تلف موتور مازدا 3 و الاستفسار عن اسعاره

الموتور عندي قفش و اتكسر .... انا علابيتي مازدا 3 2007 ... كنت ماشي بيها عاي جدا على الطريق الصحراوي الغربي و فجأة طفت لوحدها و قلبت مدخنة و ضربت زيت في الكبوت ... انا لحد دلوقتي مش عارف ايه السبب

انا في مشكلة و الله العظيم يا رجالة .... انا عايز اعرف اسعار الموتير بتاعت مازدا 3 بكام و فيين ... انا عارف الحرفيين و نزلتها قبل كده كتير بس الفكرة اني مش من القاهرة و محتاج اعرف تمن الموتور قبل ما اسافر عشان اعمل حسابي
انا اسف مرة تانية بس ارحوكم انا فعلا محتاج مسعدتكم معايا اللي يعرف تمنه كام و من فيين يقولي

اولا الف حمد الله على سلامتك وربنا يعوضك خير

انا بصراحة كان نفسي اقدر اساعدك بس معنديش اي معلومات

قدر الله وما شاء فعل
المهم انك سليم والحمد لله على سلامتك واي شيء تاني يتعوض
وان شاء الله الاعضاء اصحاب المازدا 3 يقدرو يفيدوك وربنا يعينك وان شاء الله كل شيء يتصلح

بلدياتي :( كان نفسي اخدمك واللهي

حمدلله علي سلامتكم وانشألله بسيط

اقتباس:

---

المشاركة الأصلية كتبت بواسطة mechatronics

الموتور عندي قفش و اتكسر .... انا علابيتي مازدا 3 2007 ... كنت ماشي بيها عاي جدا على الطريق الصحراوي الغربي و فجأة طفت لوحدها و قلبت مدخنة و ضربت زيت في الكبوت ... انا لحد دلوقتي مش عارف ايه السبب

انا في مشكلة و الله العظيم يا رجالة .... انا عايز اعرف اسعار الموتير بتاعت مازدا 3 بكام و فيين ... انا عارف الحرفيين و نزلتها قبل كده كتير بس الفكرة اني مش من القاهرة و محتاج اعرف تمن الموتور قبل ما اسافر عشان اعمل حسابي
انا اسف مرة تانية بس ارحوكم انا فعلا محتاج مسعدتكم معايا اللي يعرف تمنه كام و من فيين يقولي

---

شوف انا هفيدك علي قد مقدر كنت قاعد مع واحد صاحبي هو يعتبر تاجر عربيات لان عدي عليه لحد دلوقتي اكتر نن اربعين عربية علي العموم هو كان معاه من اربع سنين مازدا ٣ حب يسقطلها مكنه ٢٠٠٠ راحل الحرفيين دخل مكنته ال١٦٠٠ بالفتيس بتاعها في مكنه ٢٠٠٠ بالفتيس بتاعها ودفع فرق ٤٠٠٠ جنيه مع مراعاة ان اسعار قطع غيار المازدا ساعتها كنت نار يعني علبة دركسيون استيراد كانت ب ٤٠٠٠ جنيه دلوقتي ب١٣٠٠ بس اهم حاجة قالي عليها ان مش اي حد يسقط المكنه عشان لو اتسقطت غلط هتبوظ حاجات كتير وقالي كهربائي اسمه عسكر في الحرفين هو اللي يزبطلك كهربتها وكلفته ١٥٠٠ كمان كهربائي وميكانيكي لما سقطها
ولو في اسافسار انا في الخدمة

من كام شهر شوفت عربية مازدا 3 عند الميكانيكى
كان بيغيرلها ماتور
سألته على سعر الماتور قالى حوالى 6000 جنيه (مش متأكد من الرقم)
اشتروه من بورسعيد

اقتباس:

---

المشاركة الأصلية كتبت بواسطة elawany13

من كام شهر شوفت عربية مازدا 3 عند الميكانيكى
كان بيغيرلها ماتور
سألته على سعر الماتور قالى حوالى 6000 جنيه (مش متأكد من الرقم)
اشتروه من بورسعيد

---

استحاااااااالة بورسعيد تلاقيلها حاجة المازدا انا كنت هناك وطلع تييييييت اهلي علي ما لقيت علبة دركسيون وقالي لو عايز مقصات ممكن نسلمهاك في فزعنا في الحرفيين وكان معايا صحابي من بورسعيد مفهاش اي حاجة ليها علاقة بالمازدا غير محل يتيم في الشونه وحاجته بيبيع بهبل يعني مقص استيراد قالي الواحد ب١٦٠٠ ايو ازاي ياعم ده الجديد ب٨٠٠ اصلي !
عرفت بقول استحالة ليه

شكرا لكل الناس اللي ردت عليا ... و الله يسلمكم كلكم

بس هو اكيد كده مفيش مواتير مازدا في بور سعيد .. يعني انا مضطر كده على الحرفيين ؟!!

طيب يا جماعة حد يديني نمرة اي حد في الخرفيين بيبيع قطع غيار استيراد ليها

اقتباس:

---

المشاركة الأصلية كتبت بواسطة medokassem

استحاااااااالة بورسعيد تلاقيلها حاجة المازدا انا كنت هناك وطلع تييييييت اهلي علي ما لقيت علبة دركسيون وقالي لو عايز مقصات ممكن نسلمهاك في فزعنا في الحرفيين وكان معايا صحابي من بورسعيد مفهاش اي حاجة ليها علاقة بالمازدا غير محل يتيم في الشونه وحاجته بيبيع بهبل يعني مقص استيراد قالي الواحد ب١٦٠٠ ايو ازاي ياعم ده الجديد ب٨٠٠ اصلي !
عرفت بقول استحالة ليه

---

يبقى ممكن من الحرفيين
أنا مش فاكر كويس الأرقام والمكان
بس اللى فاكره كويس ان الميكانيكى قالى ان حاجاتها متوفرة استيراد وبسعر كويس
مقارنة بقطع غيارها اللى بتتباع بأسعار خرافية جديدة

الف حمد لله على سلمتك و قدر الله ماشاء فعل انا هكتبلك شويه ارقام يارب ينفعك
رقم تليفون العالميه فى الحرفيين : 01064444487
و فى عندك محمد جابر : ميدان الجامع مصر الجديده 22582995-24552703
و فى واحد بتاع استيراد فى الحرفيين انا كونت اشتريت منه باب بس الشكل القديم اسمه سيد حماد - عمارة الربيع- امام بلوك 9 01111116214-01005120670-01229090486 ايمن
كاظم ش الدكتور احمد ممدوح امام بلوك 9 01002646129-01007044800

لا حول ولا قوة الا بالله
قدر الله وماشاء فعل المهم انك بخير
بص انا معرفش سعر موتور 1600 كام
بس اعرف ان ال 2000 بيعمل من اول 10000 بالفتيس وبالضفيرة
ربنا يوفقك للخير وعرفنا الدنيا حصل فيها