سعر البنزين للسيارات الكبيرة

**khaled65** · 10-10-2012 08:53 PM

لقد سمعنا في الأونة الأخيرة عن أعتزام الحكومة الرشيدة بقيادة الأخوان المسلمين عن التوجة لزيادة سعر البنزين للسيارات فوق ١٥٠٠س سي وعدم دعمة لهذه السيارات على أساس أنهم أغنياء ماليا ويمكنهم شراء البنزين بأي سعر وبالتالي يمكن يصل سعر اللتر ل ٣ أو ٤ أو ٥ جنيه لأن السعر سيكون حر وطبعا السعر عمره ما حينزل حتى لو أنخفض السعر العالمي ، وجهابزة الأخوان لا يعلمون أن كل شئ في مصر مرتبط بسعر البنزين يعني لو أنا صاحب محل جزارة وعندي سيارة كبيرة سأعوض فرق سعر النزين الذي أدفعة لسيارتي من المستهلكين الغلابة وكذلك الفكهاني و صاحب المصنع ،،،،،،ألخ وبعدين أنا شخصيا أدفع رسوم سنوية للسيارة الشيروكي في حدود ٧٠٠٠ جنيه أليس هذا دخل للدولة أدفعة كدخل للدولة لدعم المحروقات وخلافة وكذلك يعتبر دعم للفقراء أي نوع من الذكاة تحصلة الدولة من الأغنياء المقتدرين وتعطية لأخواتنا و إخونا المحتاجين ولا إعتراض منا لذلك الإمر لأن هذا حقهم علينا و لو طلب منا أزيد لدفعنا بس نشوف إن هذه الرسوم التي تحصلها الدولة تذهب لمستحقيها ولا تذهب لجيبوب البهوات مثل السابق . فهل سيتم تحويل الدولة الى النظام الشيوعي ،أفيدونا أفادكم الله .:b4_048:

**ahmed_eng2001** · 11-10-2012 11:03 AM

السلام عليكم

اكتر حاجة بتصيبنى بالحزن ..... موضوع رفع اسعار البنزين و السولار
علشان ده معناه زيادة اسعار كل حاجة ... بداية من حزمة الجرجير .... لحد السلع المعمرة
بس يبدو ان موضوع دعم المواد البترولية ده عامل ارتباك لاى حكومة .... الحكومات من ايام مبارك و هما عمالين يلمحوا لقصة الدعم ده
و بعدين ليه دائما محاولة التفريق بين الى راكب عربية صغيرة و الى راكب عربية كبيرة
الى راكب عربية قديمة و الى راكب عربية جديدة
الكل بيدفع ضرائب

**abogooda** · 11-10-2012 01:29 PM

العربيه الشيروكى موديل السنه فى السعوديه حوالى 90000 ريال يعنى 150000 مصرى هى سعرها فى مصر 650000 جنيه كل الفرق فى جيب الحكومه ده عير الضريبه والترخيص
طيب طلماحيدونا البنزين بالسعر العالمى كمان يجبو ايضا العربيات بالسعر العالمى
لو تحسبها الفرق حواى نصف مليون جنيه فوق ثمن السياره يعنى الغنى يشيل الفرق فى البنك وكل شهر ياخد ربحه ويحط بيه بنزين غير مدعم ويجعله عامر وبعدين البترول المصرى بتاع الغنى والفقير وبلاش التفرقه بين طبقات البلد هى مش ناقصه نفسنه اللهم وفق ولاة امورنا لما تحبه وترضه

**Land_Cruiser** · 11-10-2012 01:39 PM

العدل بيقول يا أما ينزلوا سعر الجمارك او يعملوا مواصلات محترمه تغنى الناس عن استخدام السيارات طول الوقت لكن كده الناس هتعمل ايه؟ الناس بره بيشتروا البنزين بالسعر الحر فعلا بس العربيات أسعارها رخيصه و مرتباتبهم عاليه و فى خدمات حقيقيه بتتقدم بفلوس البنزين دى و الضرائب و فى اعانه بطاله و فى علاج و تعليم مجانى على اعلى مستوى و فى مواصلات آدميه كل الناس بتركبها و بتروح بيها الشغل و المدارس و الجامعات فى منتهى الاحترام و النظام و النظافه لكن إحنا عندنا بياخدوا الجزء اللى يعجبهم بس اللى هو السعر الحر و يسيبوا الباقى

**Ahmed_Adham** · 12-10-2012 03:46 AM

المشاركة الأصلية كتبت بواسطة Land_Cruiser

العدل بيقول يا أما ينزلوا سعر الجمارك او يعملوا مواصلات محترمه تغنى الناس عن استخدام السيارات طول الوقت لكن كده الناس هتعمل ايه؟ الناس بره بيشتروا البنزين بالسعر الحر فعلا بس العربيات أسعارها رخيصه و مرتباتبهم عاليه و فى خدمات حقيقيه بتتقدم بفلوس البنزين دى و الضرائب و فى اعانه بطاله و فى علاج و تعليم مجانى على اعلى مستوى و فى مواصلات آدميه كل الناس بتركبها و بتروح بيها الشغل و المدارس و الجامعات فى منتهى الاحترام و النظام و النظافه لكن إحنا عندنا بياخدوا الجزء اللى يعجبهم بس اللى هو السعر الحر و يسيبوا الباقى

أكيد واحد من الحيتان الكبار هينزل شحنه موتسيكلات صيني كبيره قريب عشان شكلها كده هيه اللي هيبقى عليها الطلب.

**faithiologi** · 14-10-2012 03:55 AM

Ostor ya rab!
متابع معاكم الاخبار

**Curva Nord** · 16-11-2012 10:15 PM

اعتقد الدعن هيترفع عن ال95 او ال80 وال90 وممكن نضيف لهم ال92 صعب يفكروا فى الايام الحالية يقربوا لهم خصوصا ان الاوضاع لم تتحسن حتى الان

**pegpus** · 20-03-2013 07:29 AM

انا محتاج أعرف أوأتفهم
ألاءنسان المتيسر \ أليس هو من أوائل الناس دافعى الضرائب الشرسه التى دائما تعتمدها الحكومه من خلال موظف خائف من المسؤلين أو حاقد على رزق الأخر المستباح ماله وأن لم يكن يحجز عليه ويقف عمله وتشرد عماله أليس هذا الشخص الناجح الذى يدفع بشكل او بأخر مرتبات تلك الحكومه الفاشله اليست موارد تلك البلد ليس له الحق فيها الانسان الناجح منبوذ من بلده وللاسف واهله ايضا انا حاسس انهم سوف يمنعون المصايف المتاحه عليهم ويفرضون شارم ومارينا والاماكن السياحيه هاكذا تبنى مصر
لقد استحلو لاأنفسهم سيارات فارهه ونحن لاذلنا نمد ايدينا للخارج حتى بعد المسماه بالثوره مع ان المفروض ان يمتثلو كبلاد اخرى وينورونا بركوبهم الادا تقفيل مصرى وهذا والله كثير عليهم
على الاقل تنزل تلك السيارات مزادات ويستفيد بها من يستحق وليس الفشله عقيمى التفكير ويدخل ريعها للبلد فهى أولى بمالها لأولادها
بعد فشل مصر فى الدوره العالميه لجملة اسباب \ ؟؟؟
اتجهو لقصة الاحلال وماادرك ماالاحلال \ المهم سيارات كالباسكويت لاتتحمل الاسفلت المهضوم حقه اساسا والمنهوك من زمنوه والمطبات الاهليه والحكوميه اللتى تقصم ظهورنا هى وأقصاتها ايضا غير قطع الغيار وغير وغير وغير