطع غيار وبعديها ورشه تانيه بتاعه واحد اسمه احمد السبكى تقريبا والشارع ده سد وعلى اوله قهوه عليها يافطه ليبتون

حد يعرف المكانيكى بتاع الفيات ده او اتعامل معاه او سمع عنده ؟؟

**karimalaa** · 10-10-2012 08:14 PM

النونو اللي في صلاح الدين كان قال لي عليه قبل كده بيسوق له بس ماجربتوش...

**misoalex** · 10-10-2012 09:08 PM

المشاركة الأصلية كتبت بواسطة karimalaa

النونو اللي في صلاح الدين كان قال لي عليه قبل كده بيسوق له بس ماجربتوش...

مهو النونو بحس انه بياع كلام ممكن يكون المكانيكى نص كم بس شغال على نظام السيط ولا الغنا
وممكن يطلع محترم وفاهم فعلا بس ايه السر انه محترم ومش معروف ده انا شوفته بالصدفه

ده كان عنده ماريا وبيترا وبونتو وبونتو كلاسيك كان شغال فيها حاسس انه ممكن يطلع كويس بس خايف اجربه يبوظلى الدنيا وانا اصلا لسه عامل مشكله مع مكانيكى وربنا يستر مش عارف حترسى على ايه فمعنديش استعداد اجرب تانى
ده غير احمد لانشيا اللى ماشاء الله العربيه تروحله بعيب تطلع ب 2 او 3 بسبب الاستهتار

**Mostafa.Mahran** · 10-10-2012 09:19 PM

البلية الى كانت عاملة الصوت ولا طلعت حاجة تانية؟

**misoalex** · 10-10-2012 09:25 PM

المشاركة الأصلية كتبت بواسطة eng.m mahran

البلية الى كانت عاملة الصوت ولا طلعت حاجة تانية؟

اه يا مصطفى بس ربنا يستر وتيجى على البليه بس لان لو التقسيمه اللى عملها هى اللى فيها المشكله يبقى لبست فى الحيطه

المكانيكى رحتله استعبط ويقوللى مفيهاش حاجه ومفيش صوت بس هو فعلا الصوت ساعتها كان واطى لكن موجود المهم روحتله انهارده وكان الصوت طالع ملعلع لقيت وشه اتقلب وقاللى هتهالى يوم تانى عشان فيه كذا عربيه وبتاع وكنت حعمل معاه مشكله بس قولت اخلينى وراه لحد الاخر

**karimalaa** · 10-10-2012 09:26 PM

والله مش عارف ايه نظامه مافتيش بس على كلامه انه جامد و عنده كشف على الكمبيوتر... ورشة كهرباء و ورشة ميكانيكا و مابيشتغلش غير في الايطالي يعني على كلامه المفروض يطلع a1

**misoalex** · 10-10-2012 10:04 PM

المشاركة الأصلية كتبت بواسطة karimalaa

والله مش عارف ايه نظامه مافتيش بس على كلامه انه جامد و عنده كشف على الكمبيوتر... ورشة كهرباء و ورشة ميكانيكا و مابيشتغلش غير في الايطالي يعني على كلامه المفروض يطلع a1

تمام طب متعرفش اسمه ايه وانا احاول اسأل عليه واحد ممكن يطلع يعرفه

**karimalaa** · 10-10-2012 10:20 PM

اسمه الحاج جابر على كلام الناوناو d:

**misoalex** · 10-10-2012 10:52 PM

المشاركة الأصلية كتبت بواسطة karimalaa

اسمه الحاج جابر على كلام الناوناو d:

ههههههههههه ماشى

**mishoooonline** · 22-10-2012 01:34 AM

والله يامان انا ساكن هناك ومعايا بترا 2004
بقالها 4 شهور معايا
عملت تشك ع العربية عندو وغيرت سيور التقسيمة والبور وحبة حاجات كده بوجيهات و كهربا المتور وموبينة بعد اسبوع من اول ما اخدت العربية"يلاربنا يسامحو اللي باعهالي "
شغلو كويس لان مفيش عيب ظهر ف العربية من بعد الصيانة وسافرت بيها مطروح ف الصيف ده واتفسحت

واهو لسه شغالة
ههههههههههههههههههههههههه ههه

اه ع حسب ما سمعت انو كان شغال ف توكيل فيات وطلع ع المعاش وفتح الورشة دي هو وكام واحد من اللي كانو معاه

الموضوع: لقيت مكانيكى فيات فى وينجت فى اسكندريه ياترا حد جربه هنا

LinkBack

أدوات الموضوع

عرض

لقيت مكانيكى فيات فى وينجت فى اسكندريه ياترا حد جربه هنا - انشر الموضوع فى :

-

-

-

-

-

-

-

-

المواضيع المتشابهه

مطلوب مكانيكى بيفهم فى الفيات الحديث فى اسكندريه

لقيت اسبراى بلاك حد جربه قبل كده ؟

مساعده من اهل اسكندريه عن اماكن البيع في اسكندريه

اجمد فيات 127 توب من اسكندريه

لو لقيت بيجو 305 أرمى فيات 128 فى الزبالة ""موضوع منقول""

الكلمات الدلالية لهذا الموضوع

المفضلات

المفضلات

ضوابط المشاركة